-
-
Pratheshika Charithrarachana: Enthu? Engane?
Original price was: ₹80.00.₹64.00Current price is: ₹64.00.ചരിത്രം മഹാത്മാക്കളെക്കുറിച്ചുള്ള അത്‌ഭുത വൃത്താന്തം മാത്രമല്ല; മറിച്ച്, ഒരു ദേശത്തെ/ നാടിനെ രൂപപ്പെടുത്തിയ ജ്ഞാതരും അജ്ഞാതരുമായ, വാണവരും വീണവരുമായ ഒരു വമ്പൻ മനുഷ്യാവലിയുടെ ബൃഹദ്കഥയാണ്- ജനപദങ്ങളുടെ പ്രയാണത്തിൻ്റെ പ്രമാണരേഖ. ശാസ്‌ത്രീയതയും കൃത്യതയുമുള്ള ചരിത്രരചനയുടെ, അന്വേഷണപരതയും നിഷ്‌പക്ഷതയുമുള്ള ചരിത്രരചയിതാക്കളുടെ പണിപ്പുരയിലേക്കാണ് ഈ പുസ്തകം വാതിൽ തുറക്കുന്നത്. പ്രാദേശികചരിത്രം രേഖയിലാക്കുന്നതിൻ്റെ മാനദണ്ഡങ്ങളും മാർഗരേഖകളുമാണ് ഇതിൽ ചരിത്രകുതുകികൾക്കായി-വിദ്യാർഥികൾക്കും അധ്യാപകർക്കും പൊതുജനങ്ങൾക്കുമായി-ക്രോഡീകരിച്ചിരിക്കുന്നത്. ചരിത്രരചനയുടെ വിവിധ ഘട്ടങ്ങളും ചരിത്രകാരൻ്റെ വിശേഷഗുണങ്ങളും മുന്നൊരുക്കങ്ങളും ജ്ഞാനസ്രോതസ്സുകളുമൊക്കെ ഇവിടെ വിശദീകരിക്കുന്നുണ്ട്.
-
Lata Mangeshkar : Indian Cinemayile Naadavismayam
Original price was: ₹120.00.₹96.00Current price is: ₹96.00.മായികസ്വരത്താല്‍ ലോകത്തിന്റെ മനംകവര്‍ന്ന ലതാ മങ്കേഷ്‌കര്‍ ഇന്ത്യയുടെ ഏറ്റവും പരിചിതവും പ്രിയങ്കരവുമായ പാട്ടിന്റെ പേരായിരുന്നു. നമ്മുടെ സന്തോഷത്തിലും വിഷാദത്തിലും ഏകാന്തതയിലും ഭക്തിയിലും പ്രണയത്തിലും സ്വപ്നത്തിലുമൊക്കെ ഒപ്പമുണ്ടായിരുന്നു ആ മഹാഗായിക. മലയാളത്തില്‍ ”കദളി കണ്‍കദളി” അടക്കം, മുപ്പത്തിയഞ്ചിലേറെ ഇന്ത്യന്‍ഭാഷകളിലും വിദേശഭാഷകളിലുമായി മുപ്പതിനായിരത്തിലേറെ ഗാനങ്ങള്‍ ലത ആലപിച്ചു. ഇതിനിടയില്‍, ആ അനുഗൃഹീതഗായികയ്ക്കു ലഭിക്കാത്ത പുരസ്‌കാരങ്ങളില്ല. തൊണ്ണൂറ്റിരണ്ടു വര്‍ഷത്തെ ജീവിതയാത്രയില്‍ ക്ലേശങ്ങളുടെയും സങ്കടത്തിന്റെയും ഏകാന്തരാഗങ്ങളാണ് നമുക്ക് കാണാനാവുക. പാട്ടിഷ്ടക്കാരുടെ കാതുകള്‍ ശബ്ദമാധുരിയാല്‍ കവര്‍ന്നെടുത്ത്, ഹൃദയങ്ങളെ കീഴടക്കി ലത പാടിക്കൊണ്ടേയിരുന്നു. അത് കേട്ടവരൊക്കെയും കേള്‍വിവരത്തിന്റെ സുകൃതം അടുത്തറിയുകയും ചെയ്തു. ലതയുടെ നേര്‍ത്ത ശബ്ദം സിനിമയ്ക്കു യോജിച്ചതല്ലെന്നു പറഞ്ഞു തിരസ്‌കരിച്ച ഹിന്ദി സിനിമാലോകം അധികം താമസിയാതെ അതിലെ മാന്ത്രികത തിരിച്ചറിയുകയും ലതയുടെ പാട്ടുകളുടെ മനോഹാരിതകൊണ്ട് വിജയക്കൊടി പാറിക്കുകയും ചെയ്തു. ഹിന്ദിസിനിമയുടെ അവിഭാജ്യഘടകമായിരുന്നു ലത. നാലു തലമുറകളെ പാട്ടിലാക്കിയ നാദവിസ്മയം. ആയിരമായിരം പാട്ടുകള്‍ പൂവിട്ട രാഗവൃക്ഷത്തില്‍നിന്നും ആ വാനമ്പാടി പറന്നകന്നപ്പോള്‍ ഒരു രാജ്യത്തിന്റെതന്നെ ഹൃദയവിലാപം അലയടിച്ചു നില്ക്കുകയായിരുന്നു. കാലത്തിന്റെ കാതില്‍ എന്നുമെന്നും ആ സ്വരം നമുക്കൊപ്പമുണ്ടാവുമെന്ന് തീര്‍ച്ച.
-
Panchatanthra
Original price was: ₹200.00.₹160.00Current price is: ₹160.00.‘Panchatantra’, written originally in Sanskrit by Vishnu Sarma, is the most celebrated work among Indian folk stories. This ancient collection of animal fables, dating back to 300 BC, teaches you how to overcome the innumerable obstacles in life. It is believed that Vishnu Sarma devised these stories to guide three young princes through the golden path of wisdom and intellect. The ‘panchatantra’ or five strategies aim to impart in readers the basic know-how of living a good life. Down through generations, most of these tales have found place in the minds of story lovers around the globe.
-
Chumbanathekurichu Oru Kauthugapadanam
Original price was: ₹70.00.₹56.00Current price is: ₹56.00.വിജ്ഞാനവും വൈചിത്ര്യവും ചേരുന്ന ലഘുപന്യാസങ്ങളുടെ സമാഹാരമാണിത്. ലജ്ജാലുക്കളായ പ്രണയികളും ഉന്മാദികളായ പ്രതിഭകളും ഇവിടെ കരംകോർക്കുന്നു. മൂക്കാണുപോലും ഇവിടെ സൗന്ദര്യത്തിൻ്റെ പരമമായ അളവുകോൽ. പിശുക്കരും നട്ടെല്ലില്ലാത്തവരുമത്രെ പ്രതിശ്രുതവരന്മാർ. അധരസൂനങ്ങൾ കവർന്നുള്ള മധുപാനവിദ്യയുടെ രസതന്ത്രവും ബലതന്ത്രവും, ആവേശകരമായ ഒരു ദീർഘചുംബനത്തിലെന്നപോലെ ഇവിടെ അനാവരണംചെയ്യപ്പെടുന്നു. നായയ്ക്കും പൂച്ചയ്ക്കുമായി എഴുതപ്പെട്ട ഒസ്യത്തുകളും വായിക്കാം. കച്ചിക്കോലങ്ങളും കരിരൂപങ്ങളും കണ്ണേറിനെയും കരിനാക്കിനെയും അകറ്റിനിർത്തുന്നതും ഒറ്റക്കണ്ണന്മാരുടെ പളുങ്കുകണ്ണ് സർഗപ്രകാശത്താൽ തിളങ്ങുന്നതും കാണാം.
പത്ത് വ്യത്യസ്‌ത ലേഖനങ്ങളുടെ സമാഹാരം -
Nobel Nediya Vanithakal
Original price was: ₹280.00.₹224.00Current price is: ₹224.00.ഭൗതികശാസ്ത്ര നൊബേല്‍ 1903 – ല്‍ നേടിയ മാഡം ക്യൂറി മുതല്‍ സാഹിത്യ നൊബേല്‍ 2022 – ല്‍ നേടിയ ആനി എര്‍ണോ വരെ മഹിമയേറിയ ഒരു പുരസ്‌കാരവഴിയിലെ പെണ്‍വിജയങ്ങള്‍ ആഘോഷിക്കുകയാണ് ഈ പുസ്തകം. രസതന്ത്രം, ഭൗതികശാസ്ത്രം, വൈദ്യശാസ്ത്രം, സാമ്പത്തികശാസ്ത്രം, സാഹിത്യം, സമാധാനം എന്നീ മേഖലകളില്‍ പ്രതിഭയും പ്രയത്‌നവും കൊണ്ട് മായാലിഖിതങ്ങള്‍ എഴുതിച്ചേര്‍ത്ത 60 സ്ത്രീമുഖങ്ങള്‍. തമോഗര്‍ത്തരഹസ്യവും ജനിതകകത്രികയും ആവിഷ്‌കരിച്ച് ശാസ്ത്രരംഗത്തെ ഉഴുതുമറിച്ചവര്‍ ഇതില്‍ പ്രത്യക്ഷപ്പെടുന്നു. വര്‍ണവിവേചനവും യുദ്ധഭീകരതയും ഇതിലെ സാഹിത്യരചയിതാക്കള്‍ ഇഴകീറി പരിശോധിക്കുന്നു. വൈദ്യവിജ്ഞാനവും സാമ്പത്തികസമവാക്യവും ഇവിടെ ചര്‍ച്ചയാകുന്നു. ഗോത്രസംരക്ഷണത്തിനും പെണ്‍വിദ്യാഭ്യാസത്തിനും വേണ്ടി പോരാടിയവര്‍, ‘മരമാണ് മറുപടി’ എന്ന പ്രകൃതിസ്‌നേഹപാഠം പഠിപ്പിച്ചവര്‍, പട്ടാളഭരണത്തിനും ആഭ്യന്തര കലാപത്തിനും എതിരെ ശബ്ദമുയര്‍ത്തിയവര്‍ ഒക്കെ ഇതില്‍ പ്രതിപാദിക്കപ്പെടുന്നു.
-
Aham Brahmasmi
Original price was: ₹90.00.₹72.00Current price is: ₹72.00.അവനവനിലും സര്‍വജീവജാലങ്ങളിലും വിളങ്ങുന്ന ബ്രഹ്മത്തെ അറിയുവാന്‍, ആത്മാനന്ദം നേടുവാന്‍, അമൃതസ്വരൂപരാകുവാന്‍, ഉപനിഷത്തുകള്‍ സാധകര്‍ക്ക് വെളിച്ചമേകുന്നു. ജ്ഞാനാര്‍ഥിയുടെ നേത്രങ്ങളെ സ്ഥൂലത്തില്‍നിന്നു സൂക്ഷ്മത്തിലേക്ക് ഉന്മീലനം ചെയ്യുന്നു; ബ്രഹ്മവിദ്യ ഉള്‍ക്കൊള്ളുവാന്‍ കര്‍ണങ്ങളെ സമര്‍ഥമാക്കുന്നു. മുക്തിയുടെ തീര്‍ഥങ്ങളില്‍ സത്യാര്‍ഥിയെ സ്‌നാനപ്പെടുത്തുന്നു. ബ്രഹ്മത്തിന്റെ നിശ്വാസങ്ങളും വേദത്തിന്റെ മിടിപ്പുകളുമായ 108 ഉപനിഷത്തുകളില്‍ ബൃഹദാരണ്യകം, ഐതരേയം, തൈത്തിരീയം, മാണ്ഡൂക്യം എന്നിവയുടെ സത്തയാണ്, ചിപ്പിക്കുള്ളില്‍ വെണ്‍മുത്തെന്നപോലെ, ഈ പുസ്തകച്ചെപ്പേടിനുള്ളില്‍ അടക്കംചെയ്തിരിക്കുന്നത്.
-
Yogamrutham
Original price was: ₹200.00.₹160.00Current price is: ₹160.00.”ശാരീരിക-മാനസിക ആരോഗ്യത്തിന്റെ പ്രാധാന്യത്തെക്കുറിച്ച് അറിയാനും അതെത്തിപ്പിടിക്കാനും ഈ ഗ്രന്ഥം വായനക്കാരെ പ്രാപ്തമാക്കും.”
അവതാരികയില്‍ പി. എസ്. ശ്രീധരന്പിള്ളആരോഗ്യരംഗത്തിന് നമ്മുടെ ദേശം നല്‍കിയ അനര്‍ഘസംഭാവനയാണ് യോഗ. ശാരീരികവും മാനസികവും ആത്മീയവുമായ ഉണര്‍ച്ചയും ഉന്നതിയുമാണ് യോഗയുടെ ഉണ്‍മയും ഉന്നവും. വ്യായാമരീതി എന്നതിലുപരി ഇതൊരു ജീവിതപദ്ധതിയാണ്; ശരീരത്തെ രോഗമുക്തമാക്കുന്ന, മനസ്സിനെ സംഘര്‍ഷരഹിതമാക്കുന്ന സാധന. അവനവനില്‍ കുടികൊള്ളുന്ന ആത്മശക്തിയെ തിരിച്ചറിയുവാനും ജീവിതത്തിന്റെ ശുഭതാളം നിലനിര്‍ത്തുവാനും ഈ സിദ്ധി നിങ്ങളെ സഹായിക്കും. യോഗയുടെ പ്രസക്തി വിശ്വമാകെ ഇന്ന് അംഗീകരിക്കപ്പെടുന്നു. അതിശയകരമായ ഈ ഭാരതീയശാസ്ത്രത്തെ സമഗ്രവും ആധികാരികവുമായി പരിചയപ്പെടുത്തുകയാണ്, യോഗാപരിശീലകന്‍കൂടിയായ ഗ്രന്ഥകാരന്‍ ഇതില്‍.
-
Mazhayilundaya Makalum Mattu Mazhakadhakalum
Original price was: ₹150.00.₹120.00Current price is: ₹120.00.മനുഷ്യഗാഥകൾ ഇരമ്പുന്ന ഒരു വൻകടൽ മഴയനുഭവങ്ങളാൽ സൃഷ്ടിക്കുകയാണ് ഈ കഥകൾ. വർഷബിന്ദുക്കൾ ജീവിതങ്ങൾക്കുമേൽ കനിവായും കനലായും തൂളുന്നത് വായനക്കാർക്ക് ഇതിൽ കാണാം. ജനിയിലും മൃതിയിലും സന്തോഷത്തിലും സന്താപത്തിലുമൊക്കെ ഇവിടെ നനുത്തും കനത്തും ചാഞ്ഞും ചെരിഞ്ഞും മഴ പെയ്‌തിറങ്ങുന്നു. ഈ ആർദ്രകഥകൾ ഒരു ഈറൻകാറ്റുപോലെ നിങ്ങളെ വന്നുതൊടും, ഒരു ചാറ്റൽമഴപോലെ നിങ്ങളെ നനയ്ക്കും, മഴ കഴിഞ്ഞും മരംപെയ്യുംപോലെ നിങ്ങളിൽ നിത്യം നിലനിൽക്കും.
-
Kaa Enna Kakkayum Koo Enna Kuyilum
Original price was: ₹100.00.₹80.00Current price is: ₹80.00.കുയിൽപ്പാട്ടുപോലെ സന്തോഷമേകുന്ന, ചക്കരമാമ്പഴം പോലെ മധുരംകിനിയുന്ന, ഇളംകാറ്റിലെ ഊഞ്ഞാലാട്ടത്തിൻ്റെ സുഖംപകരുന്ന കുഞ്ഞിക്കഥകളുടെ സമാഹാരം. ആലിപ്പഴത്തെ വൈരക്കല്ലാക്കുന്ന ഒരു കവിമനസ്സിൻ്റെ ഭാവനാസൗന്ദര്യം ഈ രചനകൾക്ക് അധികതിളക്കമേകുന്നു. അണ്ണാൻ്റെയും ഉറുമ്പിൻ്റെയും തവളയുടെയും മറ്റും കുറുമ്പുകളുടെ ആനന്ദാരവങ്ങൾക്കിടയിൽ നിന്നും എക്കാലത്തേക്കുമുള്ള മൊഴിമുത്തുകളും കുട്ടിക്കുസൃതികൾക്ക് കവർന്നെടുക്കാം.
-
Athmakatha- Jawaharlal nehru
Original price was: ₹1,000.00.₹800.00Current price is: ₹800.00.നെഹ്റുവാണ് എന്റെ ആരാധ്യപുരുഷന്‍ -നെല്‍സണ്‍ മണ്ടേല
ഇന്ത്യയുടെ പ്രഥമ പ്രധാനമന്ത്രി ജവഹര്‍ലാല്‍ നെഹ്റുവിന്റെ ആത്മകഥ. സ്വന്തം യുക്തിചിന്ത, വിജ്ഞാനവൈപുല്യം, മതനിരപേക്ഷവീക്ഷണം, സ്വന്തം ജനതയെ അടിച്ചമര്‍ത്തുന്നതിനെതിരായ ധാര്‍മ്മികരോഷം,രചനാശൈലിയിലെ ലളിതസുന്ദരവും സ്വച്ഛന്ദവുമായ ഒഴുക്ക് എന്നിവയാല്‍ ഇരുപതാം നൂറ്റാണ്ടിലെ ലോകത്തില്‍ നാടിന്റെയും നെഹ്റുവിന്റെയും സ്ഥാനം സാക്ഷ്യപ്പെടുത്തിയ പുസ്തകമാണിത്.
-
MANALJEEVIKAL
Original price was: ₹280.00.₹224.00Current price is: ₹224.00.സമ്പദ്‌സമൃദ്ധമായിരുന്ന ഒരു തീരപ്രദേശത്തെയപ്പാടെ തരിശാക്കുകയും വലിയൊരു ജനസമൂഹത്തിന്റെ ജീവിതം
തകര്‍ക്കുകയും ചെയ്യുന്ന കരിമണല്‍ഖനനത്തെക്കുറിച്ചുള്ള ഉള്ളുപൊള്ളിക്കുന്ന സര്‍ഗ്ഗാത്മകരചന. ആഗോളമായി
വേരുകളുള്ള ധാതുമണല്‍രാഷ്ട്രീയത്തെ രൂപപ്പെടുത്തുന്ന, ഉത്പാദനത്തിന്റെ ഈ അധിനിവേശമാതൃകകള്‍ക്കു
നേരേയുള്ള ചോദ്യവിരലാകുന്നതിനൊപ്പം വിസ്മൃതമായ വലിയൊരു ചരിത്രത്തിന്റെ വീണ്ടെടുക്കല്‍കൂടിയാകുന്ന
പുസ്തകം. -
Kaattinte Nizhal
Original price was: ₹575.00.₹460.00Current price is: ₹460.00.പതിനഞ്ച് മില്യണ്‍ കോപ്പികള്‍ വിറ്റഴിക്കപ്പെട്ട 2001 ല്‍ എഴുതപ്പെട്ട സ്പാനിഷ് നോവലിന്റെ മലയാളവിവര്‍ത്തനം. ദി ഷാഡോ ഓഫ് ദി വിന്‍ഡ് കഥയ്ക്കുള്ളിലെ കഥയാണ്.
-
POKKUVEYILILE SOORYAKANTHIPPOOKKAL
Original price was: ₹300.00.₹240.00Current price is: ₹240.00.ഗാന്ധിജി, നെഹ്‌റു, അബുല്‍കലാം ആസാദ്, അംബേദ്കര്‍, ഗുരുനാനക്, ശ്രീനാരായണഗുരു, പൂന്താനം, സ്വാമി വിവേകാനന്ദന്‍, മദര്‍ തെരേസ, മുഹമ്മദലി ശിഹാബ് തങ്ങള്‍, നിത്യചൈതന്യയതി, മുഹമ്മദ് അബ്ദുറഹ്‌മാന്‍, കെ. കരുണാകരന്‍, എം.പി. വീരേന്ദ്രകുമാര്‍, സുകുമാര്‍ അഴീക്കോട്, കുല്‍ദീപ് നയാര്‍, പ്രേംനസീര്‍, ഡോ. പി.കെ. വാരിയര്‍.
ഇന്ത്യയുടെയും കേരളത്തിന്റെയും സാമൂഹികചരിത്രത്തില്‍ ശക്തമായ സ്വാധീനം ചെലുത്തിയ പതിനെട്ടു
മഹാരഥന്മാരെക്കുറിച്ചുള്ള ലേഖനങ്ങളുടെ സമാഹാരം -
Manushyarariyan
Original price was: ₹320.00.₹256.00Current price is: ₹256.00.സമൂഹത്തില്‍ വേരുറച്ചുപോയ പല ധാരണകളേയും ഇളക്കി പ്രതിഷ്ഠിക്കാന്‍ പ്രേരിപ്പിക്കുന്ന പഠനാര്‍ഹമായ ലേഖനസമാഹാരം. ഏറെ സ്വീകാര്യമായ പല ആശയഗതികളേയും നിശിതവിമര്‍ശനത്തിന് വിധേയമാക്കുന്ന ഗ്രന്ഥകാരന്‍, നമ്മുടെ ജ്ഞാനശാഖ മൗലികമെന്ന് കരുതിപ്പോരുന്ന പലചിന്താപദ്ധതികളേയും തന്റെ യുക്തിയാല്‍ കടുത്ത ഭാഷയില്‍ ചോദ്യം ചെയ്യുന്നു. വിയോജിപ്പുകള്‍ക്ക് ഏറെ സാദ്ധ്യതയുണ്ടെങ്കിലും ഇതുപോലൊരു പുസ്തകം മലയാളത്തിലെ ശാസ്ത്രാന്വേഷകര്‍ക്കും തത്വചിന്താപഠിതാക്കള്‍ക്കും ചരിത്രവിദ്യാര്‍ത്ഥികള്‍ക്കും വലിയ ആലോചനകള്‍ പ്രദാനം ചെയ്യുമെന്നതില്‍ തര്‍ക്കമില്ല.
-
