പരശുരാമന്‍ പ്രതിഷ്ഠിച്ചതെന്ന് പുരാണപ്രസിദ്ധമായ, തൃശൂര്‍ ശ്രീവടക്കുന്നാഥക്ഷേത്രം മുതല്‍ ചിറയ്ക്കല്‍ മഹാദേവക്ഷേത്രം വരെയുള്ള 108 ശിവക്ഷേത്രങ്ങളെക്കുറിച്ചുള്ളതാണ് ഈ പുസ്തകം. ഭാര്‍ഗവരാമന്‍ മഴുവെറിഞ്ഞു വീണ്ടെടുത്ത മലനാടിന്റെ ശ്രേയസ്സിനായി, അദ്ദേഹത്തിന്റെ അപേക്ഷയില്‍, കൈലാസനാഥന്‍ പാര്‍വതീസമേതനായി അധിവസിക്കുന്ന ‘ദക്ഷിണകൈലാസം’ വടക്കുന്നാഥക്ഷേത്രത്തിനാണ് ഇതില്‍ പ്രഥമസ്ഥാനം. പ്രാചീനകേരളത്തിലെ ശിവാലയങ്ങളിലൂടെയുള്ള ഒരു തീര്‍ഥാടനമായി പരിഗണിക്കാവുന്ന ഈ ചെറുഗ്രന്ഥത്തില്‍ ആ ദേവാലയങ്ങളുടെ ഉത്പത്തിയും ഐതിഹ്യവും പ്രതിഷ്ഠാമാഹാത്മ്യവും ആചാരാനുഷ്ഠാനങ്ങളും വിശേഷപൂജകളുമെല്ലാം പ്രതിപാദിക്കപ്പെടുന്നു. ക്ഷേത്രദര്‍ശനത്തിന് ഒരുങ്ങുന്നവര്‍ക്ക് ഈ കൈപ്പുസ്തകം ഒരു വഴികാട്ടിയാണ്. കൂടെ, 108 ശിവാലയസ്തോത്രവും ഉള്‍പ്പെടു ത്തിയിരിക്കുന്നു.