നമ്മുടെ ജീവിതത്തിൽ അത്ഭുതങ്ങൾ പ്രവർത്തിക്കുന്നതിന് ദൈവത്തെ അനുവദിക്കുമോ എന്ന് ആരായുകയാണ് ഈ പുസ്‌തകം. ജീവിതമെന്തെന്നും ജീവിക്കേണ്ടതെങ്ങനെയെന്നും ഈ പാഠശാലയിൽനിന്ന് നാം അറിയുന്നു; ദുഃഖങ്ങൾക്കും ദുരിതങ്ങൾക്കും സിദ്ധൗഷധമായിമാറുന്ന സ്നേഹത്തെക്കുറിച്ച് നാം മനസ്സിലാക്കുന്നു; ചോദിക്കുന്നതിനു മുമ്പുതന്നെ നമ്മുടെ ആവശ്യങ്ങളറിയുന്ന പിതാവ് അവിടുത്തെ രക്ഷയുടെ കരം നമുക്കു മീതെ വിടർത്തിനിൽക്കുന്നത് നാം കാണുന്നു; ജീവിതക്ലേശങ്ങളിൽ ശക്തിയും സംരക്ഷണയുമേകുന്ന പ്രാർഥനകൾ നാം ഉരുവിട്ടുതുടങ്ങുന്നു. അങ്ങനെ, സന്തോഷത്തിൻ്റെയും സംതൃപ്തിയുടെയും ഉറവിടങ്ങളിലേക്ക് നാം ആനയിക്കപ്പെടുന്നു.