- -20%
HIND RAJAB: ORU KUNJUTHINKALAZHCHAYUDE JEEVACHARITHRAM
Original price was: ₹90.00.₹72.00Current price is: ₹72.00.ആറു ശവങ്ങളോടൊപ്പം ഒരു കാറിൽ മണിക്കൂറുകൾ കഴിച്ചുകൂട്ടിയ ഹിന്ദ് റജബ് എന്ന ആറുവയസ്സുകാരിയായ പാലസ്തീൻ പെൺകുട്ടിയുടെ കഥയാണിത്. പാലസ്തീനിൽ ഇസ്രായേൽ നടത്തിക്കൊണ്ടിരിക്കുന്ന മനുഷ്യത്വരഹിതമായ കൂട്ടക്കൊലയുടെ ഏറ്റവും ഭീതിദമായ സമീപകാല ചിത്രങ്ങളിലൊന്നാണ് ഹിന്ദ് റജബിന്റെ കഥ.
ആ കൊച്ചു പെൺകുട്ടി അനുഭവിച്ച സമാനതകളില്ലാത്ത പേടിയെ, വേദനയെ, ഒറ്റപ്പെടലിനെ പകർത്തുകയാണിവിടെ. അവളുടെ മരിക്കുന്നതിനു മുമ്പുള്ള കുറച്ചു മണിക്കുറുകളാണ് ഈ കുഞ്ഞുനോവൽ. - -20%
PUNCHIRIPPUZHAYILE VELLAARAMKALLUKAL
Original price was: ₹90.00.₹72.00Current price is: ₹72.00.ശാസ്ത്രം വിശ്വാസമല്ല. സത്യമാണ്. ശാസ്ത്രവെളിച്ചത്തിലൂടെ കുട്ടികളെ കൈപിടിച്ചു നടത്തുന്ന കുഞ്ഞുനോവലാണ് കെ. മണികണ്ഠൻ എഴുതിയ പുഞ്ചിരിപ്പുഴയിലെ വെള്ളാരങ്കല്ലുകൾ’. അപ്പുവും വിഷ്ണുവുമാണ് ഈ കൃതിയിലെ പ്രധാന കഥാപാത്രങ്ങൾ; നിരന്തരം ചോദ്യങ്ങൾ ചോദിക്കുന്ന രണ്ടു കുട്ടികൾ. ലാളിത്യമാർന്ന, കൗതുകകരമായ, പരിസരപഠനം കൂടിയാണ് ഈ പുസ്തകം. നമ്മൾ നേടിയ പുരോഗതിയുടെ മിടിപ്പ് ശാസ്ത്രത്തിന്റേതാണ്. ശാസ്ത്രബോധം സാമൂഹിക ബോധമായി, സംസ്കാരമായി പരിണമിക്കുന്നതിന്റെ ആനന്ദമാണ് ഈ ബാലസാഹിത്യകൃതി. -രാമകൃഷ്ണൻ കുമരനല്ലൂർ
ഉറ്റചങ്ങാതിമാരായ അപ്പുവിന്റെയും വിഷ്ണുവിന്റെയും ചുറ്റുവട്ടയാത്രകളും പരിസരക്കാഴ്ചകളുമായി ഒരു കുഞ്ഞുനോവൽ.
- -20%
PRANAYAKKAVILAMMA
Original price was: ₹90.00.₹72.00Current price is: ₹72.00.ഞാൻ മനസ്സിലാക്കി – എന്റെ അമ്മയെ അല്ല, വിലാസിനി എന്ന സ്ത്രീയെ, അവരുടെ വിവാഹത്തെ, അവരുടെ ഭർത്താവിനെ, അവിഹിതഗർഭം ചുമന്ന അവരുടെ മകളെ, അവരുടെ ഒറ്റപ്പെടലിനെ, സങ്കടങ്ങളെ, ശമനം കിട്ടാതെ പോയ ഉടൽപ്പെരുക്കങ്ങളെ, ഉറക്കം വെടിഞ്ഞ അനേകം രാത്രികളെ, അടുക്കളവട്ടത്തിൽ ഊർന്നുവീണ കണ്ണീരിനെ, പറയാൻ കഴിയാതെ ഉള്ളിലൊളിപ്പിച്ച നോവുകളെ, കാലിൽ തറച്ച മുള്ളുകളെ, സാന്ത്വനമായി വന്നെത്താത്ത സ്നേഹവിരലുകളെ, കുളിരായി പുണരാത്ത പ്രണയപ്പച്ചകളെ, എല്ലാത്തിനുമപ്പുറം നാല്പത്തിമൂന്നു വർഷം ഉള്ളിലെ ഗർഭത്തിൽ അവർ വഹിച്ച ജീവിതമെന്ന ചാപിള്ളയെ…
- -20%
CHITHRAKOODAM
Original price was: ₹90.00.₹72.00Current price is: ₹72.00.ജാതിമേധാവിത്വത്തിന്റെ കോട്ടകൊത്തളങ്ങളെ, കല്ലിന്മേൽ കല്ല് ശേഷിക്കാത്തവിധം, തകർത്തുകളയുവാൻ അക്ഷീണം പ്രയത്നിച്ച ഒരു മഹാത്മാവിന്റെ ജീവിതകഥ പറയുകയാണ് ഈ ആഖ്യായിക. അടിയാളരിൽനിന്നും പൗരർ എന്ന പദവിയിലേക്ക് അയ്യങ്കാളി ഒരു ജനതതിയെ നയിച്ചു. സാമൂഹികഭ്രഷ്ടിന്റെ ഇരുൾമാളങ്ങളിൽനിന്നും അവരുടെ ആത്മാഭിമാനത്തെ വീണ്ടെടുത്തു. ആ തലേക്കെട്ടുകാരനായ കോട്ടുധാരിക്ക് ചരിത്രം ‘പുലയരാജാവ്’ എന്ന വിശേഷണം നല്കി. നീതിക്കു വേണ്ടി ദാഹിച്ച ആ ദളിത് വിമോചനസമരനായകൻ തന്റെ അധഃസ്ഥിത സഹോദരങ്ങൾക്ക് അക്ഷരവിദ്യയ്ക്കും വഴിനടപ്പിനും മാന്യമായ വസ്ത്രധാരണത്തിനും വേണ്ടി നിരന്തരം ശബ്ദമുയർത്തി. അടിമകളുടെ ഉടമകൾ വാഴുന്ന ‘ധർമരാജ്യ’ത്തിലെ ‘നീതിസാര’ത്തിനു വഴങ്ങാതിരുന്ന ഒരു നിഷേധിയെ നിങ്ങൾക്ക് ഈ പുസ്തകത്തിൽ കാണാനാകും.
- -20%
KANMUNNIL SAMUDRAM
Original price was: ₹90.00.₹72.00Current price is: ₹72.00.നെഞ്ചോടു ചേർത്തുപിടിക്കുന്ന കാമനകളുടെ ജലകന്യയെ നിരസിക്കുവാനാവാതെ സ്വന്തം വിധിയുടെ സാഗരം താണ്ടുന്ന ഒരു പത്രപ്രവർത്തകന്റെ ജീവിതകഥ. സമുദ്രത്തിന്റെ ആഴ നീലിമയിൽ ആ ജലകന്യക അയാളെ കൊണ്ടുപോകുന്നത് വർണാഭമായ രതിരഥ്യകളിലൂടെയാണ്. എങ്കിലും ആർത്തലയ്ക്കുന്ന കടൽപ്പരപ്പിന്റെ രൗദ്രയാഥാർഥ്യങ്ങളിലേക്കു പൊന്തി വന്നേ തീരൂ. അതാണു ജീവിതം.
- -20%
NEELIPPONMAN
Original price was: ₹90.00.₹72.00Current price is: ₹72.00.അലിവിന്റെയും അനുസരണയുടെയും ഗുണപാഠങ്ങള്‍ വണ്ടുകളുടെ മൂളിപ്പാട്ടുപോലെ മൃദുശബ്ദത്തില്‍ ഈ കഥാന്തരീക്ഷത്തില്‍ മുഴങ്ങുന്നു; അപ്പൂപ്പന്‍താടികള്‍പോലെ ഭാരമേതുമില്ലാതെ പാറിനടക്കുന്നു. പാട്ടിന്റെയും കഥയുടെയും തോളില്‍ കയ്യിട്ടുള്ള ഒരു ഉല്ലാസയാത്രയാണ് ഈ ‘ബെഡ്ടൈം സ്റ്റോറീസ്.’
- -20%
Innalekal Thonnalukal
Original price was: ₹90.00.₹72.00Current price is: ₹72.00.മറവിയുടെ കയത്തിലേക്ക് ആണ്ടുപോകുന്നതിനു മുന്‍പ് എത്തിപ്പിടിച്ച ഓര്‍മകളുടെ മണിമുത്തുകള്‍… അവ ഒരു കാലഘട്ടത്തെ കോര്‍ത്തെടുക്കുന്നു. ഒരിക്കലും തിരിച്ചുവരാത്ത ആ നല്ല നാളുകളിലൂടെ…
- -20%
KADHA KADHA THAARAATTU
Original price was: ₹90.00.₹72.00Current price is: ₹72.00.കഥയോളങ്ങള്‍ തിമര്‍ത്തുചെന്ന് ചിരിക്കക്കകള്‍ വാരാനായി ഇത്തിരിക്കുഞ്ഞന്മാരെ വിളിച്ചുകൂട്ടുകയാണ് ഇവിടെയൊരു എഴുത്തുകാരി. നാഴിപ്പയറ് വറുത്ത കൊച്ചുകുട്ടത്തിയും, പുഴയില്‍ ‘ബ്ലുമ്മിയ’ ഉറുമ്പും, കിട്ടാമുന്തിരിയുടെ പുളിപ്പറിഞ്ഞ കുട്ടിക്കുറുക്കനും, ഓട്ടമത്സരത്തില്‍ തോറ്റുതൊപ്പിയിട്ട മുയലും, തുമ്പിക്കൈയില്‍ സൂചിക്കുത്തേറ്റ ആനയും, സ്വരസ്തുതിയില്‍ മയങ്ങിയ കാക്കയും ഒക്കെ ഇതില്‍ പുതുനിറക്കുപ്പായത്തോടെ, പുതുശബ്ദക്കുരലോടെ കൂട്ടുകാരെ തേടിയെത്തുന്നു; അവരേയും റാഞ്ചി കഥയുടെ വിസ്മയാകാശത്തേക്കു പറക്കുന്നു. ഈ കഥകള്‍ക്കരികില്‍ പറ്റിപ്പിടിച്ചിരിക്കുന്ന പഞ്ചാരത്തരികള്‍ കുരുന്നുകളില്‍ ജീവിതസ്നേഹത്തിന്റെ നറുമധുരമാകും. ഇക്കഥകള്‍ അമ്മത്താരാട്ടുപോലെ അവരെ സുന്ദരസ്വപ്നങ്ങളിലേക്ക് ഉറക്കും, അമ്മോപദേശംപോലെ പ്രപഞ്ചസത്യങ്ങളിലേക്ക് ഉണര്‍ത്തും.
- -20%
ILAKALUDE NRITHAM
Original price was: ₹90.00.₹72.00Current price is: ₹72.00.‘ചെറുതാണ് സുന്ദരം’ എന്നതിന് നിത്യസാക്ഷ്യമാണ് പാറക്കടവിന്റെ കഥകള്‍. ഈ എഴുത്തുകാരന്റെ കാതുകള്‍ മേഘഗര്‍ജനവും കിളിയൊച്ചയും ഒന്നുപോലെ പിടിച്ചെടുക്കുന്നു. അകം വെന്തുണര്‍ന്ന, ഉറങ്ങാത്ത വാക്കുകള്‍ ഇവിടെ അവിരാമം സംസാരിക്കുന്നു, സംവദിക്കുന്നു. ഭയപ്പുതപ്പിനുള്ളിലെ ലോകത്തിനുമേല്‍ ഇവ നക്ഷത്രപ്പൊട്ടുകള്‍പോലെ കാവല്‍നില്‍ക്കുന്നു.
- -20%
Paambum paambaattiyum pinnoru penkuttiyum
Original price was: ₹90.00.₹72.00Current price is: ₹72.00.കുഞ്ഞുകഥകളിലൂടെ വലിയ പാഠങ്ങള്‍ പകരുന്നവയാണ്, ദൈവം അനുഗ്രഹിച്ച ഈ ബാലകഥകള്‍. മകുടിയില്‍നിന്നൊഴുകുന്ന മധുരനാദത്തില്‍ നൃത്തമാടാന്‍ തുടങ്ങുന്ന നാഗത്താനെപ്പോലെ, ഈ കഥകളുടെ ഉള്ളില്‍നിന്നൂറുന്ന തിരിച്ചറിവുകളുടെ ഒഴുക്ക് കുട്ടികളുടെ ഇളംമനസ്സുകളെ ഉണര്‍ത്തും. താളം തുഴഞ്ഞു പോകുന്ന ഒരു തോണിപോലെ സ്വച്ഛസുന്ദരമായി വായിച്ചു പോകാവുന്ന മനോഹരകഥകള്‍.
- -20%
Chembavizhavum ottuvalayum
Original price was: ₹90.00.₹72.00Current price is: ₹72.00.നാഗരികതയുടെ കണ്ണടയിലൂടെ നോക്കുമ്പോള്‍ മങ്ങിയും മറഞ്ഞും കാണപ്പെടുന്ന ഒരു ഭൂവിഭാഗമാണ് ഈ കഥകളുടെ ദൃഷ്ടികോണില്‍. നിഴലുകള്‍ വെളിച്ചത്തെ മറയ്ക്കുന്ന, ഇരുള്‍വീഴുന്ന ഗിരിനിരകളിലേക്കും കാടകങ്ങളിലേക്കും അവിടെ അധിവസിക്കുന്ന പച്ചമനുഷ്യരിലേക്കുമുള്ള ഒരു നോട്ടം. മലവാഴിയെ ഉപാസിച്ച്, കുലനാഥനെ പ്രീതിപ്പെടുത്തി, ആചാരമുറ തെറ്റാതെപാലിച്ച് മുന്നോട്ടുപോകുന്ന ഈ മലവാസികളുടെ ജീവിതസമ്പ്രദായങ്ങള്‍ ‘പരിഷ്‌കാരി’കളായ നമ്മെ അതിശയിപ്പിച്ചേക്കാം; ചിലപ്പോള്‍ നാണിപ്പിച്ചേക്കാം. ഗോത്രങ്ങളും വര്‍ഗങ്ങളുമായി പിണഞ്ഞും പിരിഞ്ഞും പുലരുന്ന അവരുടെ അജ്ഞാതലോകത്തെ ‘നാട്ടുനടപ്പു’കള്‍ക്ക് നഗരവാസികള്‍ വന്യമെന്നോ അവിശ്വസനീയമെന്നോ ശോചനീയമെന്നോ ഒക്കെ മുദ്രചാര്‍ത്തിയേക്കാം.
- -20%
Out Of StockPulikkuttan
Original price was: ₹90.00.₹72.00Current price is: ₹72.00.പുള്ളിക്കൂമന്റെ ചുമലിലേറി കോഴിക്കോട് പട്ടണം കാണാന്‍പോയ കണ്ണന്റെ കഥയാണിത്. ഗ്രാമത്തിലെ കൂട്ടുകാര്‍ക്ക് അവന്‍ പുലിക്കുട്ടനാണ്; പുലിമടയില്‍ വളര്‍ന്നവനാണ്. കൂമനൊപ്പം മേഘങ്ങളെ തൊട്ടുമരുമ്മി കവലയില്‍ വന്നിറങ്ങുന്ന കണ്ണന്‍ അവിടെ ആദ്യം കാണുന്നതും പരിചയപ്പെടുന്നതും കുറച്ചു കടുവാക്കുട്ടികളെയാണ് – വെള്ളം തൊട്ടാല്‍ മായുന്ന വരകളുള്ള കടുവാക്കുട്ടികള്‍! ആ കളിക്കൂട്ടത്തിലെ പൂച്ചക്കണ്ണനാണ് കണ്ണനെ തങ്കമ്മായിയുടെ അടുത്തെത്തിക്കുന്നത്. തങ്കമ്മായിയിലൂടെ ഒരമ്മയുടെ സ്‌നേഹ വാത്സ്യങ്ങള്‍ കണ്ണന്‍ അറിയുന്നു; പുലിച്ചൂരുള്ള തന്റെ പൂര്‍വകഥ അറിയുന്നു.
- -20%
Out Of StockPithrutharppanamanthrangalum Pithrusradhavidhikalum
Original price was: ₹90.00.₹72.00Current price is: ₹72.00.ദേവപ്രീതിക്കും ഗുരുപ്രീതിക്കും മേലെയാണ് പിതൃപ്രീതിയുടെ സ്ഥാനം. സമ്പത്തും കുടുംബൈശ്വര്യവും സന്താനശ്രേയസ്സുമെല്ലാം ഇതില്‍ അധിഷ്ഠിതമായതിനാല്‍ പിതൃപ്രീതിക്ക് മുടക്കം പാടില്ലെന്നാണ് അഭിമതം. പിതൃകടം വീട്ടേണ്ടത് ജീവിച്ചിരിക്കുന്നവരുടെ കര്‍ത്തവ്യമാണെന്ന് പുരാണങ്ങളിലും സ്മൃതികളിലുമുണ്ട്. പൂര്‍വികരുടെ ആശിസ്സിനായി വിശ്വാസികള്‍ തലമുറകളായി അനുഷ്ഠിച്ചുവരുന്ന ഈ പിതൃബലിയുടെ ഭാഗമാണ് തര്‍പ്പണവും ശ്രാദ്ധവും. അഗാധഭക്തിയോടും അതീവശ്രദ്ധയോടുമുള്ള ആചരണമാണ് തര്‍പ്പണ-ശ്രാദ്ധകര്‍മങ്ങളെ പുണ്യകരമാക്കുക. ദേവതാവന്ദനങ്ങളോടെ, മംഗളപ്രാര്‍ഥനകളോടെ, മന്ത്രോച്ചാരണങ്ങളോടെ ഇവിടെ പരേതരുടെ മോക്ഷത്തിനായി അര്‍ഥിക്കുന്നു; പൂര്‍വികര്‍ ചെയ്ത ഉപകാരങ്ങള്‍ക്ക് സ്മരണാഞ്ജലി അര്‍പ്പിക്കുന്നു. ബലികര്‍മങ്ങള്‍ അനുഷ്ഠിക്കേണ്ട വിധവും ചടങ്ങുകളും ഉരുക്കഴിക്കുകയാണ് ഗ്രന്ഥകാരി ഇതില്‍.
- -20%
Aham Brahmasmi
Original price was: ₹90.00.₹72.00Current price is: ₹72.00.അവനവനിലും സര്‍വജീവജാലങ്ങളിലും വിളങ്ങുന്ന ബ്രഹ്മത്തെ അറിയുവാന്‍, ആത്മാനന്ദം നേടുവാന്‍, അമൃതസ്വരൂപരാകുവാന്‍, ഉപനിഷത്തുകള്‍ സാധകര്‍ക്ക് വെളിച്ചമേകുന്നു. ജ്ഞാനാര്‍ഥിയുടെ നേത്രങ്ങളെ സ്ഥൂലത്തില്‍നിന്നു സൂക്ഷ്മത്തിലേക്ക് ഉന്മീലനം ചെയ്യുന്നു; ബ്രഹ്മവിദ്യ ഉള്‍ക്കൊള്ളുവാന്‍ കര്‍ണങ്ങളെ സമര്‍ഥമാക്കുന്നു. മുക്തിയുടെ തീര്‍ഥങ്ങളില്‍ സത്യാര്‍ഥിയെ സ്‌നാനപ്പെടുത്തുന്നു. ബ്രഹ്മത്തിന്റെ നിശ്വാസങ്ങളും വേദത്തിന്റെ മിടിപ്പുകളുമായ 108 ഉപനിഷത്തുകളില്‍ ബൃഹദാരണ്യകം, ഐതരേയം, തൈത്തിരീയം, മാണ്ഡൂക്യം എന്നിവയുടെ സത്തയാണ്, ചിപ്പിക്കുള്ളില്‍ വെണ്‍മുത്തെന്നപോലെ, ഈ പുസ്തകച്ചെപ്പേടിനുള്ളില്‍ അടക്കംചെയ്തിരിക്കുന്നത്.
- -20%
The Playfulness Of God
Original price was: ₹90.00.₹72.00Current price is: ₹72.00.This book contains 17 amazing stories which is delightful to read for the young readers. Written in simple English, these stories will develop a positive thinking in children.
- -20%
Balakarshakan
Original price was: ₹90.00.₹72.00Current price is: ₹72.00.താളത്തിലുള്ള നല്ല കവിതകള്‍ കേള്‍ക്കാനും വായിക്കാനും കുട്ടികള്‍ക്ക് ഇന്നും വളരെ ഇഷ്ടമാണ്. നമുക്കു ചുറ്റും കാണുന്ന കാഴ്ചകളിലൂടെ ശാസ്ത്രബോധവും പുരോഗമനപരമായ ആശയങ്ങളും സദ്ചിന്തകളും കുട്ടികളില്‍ സന്നിവേശിപ്പിക്കാന്‍ കരുത്തുള്ള അന്‍പതു കവിതകളുടെ സമ്പുടമാണ് ‘ബാലകര്‍ഷകന്‍.’ വിദ്യാര്‍ഥികള്‍, ഭവനം, ബാലകര്‍ഷകന്‍, കാഴ്ചബംഗ്ലാവ്, ഗാന്ധിചിന്തകള്‍, നെല്ല്, മഴവില്ല്, വിസ്മയക്കാഴ്ചകള്‍ തുടങ്ങി എല്ലാ കവിതകളും കുട്ടികള്‍ക്കും മുതിര്‍ന്നവര്‍ക്കും ഒന്നുപോലെ ആസ്വദിക്കാവുന്നതാണ്. മൊബൈല്‍ ഗെയിമുകളുടെ നീരാളിപ്പിടിത്തത്തില്‍നിന്ന് കുട്ടികളെ മോചിപ്പിക്കാന്‍ ഇതു പോലെയുള്ള നല്ല ബാലസാഹിത്യകൃതികള്‍ക്ക് സാധിക്കുമെന്ന് നിസ്സംശയം പറയാം.