-
-20%
SOLOMONTE SOPHIA
Original price was: ₹120.00.₹96.00Current price is: ₹96.00.ഒരു നടുപ്പാതിരയിലെ കോടമഞ്ഞിലൂടെ നീങ്ങിയ, സോളമനും സോഫിയയും സഞ്ചരിച്ച ടാങ്കർലോറിയായിരുന്നു ‘നമുക്കു പാർക്കാൻ മുന്തിരിത്തോപ്പുകളു’ടെ എൻഡ് ഷോട്ട്. പത്മരാജൻ സുധാകരൻ അഭ്രചഷകത്തിൽ പകർന്ന ആ വീഞ്ഞിന് കാലംചെല്ലുന്തോറും മധുരവും സുഗന്ധവും ഏറുകയാണ്. ഇവർ സ്യഷ്ടിച്ച ജോഡികൾക്കായി ‘സോളമൻസ് ഗ്രേപ് വൈൻ യാർഡി’ന്റെ കവാടം മലർക്കെ തുറക്കുകയാണ് ഈ നോവൽ അനുബന്ധം. സോളമന്റെയും സോഫിയയുടെയും പ്രണയത്തിന്റെ വിളവെടുപ്പുകാലത്തിന് ഇതിലെ മുന്തിരിത്തലപ്പുകൾ സാക്ഷികളാകുന്നു.
പത്മരാജന്റെ “നമുക്കു പാർക്കാൻ മുന്തിരിത്തോപ്പുകൾ’ എന്ന സിനിമയുടെ സീക്വലായിത്തീരുന്ന രചന.
-
-20%
SHATHRU
Original price was: ₹150.00.₹120.00Current price is: ₹120.00.ജീവന്റെ പുസ്തകത്തിൽ അനശ്വരതയുടെ ഒരു താൾ എങ്കിലും എഴുതിച്ചേർക്കണം എന്ന് ആഗ്രഹിക്കുന്നവരാണ് ഷൗക്കത്തിന്റെ കഥാപാത്രങ്ങൾ. ഗൂഢവും വിചിത്രവുമായ സ്വന്തം ആയുർരേഖകൾ ഡീകോഡ് ചെയ്യുവാനാണ് ഇവരുടെ ശ്രമം. അന്ത്യവിധിനാൾ കാക്കുന്ന ഭൂമിയിലേക്കും, ദുരിതങ്ങൾ നിറച്ച ഉന്തുവണ്ടി വലിച്ച് നിരത്തിൽ അരഞ്ഞരഞ്ഞുതീരുന്ന നഗരജീവിയിലേക്കും, മരണക്കിണറിൽ വെപ്രാളപ്പെടുന്ന നാൽക്കാലിശത്രുവിലേക്കും, കുന്നു പിളർക്കുന്ന “വലിയ പെരുച്ചാഴികളുടെ ഒച്ച നടുക്കുന്ന വനവാസിയിലേക്കും എല്ലാം ഈ എഴുത്തുകാരൻ സഹാനുഭൂതിയുടെ വിരൽത്തുമ്പ് നീട്ടുന്നു. എല്ലാം ക്ഷയിച്ചില്ലാതാകുംമുമ്പ്, “നോക്കൂ, ഇതാ ഞങ്ങൾ ഇവിടെ ഉണ്ട്” എന്ന് ഇവരിൽ ചിലർ നിവർന്നുനിന്ന് ഊറ്റത്തോടെ വിളിച്ചുപറയുന്നു. വായനക്കാരുടെ കാതുകളിൽ സൂചിക്കുത്തുകൾ വീഴ്ത്താൻ പര്യാപ്തമാണ് ഇതിലെ മനുഷ്യരുടെയും തിര്യക്കുകളുടെയും ദീനരോദനം.
-
-20%
ENTE PRANAYATHINTE RAJAKUMARIKKU
Original price was: ₹299.00.₹239.00Current price is: ₹239.00.പ്രണയം എന്നും പരിശുദ്ധിയോടെ വാഴ്ത്തപ്പെടുന്ന ഒരു മഹത്തായ അനുഭൂതിയാണ്. രണ്ടിൽ ഒരാളുടെ ഭ്രാന്ത് നിലയ്ക്കുമ്പോഴാണ് പ്രണയം മരിക്കുന്നത്. അതുപോലൊരു ഭ്രാന്തവും പരിശുദ്ധവുമായ പ്രണയകഥ ഒരു സിനിമാറ്റിക് ശൈലിയിലൂടെ സെബഫാത്തിമ എന്ന എഴുത്തുകാരി തൻ്റെ തൂലികയിൽ വിരിഞ്ഞ ‘എൻ്റെ പ്രണയത്തിൻ്റെ രാജകുമാരിക്ക്’ എന്ന നോവലിലൂടെ പറയുകയാണ്.
തൻ്റെ വേദന നിറഞ്ഞ സാഹചര്യത്തിലും പഠനം എന്ന ആഗ്രഹവുമായി ഡൽഹിയിലേക്ക് പുറപ്പെടുന്ന ഷാരിക് എന്ന ഇരുപതുകാരൻ്റെ ജീവിതത്തിലേക്ക് പ്രതീക്ഷിക്കാതെ പ്രണയത്തിൻ്റെ സുഗന്ധവുമായി കടന്നുവന്ന ബൽക്കിസ് അമാൽ എന്ന മാലാഖയെ തേടിയുള്ള വർഷങ്ങളായുള്ള കാത്തിരിപ്പിൻ്റെയും കണ്ണുനീരിൻ്റെയും പ്രണയ യാത്രയാണ് ‘എന്റെ പ്രണയത്തിൻ്റെ രാജകുമാരിക്ക്’ എന്ന നോവലിൻ്റെ ഇതിവൃത്തം. -
-20%
THENMOZHIKATHAKAL
Original price was: ₹110.00.₹88.00Current price is: ₹88.00.കുട്ടികൾ കഥകൾ കേട്ടും വായിച്ചും വളരണം. അങ്ങനെയാണ് അവർ ലോകം മനസ്സിലാക്കുന്നത്. മൂല്യങ്ങൾ സ്വായത്തമാക്കുന്നത്. കഥകൾ കുട്ടികളെ വ്യത്യസ്തമായ കഥാപാത്രങ്ങളുള്ള മറ്റൊരു ലോകത്തേക്ക് കൊണ്ടുപോകുന്നു. അവരുടെ ഭാവനയെ ഉത്തേജിപ്പിക്കുന്നു. മാത്രമല്ല ഓർമശക്തി മെച്ചപ്പെടുത്താൻ സഹായിക്കുന്നു. ബഹുമുഖ പ്രതിഭയിലേക്കുള്ള കുട്ടികളുടെ വളർച്ചയുടെ പടവുകളാണ് ഇതിലെ ഓരോ കഥയും.
-
-20%
Devatheertham
Original price was: ₹180.00.₹144.00Current price is: ₹144.00.ദാരിദ്ര്യത്തോടുള്ള പോരാട്ടമായിരുന്നു ബാല്യംമുതൽ ഗംഗാധരന്റെ ജീവിതം. എങ്ങനേയും പണമുണ്ടാക്കുക, സമൂഹത്തിൽ നിലയും വിലയുമുള്ളവനാകുക എന്ന ലക്ഷ്യമായിരുന്നു. മുന്നോട്ടുള്ള യാത്രയിൽ അയാളുടെ ഇന്ധനം. എന്നാൽ, അറിഞ്ഞോ അറിയാതെയോ, ഗംഗാധരൻ ചിലതെല്ലാം മറന്നുപോയി – കുടുംബത്തോടുള്ള സ്നേഹം, മകനോടുള്ള കരുതൽ. ഈ പഴുതിലൂടെ ആയിരുന്നു “കൂട്ടുകാരൻ’ എന്ന വിലാസത്തിൽ ശേഖരന്റെ കടന്നുകയറ്റം. ഗംഗാധരന്റെ കുടുംബത്തിന്റെ, സമ്പാദ്യത്തിന്റെ വേരറുക്കുന്നതിലേക്കാണ് അതു വഴിതെളിച്ചത്. ഒടുവിൽ, മരണപ്പെട്ടുവെന്നു വിശ്വസിച്ചിരുന്ന മകന്റെ തിരിച്ചുവരവ് ആ കുടുംബത്തിന്റെ വീണ്ടെടുപ്പായി മാറുന്നിടത്ത് ഈ നോവലിന്റെ ഗതി മാറുന്നു.
-
-20%
JIJI
Original price was: ₹150.00.₹120.00Current price is: ₹120.00.കാവ്യശരിയാണ് തന്റെ രാഷ്ട്രീയശരി എന്നു പ്രഖ്യാപിക്കുന്ന കവിതകൾ. അവസാനം മാത്രം കാണ്ടാമൃഗമാക്കപ്പെടുന്ന സാഹിത്യജനുസ്സാണ് കവിത എന്ന ബോധ്യമാണ് ഈ കവിതകളുടെ കരുത്ത്. നിലനില്ക്കുന്ന വ്യവസ്ഥയോട് പോരടിക്കുന്നുവെന്ന് തോന്നിപ്പിക്കുന്ന കവിതച്ചന്തയിലെ ചരക്കല്ല ഇവിടെ കവിത. കവിത വീണുപോയാൽ മറ്റെല്ലാം ഉടനടി വീണുപോകുമെന്ന ഉറച്ചവിശ്വാസമാണ് ഇതിലെ കാവ്യഭാഷ.
-
-20%
SAREERAPARATHA VAMSHEEYATHA DESHEEYATHA
Original price was: ₹240.00.₹192.00Current price is: ₹192.00.ശരീരം, വംശം, ദേശം എന്നിവ അധികാരവുമായി നിരന്തരം ബന്ധപ്പെടുന്ന സംജ്ഞകളാണ്. അധികാരം എല്ലായ്പ്പോഴും ഇവയെ നിർവചിച്ചുകൊണ്ടിരിക്കുന്നു. അതിന്റെ പരിധിയിൽനിന്നു കുതറാൻ ശ്രമിക്കുകയോ നിർവചനങ്ങളെ ചോദ്യം ചെയ്യുകയോ ചെയ്യുമ്പോഴെല്ലാം അധികാരം അതിന്റെ പ്രമത്തത പ്രകടമാക്കുകയും അടിച്ചമർത്തുകയും ചെയ്യും. അത് സാദാഹരണം വ്യക്തമാക്കുന്ന ലേഖനങ്ങളുടെ സമാഹാരം.
-
-20%
AMMASATHYAM
Original price was: ₹180.00.₹144.00Current price is: ₹144.00.“അനന്തുവിന്റെ ജീവിതത്തിന്റെ സരസമായ ഹാസ്യത്തിൽ പൊതിഞ്ഞ ഒരു ജേർണൽ കൂടിയാണീ കഥകൾ. അതിൽ സന്തോഷമുണ്ട്, ദുഃഖമുണ്ട്, ആശങ്കകളുണ്ട്, മണ്ടത്തരങ്ങളുണ്ട്, കൗശലമുണ്ട്. അതിലുപരി ഒരുപാട് സ്നേഹമുണ്ട്.”
അവതാരികയിൽ ആനന്ദ് മധുസൂദനൻ
നർമഭാവനയുടെ പഞ്ചാരപ്പാനിയിൽ മുക്കി അനുഭവസത്യത്തിന്റെ തെളിവെയിലിൽ ഉണക്കിയ ഒരുകൂട്ടം ഓർമകൾ. സ്കൂളും വീടും ഓഫീസും കോടതിയും തുടങ്ങി വ്യത്യസ്തങ്ങളായ ജീവിതായോധനരംഗങ്ങളിൽ – ‘കലാപമേഖല’ കളിൽ – ഈ എഴുത്തുകാരന്റെ വക്രദൃഷ്ടി പതിയുന്നു. ‘അമ്മയാണെ സത്യം’ എന്ന ആണയിടലോടെയാണ്, പലവിധ കേസുകെട്ടുകൾ തൂക്കിപ്പിടിച്ചുള്ള അനന്തഗോപന്റെ ഈ നെട്ടോട്ടം.
-
-20%
THE SPACE BETWEEN FINGERS
Original price was: ₹360.00.₹288.00Current price is: ₹288.00.To my mind, The Space Between Fingers evokes a memory of Ritwik Ghatak’s film Subarnarekha and on the river bank Sita singing Aaj ki anando. Sitting behind her is Abhiram and between his fingers the sand keeps slipping. In his innate svabhava, Pra-deepa, the lamp, spread joy, the bliss, our world is in search of.
-AMRIT GANGAR
-
-20%
Choondayum Meenukalum
Original price was: ₹260.00.₹208.00Current price is: ₹208.00.ജീവിതത്തിന്റെ അസ്സൽ പകർപ്പുകൾ എന്നു വിശേഷിപ്പിക്കാവുന്ന കഥകൾ. വാർധക്യം പകരുന്ന കൊച്ചു കൊച്ചു സന്തോഷങ്ങളും ലഹരിച്ചുഴി തീർക്കുന്ന വലിയ വലിയ സങ്കടങ്ങളും ഒക്കെ മധുരവും കയ്പും പുരട്ടുന്ന രചനകൾ. കൂട്ടുകുടുംബത്തിലെ സ്വരച്ചേർച്ചയും സാമൂഹികമാധ്യമങ്ങളിലെ ശബ്ദകോലാഹലവുമെല്ലാം ഈ കഥാന്തരീക്ഷത്തിൽ പ്രതിധ്വനികളോടെ നിറയുന്നു. ശവം കുമാരനും കൊച്ചമ്മാവനും പോലെയുള്ള കഥാപാത്രങ്ങളുടെ അത്വന്തം സങ്കീർണമായ മനോവ്യാപാരങ്ങൾ വായനക്കാരെ ഒരു പ്രഹേളികയായി പിന്തുടരും.
-
-20%
PARAKKUMPAKSHIYE PRANAYIKKUNNAVAR
Original price was: ₹480.00.₹384.00Current price is: ₹384.00.അമേരിക്കൻ പ്രവാസിയായ അബ്ദുൾ പുന്നയൂർക്കുളത്തിന്റെ നോവൽ, നല്ല പാരായണക്ഷമതയുള്ളതായി അനുഭവപ്പെട്ടു. ഒരു രാജ്യാന്തരപ്രണയത്തിന്റെ ഊഷ്മളതകൂടി അനുഭവിപ്പിക്കുന്നുണ്ട് ഈ കൃതി.- ഖദീജാ മുംതാസ്
കുടുംബജീവിതത്തെപ്പറ്റി മലയാളിയുടെ സങ്കല്പങ്ങൾ മാറ്റിവരയ്ക്കുന്നതിൽ പ്രവാസം വഹിച്ച പങ്കിനെക്കുറിച്ച് ഈ നോവൽ പ്രസക്തമായി പറയുന്നുണ്ട്. – എം.എൻ. കാരശ്ശേരി
മലയാള നോവലുകൾ പ്രമേയങ്ങളിലും ആഖ്യാനത്തിലും ഗ്ലോബലായി മാറുന്ന ഇക്കാലത്ത്, “പറക്കും പക്ഷിയെ പ്രണയിക്കുന്നവർ’ മലയാള സാഹിത്യത്തിന് അഭിമാനിക്കാവുന്ന രചനയാണ്.- ടി.ഡി. രാമകൃഷ്ണൻ
നോവലിലെ കഥാപാത്രത്തിന്റെ ‘മുതുക്കൻ’ എന്ന മുനയുള്ള വാക്ക് ഷാഫിയുടെ ഹൃദയത്തിനേല്പിച്ച ക്ഷതം ആവിഷ്കരിക്കാൻ കഥാകൃത്ത് ഗദ്യകവിതയുടെ മുത്തുമണികൾ നിരത്തുന്നു. -ഡോ. എം.വി. പിള്ള
മലയാളത്തിലും ഇംഗ്ലീഷിലും എഴുതിയ കവിതകൾക്കും കഥകൾക്കും ശേഷം നോവൽ. ഇത് വ്യത്യസ്തമായ അനുഭവത്തിലേക്ക് വായനക്കാരെ നയിക്കുന്നു. ശുഭാശംസകൾ. -ടി. മോഹൻ ബാബു
ജീവിതത്തിലെ വിവിധാനുഭവങ്ങളിൽനിന്നുണ്ടാകുന്ന മാനസികഭാവങ്ങളെ ഈ നോവലിൽ വിദഗ്ധമായി വിശകലനം ചെയ്തു ചിത്രീകരിച്ചിരിക്കുന്നു. അഭിനന്ദനങ്ങൾ -ഡോ. സോമരാജൻ
-
-20%
HOMO SAPIENS
Original price was: ₹490.00.₹392.00Current price is: ₹392.00.ഒരു മഹാവിസ്ഫോടനത്തിലൂടെ പ്രപഞ്ചം ഉണ്ടാകുന്നു. അതിലൊന്നിലെ സൗരയൂഥത്തിൽ ഭൂമി എന്ന ഗ്രഹവും. മൂന്നു ലക്ഷം വർഷങ്ങൾക്കു ശേഷം, നിരവധി തവണത്തെ പരാജയങ്ങൾക്കു ശേഷം ഇവിടെ ജീവന്റെ തുടിപ്പുണ്ടാകുന്നു. ആ അതിജീവനത്തിലൂടെ നിരവധി പരിണാമപരമ്പരകൾ പിന്നിട്ട് ജീവപ്രപഞ്ചം മനുഷ്യജീവിയിലെത്തുന്നു. ഹോമോസാപിയൻസ് എന്ന ആ ജീവിവർഗത്തിന്റെ വളർച്ച തലച്ചോറിന്റെ വളർച്ച കൂടിയായിരുന്നു. അതിലൂടെ മനുഷ്യസംസ്കാരങ്ങളുടെ വികാസമുണ്ടായി. ജ്ഞാനവിപ്ലവം, കാർഷികവിപ്ലവം, ശാസ്ത്രവിപ്ലവം എന്നിവയിലൂടെ മനുഷ്യൻ ഇന്നെത്തിനിൽക്കുന്ന വിശാലവും സങ്കീർണവുമായ ചരിത്രത്ത യുവാൽ നോവാ ഹരാരി തന്റെ പ്രശസ്തങ്ങളായ പുസ്തകങ്ങളിലൂടെ വരച്ചിടുന്നുണ്ട്. ആ ആശയലോകത്തെ ലളിതമായ ഭാഷയിൽ പരിചയപ്പെടുത്തുകയാണ് ഇവിടെ.
-
-20%
Aanayum Kuruviyum
Original price was: ₹40.00.₹32.00Current price is: ₹32.00.സചിത്ര പഞ്ചതന്ത്രം കഥകൾ
കുട്ടികൾക്കും മുതിർന്നവർക്കും ഒരുപോലെ പ്രിയങ്കരമാണ് പഞ്ചതന്ത്രം. മനുഷ്യരെക്കൂടാതെ പക്ഷികളും മൃഗങ്ങളും പ്രാണികളും കഥാപാത്രങ്ങളാകുന്ന കഥകൾ മികച്ച ജീവിതപാഠമാണ് കാലങ്ങളായി പകർന്നുനൽകുന്നത്. സിംഹവും ഒട്ടകവും, അത്യാഗ്രഹിയുടെ വിധി, സിംഹത്തിനു ജീവൻ കൊടുത്ത പണ്ഡിതർ, കുളക്കോഴിയും സമുദ്രവും, സൂചിമുഖിയും കുരങ്ങനും, ആനയും കുരുവിയും, മൂന്നു മത്സ്യങ്ങൾ, ധർമബുദ്ധിയും പാപബുദ്ധിയും, കൊതിച്ചതും വിധിച്ചതും, ഇരുമ്പുതിന്നുന്ന എലി എന്നീ കഥകളാണ് രണ്ടാം ഭാഗമായ “ആനയും കുരുവിയിലും ഉൾക്കൊള്ളിച്ചിരിക്കുന്നത്. വിനോദത്തിന്റെയും വിജ്ഞാനത്തിന്റെയും കലവറയാണ് ഓരോ കഥയും. ലാളിത്യമാർന്ന ആവിഷ്കാരവും ബഹുവർണച്ചിത്രങ്ങളും ഈ പുസ്തകത്തെ കൂടുതൽ ആകർഷകമാക്കുന്നു. നാലു ഭാഗങ്ങളായി സമാഹരിച്ച പഞ്ചതന്ത്രം കഥകളുടെ രണ്ടാം ഭാഗമാണിത്.
-
-20%
Neelakkurukkan
Original price was: ₹40.00.₹32.00Current price is: ₹32.00.സചിത്ര പഞ്ചതന്ത്രം കഥകൾ
പഞ്ചതന്ത്രത്തിലെ ഓരോ കഥയിലും അടങ്ങിയിരിക്കുന്നത് പ്രായോഗിക അറിവിന്റെ മുത്തുകളാണ്. തലമുറകളായി കൈമാറിവരുന്ന, സഞ്ജീവകൻ, കാക്കയും പാമ്പും, ആപ്പ് ഊരിയ കുരങ്ങൻ, കൊക്കും ഞണ്ടും, സിംഹവും മുയലും, വെള്ളപ്പേനും മൂട്ടയും, നീലക്കുറുക്കൻ, ആമയും അരയന്നങ്ങളും എന്നീ കഥകളാണ് “നീലക്കുറുക്കൻ എന്ന സമാഹാരത്തിൽ ഉൾക്കൊള്ളിച്ചിരിക്കുന്നത്. ലളിതമായ ഭാഷയും മനോഹരമായ ചിത്രങ്ങളും ഈ കൃതിയുടെ സവിശേഷതയാണ്. നാലു ഭാഗങ്ങളായി പ്രസിദ്ധീകരിക്കുന്ന പഞ്ചതന്ത്രം കഥകളുടെ ആദ്യഭാഗമാണിത്.
-
-20%
Game of the Ghost
Original price was: ₹240.00.₹192.00Current price is: ₹192.00.അതെ… ആ ശബ്ദം എനിക്കിപ്പോൾ വ്യക്തമായി കേൾക്കാം.
ഞാൻ സർവശക്തിയുമെടുത്ത് കല്ലറയുടെ മുടിക്കല്ല് തള്ളിനീക്കാൻ ശ്രമിച്ചു. പക്ഷേ… വൈകിപ്പോയി! അപ്പോഴേക്കും, കൈയിലൊരു പിക്കാസുമായി സെമിത്തേരിയുടെ
ഇരുളിൽനിന്നും ഒരു രൂപം എന്റെ കുഴിമാടത്തിന് തൊട്ടടുത്തെത്തിക്കഴിഞ്ഞിരുന്നു. ‘പ്രേതങ്ങളുടെ കൊലയാളി’ ക്കു ശേഷം വാസ് ബ്രദേഴ്സ് രചിച്ച രക്തമുറയുന്ന ഹൊറർ ത്രില്ലർ!
-
-20%
Ini Orikkal
Original price was: ₹120.00.₹96.00Current price is: ₹96.00.ഓരോ മനുഷ്യന്റെയും ആത്മാവിൽ ഒരു തേങ്ങലുണ്ട്. എല്ലാ മാമ്പൂവും കൊഴിയും എന്നു തന്നെയാണത്. അതുകൊണ്ട് മക്കളെ എന്നല്ല ഏതു മാമ്പൂ കണ്ടാലും മദിക്കരുത്. മാങ്ങയാവോളം കാത്താലും ഏതു മാമ്പൂവും കൊഴിയും!
ഇതാ രുചിയുള്ള വിഭവം. ഇനി വേണ്ടത് കുറച്ചു സമയവും ഭാവുകത്വമുള്ള ഹൃദയവും.
മറക്കാൻ ബുദ്ധിമുട്ടുള്ള കഥകൾ.
– സി. രാധാകൃഷ്ണൻ
-
-20%
GANDHAMOHINI
Original price was: ₹150.00.₹120.00Current price is: ₹120.00.“രജനി സുരേഷിന് കഥാരചന ഒരു മാന്ത്രിക വിദ്യയാണ്. കളം വരച്ച് കരുക്കൾ നിരത്തുന്നതുപോലെ ജീവനുള്ള മനുഷ്യരെ പല തലങ്ങളിൽ ചേർത്തുനിർത്തി അപൂർവസുന്ദരമായ കഥാശില്‌പം നിർമിക്കുന്നു. ഒരു ഗന്ധർവലോകത്ത് ചെന്നുപറ്റിയ വേറിട്ട അനുഭവമാണ് ഈ കഥകളിലൂടെ സഞ്ചരിക്കുമ്പോൾ ഉണ്ടാവുക.”
അവതാരികയിൽ ജോർജ് ഓണക്കൂർസ്വപ്നവിഹാരിണികളും പ്രണയവിവശകളും കാമമോഹിതകളും വിരഹപീഡിതകളും പ്രതികാരദുർഗകളുമാണ് രജനിയുടെ പെണ്ണുങ്ങൾ. പുരുഷനെ ഭ്രമിപ്പിക്കുന്ന കിളിമൊഴിക്കും പൊൻനിറത്തിനും ചേതോഹരാംഗങ്ങൾക്കും അപ്പുറം അവരുടെ ഹൃദ്‌സ്‌പന്ദനങ്ങളുടെ താളത്തിനും താളപ്പിഴകൾക്കും ചെവിയോർക്കുകയാണ് കഥാകാരി ‘പെണ്ണായ ഞാനോ വിറയ്ക്കുന്നില്ല, ആണായ നിങ്ങൾ വിറയ്ക്കുന്നതെന്തേ?’ എന്ന ചോദ്യമാണ് ഈ സമാഹാരത്തിന്റെ ഉൾത്തടങ്ങളിൽ മാറ്റൊലിക്കൊള്ളുന്നത്.
-
-20%
ETTAVUM PRIYAPPETTA NINNODU
Original price was: ₹399.00.₹319.00Current price is: ₹319.00.വായനക്കാർ നെഞ്ചിലേറ്റിയ ഏറ്റവും പ്രിയപ്പെട്ട എന്നോടിൻ്റെ രണ്ടാം ഭാഗം. സ്വയം സ്നേഹിക്കാൻ പഠിച്ച അതിഥിയെ കൊൽക്കത്ത നഗരം എങ്ങനെ സ്വീകരിച്ചു? സെൽഫ് ലവ് ഒരാളുടെ ജീവിതത്തെയും കാഴ്‌ചപ്പാടുകളെയും എത്രമാത്രം മാറ്റിമറിക്കുന്നു? ശരൺ തന്നെ വേണ്ടെന്നു വയ്ക്കാനുണ്ടായ, അവൾ അറിയേണ്ടെന്ന് തീരുമാനിച്ച ആ കാരണം അവളെ തേടിയെത്തിയിട്ടുണ്ടാകുമോ?
ഏറ്റവും പ്രിയപ്പെട്ട എന്നോടിൽ നിങ്ങൾ വായിച്ചറിഞ്ഞ അതിഥി നിങ്ങളാണെന്ന് തോന്നിയെങ്കിൽ ഏറ്റവും പ്രിയപ്പെട്ട നിന്നോടിൽ നിങ്ങൾ അറിയാൻ പോകുന്ന അതിഥി നിങ്ങൾ ഒരിക്കലെങ്കിലും ആയിത്തീരാൻ ആഗ്രഹിക്കുന്ന ഒരാളാകും ജീവിതം എപ്പോഴും ശരിയായ തീരുമാനങ്ങളുടേത് മാത്രമായിരിക്കില്ലെന്നും സ്വന്തമാക്കുന്നിടത്തു മാത്രമല്ല സ്നേഹം പൂർണമാകുന്നതെന്നും എനിക്ക് ഞാനുണ്ടെന്ന വിശ്വാസം ഒരാളിൽ ഉള്ളിടത്തോളം കാലം ഒന്നും ഒന്നിന്റെയും അവസാനമല്ലെന്നും ഇതിലെ കഥാപാത്രങ്ങൾ നിങ്ങളെ ഓർമപ്പെടുത്തും.
It’s okay, if you don’t fit anywhere. You only need to fit within yourself.
-
-20%
KALACHI
Original price was: ₹599.00.₹479.00Current price is: ₹479.00.സ്വന്തം നിലയില്‍ സ്‌നേഹിക്കാനും വെറുക്കാനും അധികാരമോ അവകാശമോ ഇല്ലെന്ന തിരിച്ചറിവാണ് എന്നെ കരയിപ്പിച്ചത്. അനുവദിക്കപ്പെട്ടവയില്‍ രണ്ടിലൊന്നു തിരഞ്ഞെടുക്കാന്‍ മാത്രം പൗരാവകാശങ്ങളേ എനിക്ക് ഉണ്ടായിരുന്നുള്ളൂ. ചെന്നു കയറിയ രാജ്യത്ത് എത്ര തലമുറ ജീവിച്ചാലും വോട്ടവകാശം ലഭിക്കാത്ത അഭയാര്‍ത്ഥിയെപ്പോലെ, കമാനങ്ങളും ചിത്രപ്പണി ചെയ്ത തൂണുകളുമുള്ള ആ മാളികയ്ക്കുള്ളില്‍ അപൂര്‍ണവ്യക്തി യായിരുന്നു ഞാന്‍. ഒന്നുറങ്ങി ഉണരുമ്പോള്‍ സ്വന്തം രാജ്യത്ത് അന്യരായിപ്പോകുന്നവരുടെ കഥ, കെ.ആര്‍. മീരയുടെ ഏറ്റവും പുതിയ നോവല്‍ ‘കലാച്ചി’. -
-15%
DIARY OF A WIMPY KID: PARTYPOOPER
Original price was: ₹699.00.₹594.00Current price is: ₹594.00.It’s Greg’s birthday–and you’re invited to the chaos.
Greg Heffley is not a fan of surprises–especially when it comes to his birthday. But he never could have guessed the shocking surprise his family has in store for him this year.
When Greg’s epic party plans start to unravel, he holds out hope that he’ll get his one birthday wish–a rare trading card that’s worth a fortune. The problem is, everyone else is after it, too, and there’s no guarantee he’ll snag it first.
Will Greg’s birthday dreams come true? Or will he learn to be careful what you wish for?
-
-20%
Kozhinja Peelikal
Original price was: ₹190.00.₹152.00Current price is: ₹152.00.ഒരു പീലിക്കണ്ണിന്റെ ഘനനീലിമപോലെ, ആഴത്തിലും പൊലിമയിലും ജീവിതത്തിന്റെ അവസ്ഥാന്തരങ്ങൾ പ്രതിഫലിപ്പിക്കുകയാണ് ഈ കഥകൾ. പ്രണയവും കാത്തിരിപ്പും ഏകാന്തതയും കുടുംബസൗഖ്യവും തിരസ്കാരവും ഒക്കെയായി, ജീവിതത്തിന്റെ നിറമുള്ളതും നിറംകെട്ടതുമായ തൂവലുകൾ ഈ താളുകളിലാകെ ചിതറിക്കിടക്കുന്നു. നടന്നുതീർത്ത വഴിയിൽനിന്ന് പെറുക്കിക്കൂട്ടിയ തൂവലുകൾ കൊണ്ട് സ്വപ്നക്കൂടൊരുക്കുവാൻ ശ്രമിക്കുന്നവരേയും, ഓർമ്മകൾക്ക് ശ്രാദ്ധകർമ്മം ചെയ്യുന്നവരേയും, അരികിൽ നീ ഉണ്ടായിരുന്നെങ്കിൽ’ എന്ന് ഒരുവേള കൊതിക്കുന്നവരേയും ഈ കഥാവഴിയിൽ നിങ്ങൾ കണ്ടുമുട്ടും; ഉച്ചസൂര്യന്റെ താപവും പൗർണമിചന്ദ്രന്റെ തണുപ്പും ചാഞ്ഞുവീഴുന്ന വഴിയിൽ.
-
-20%
PRANAYAKKAVILAMMA
Original price was: ₹90.00.₹72.00Current price is: ₹72.00.ഞാൻ മനസ്സിലാക്കി – എന്റെ അമ്മയെ അല്ല, വിലാസിനി എന്ന സ്ത്രീയെ, അവരുടെ വിവാഹത്തെ, അവരുടെ ഭർത്താവിനെ, അവിഹിതഗർഭം ചുമന്ന അവരുടെ മകളെ, അവരുടെ ഒറ്റപ്പെടലിനെ, സങ്കടങ്ങളെ, ശമനം കിട്ടാതെ പോയ ഉടൽപ്പെരുക്കങ്ങളെ, ഉറക്കം വെടിഞ്ഞ അനേകം രാത്രികളെ, അടുക്കളവട്ടത്തിൽ ഊർന്നുവീണ കണ്ണീരിനെ, പറയാൻ കഴിയാതെ ഉള്ളിലൊളിപ്പിച്ച നോവുകളെ, കാലിൽ തറച്ച മുള്ളുകളെ, സാന്ത്വനമായി വന്നെത്താത്ത സ്നേഹവിരലുകളെ, കുളിരായി പുണരാത്ത പ്രണയപ്പച്ചകളെ, എല്ലാത്തിനുമപ്പുറം നാല്പത്തിമൂന്നു വർഷം ഉള്ളിലെ ഗർഭത്തിൽ അവർ വഹിച്ച ജീവിതമെന്ന ചാപിള്ളയെ…
-
-20%
IRUL VASIKKUM MAALAM
Original price was: ₹150.00.₹120.00Current price is: ₹120.00.ദാമ്പത്യത്തിന്റെ, കുടുംബജീവിതത്തിന്റെ ലയശില്പമായി വീട് മാറിയാൽ നന്ന്. അത് ഒരു ആദർശമാണ്. അങ്ങനെ എപ്പോഴും സംഭവിക്കണമെന്നില്ല. എല്ലാ ഏർപ്പാടുകളിലും ലയം ഉണ്ടെങ്കിൽ കഥ പോലുള്ള ആഖ്യാന രൂപങ്ങൾ അപ്രസക്തമാകാനും ഇടയുണ്ട്. പൊതുനിയമങ്ങൾ തള്ളിക്കളയുന്ന വാസ്തവങ്ങളിൽ നാടകീയത കണ്ടെത്തുമ്പോഴാണ് മലയാള ഭാഷയിലും മറ്റും ഇപ്പോഴും കഥ സംഭവിക്കുന്നത്. ഈ സമാഹാരത്തിലെ ഒന്നാമത്തെ കഥയായ “ഇരുൾ വസിക്കും മാളം’ ഇക്കാര്യം വെടിപ്പായി വിളംബരപ്പെടുത്തുന്നുണ്ട്. – ഇ.പി. രാജഗോപാലൻ (അവതാരിക)
പെൺജീവിതങ്ങളുടെ വൈകാരികവും വൈചാരികവുമായ ലോകത്തെ സൂക്ഷ്മമായി അടയാളപ്പെടുത്തുന്ന ഏഴു കഥകൾ. ആണധികാരത്തിന്റെ താൻപോരിമകൾക്കു മുന്നിൽ പുറംലോകത്ത് പലപ്പോഴും തോറ്റുകൊടുക്കേണ്ടിവരുമ്പോഴും അകംലോകത്ത് തോറ്റുകൊടുക്കാത്തവരാണ് ഇതിലെ പെൺജീവിതങ്ങൾ. ആത്മബലംകൊണ്ട് ആണത്തങ്ങളുടെ അധികാരമാളങ്ങളിൽനിന്നും ഇറങ്ങിപ്പോകുന്ന പെൺതുറസ്സുകൾ.
-
-20%
ORU KALLINTE KADHA
Original price was: ₹70.00.₹56.00Current price is: ₹56.00.ഒരു കരിങ്കൽക്കഷണത്തിനുണ്ടാകുന്ന അതിശയകരമായ പരിണാമങ്ങളുടെ കഥയാണ് ഇത്. പുഴയിൽനിന്നും കിട്ടിയ ഒരു “ദൈവക്കല്ല്’ പറയുന്ന പഴമ്പുരാണങ്ങളുടെ ചീളുകൾ ആകാംക്ഷയോടെ പെറുക്കിക്കൂട്ടുകയാണ് കണ്ണനുണ്ണി. ഒരിടത്തൊരിടത്തൊരു ഗ്രാമീണബാലൻ മിഠായി നൽകി പ്രീതിപ്പെടുത്തിയിരുന്ന കല്ലുണ്ണി എന്ന ആ ചങ്ങാതിദൈവത്തിന് പിന്നീടുണ്ടായ രൂപഭാവമാറ്റങ്ങൾ ആർക്കും അവിശ്വസനീയമാകും. കോഴിച്ചോരയിൽ ആറാടുന്ന കരിങ്കുട്ടിയായും, അരളിമാല ചൂടിയ കാളിയമ്മയായും, പനങ്കള്ള് നിവേദ്യമായ നീലിയമ്മയായും, ആടുമാടുകളുടെ രക്ഷകനായ മുണ്ടിയനായും, കാവൽമൂർത്തിയായ കറുപ്പസ്വാമിയായും, ഷാപ്പിലെ പാനീയം കട്ടുകുടിക്കുന്ന മൂക്കൻ ചാത്തനായും ഒക്കെ കൂടുവിട്ടു കൂടുമാറുകയാണ് ഇതിൽ ആ കല്ല്!!!
-
-20%
CHITHRAKOODAM
Original price was: ₹90.00.₹72.00Current price is: ₹72.00.ജാതിമേധാവിത്വത്തിന്റെ കോട്ടകൊത്തളങ്ങളെ, കല്ലിന്മേൽ കല്ല് ശേഷിക്കാത്തവിധം, തകർത്തുകളയുവാൻ അക്ഷീണം പ്രയത്നിച്ച ഒരു മഹാത്മാവിന്റെ ജീവിതകഥ പറയുകയാണ് ഈ ആഖ്യായിക. അടിയാളരിൽനിന്നും പൗരർ എന്ന പദവിയിലേക്ക് അയ്യങ്കാളി ഒരു ജനതതിയെ നയിച്ചു. സാമൂഹികഭ്രഷ്ടിന്റെ ഇരുൾമാളങ്ങളിൽനിന്നും അവരുടെ ആത്മാഭിമാനത്തെ വീണ്ടെടുത്തു. ആ തലേക്കെട്ടുകാരനായ കോട്ടുധാരിക്ക് ചരിത്രം ‘പുലയരാജാവ്’ എന്ന വിശേഷണം നല്കി. നീതിക്കു വേണ്ടി ദാഹിച്ച ആ ദളിത് വിമോചനസമരനായകൻ തന്റെ അധഃസ്ഥിത സഹോദരങ്ങൾക്ക് അക്ഷരവിദ്യയ്ക്കും വഴിനടപ്പിനും മാന്യമായ വസ്ത്രധാരണത്തിനും വേണ്ടി നിരന്തരം ശബ്ദമുയർത്തി. അടിമകളുടെ ഉടമകൾ വാഴുന്ന ‘ധർമരാജ്യ’ത്തിലെ ‘നീതിസാര’ത്തിനു വഴങ്ങാതിരുന്ന ഒരു നിഷേധിയെ നിങ്ങൾക്ക് ഈ പുസ്തകത്തിൽ കാണാനാകും.
-
-20%
SUBASHITHANGAL
Original price was: ₹210.00.₹168.00Current price is: ₹168.00.“മാങ്ങാട് രത്നാകരന്റെ രണ്ടുമിനിറ്റ് നുഡിൽസിനു മുന്നിലാണു നമ്മൾ. ഇതിലെ ഒരു രചനയുടെയും രുചിനുണയാൻ രണ്ടുമിനിറ്റിൽ കൂടുതൽ വേണ്ട… ഒരു സംഗതി കൈയിൽ കിട്ടിയാൽ അതു ഭയങ്കര ഇഫക്ടോടെ പറഞ്ഞു ഫലിപ്പിക്കാൻ രത്നാകരനുള്ള കഴിവ് അപാരമാണ്… ഗംഭീരം രത്നാകരലു, ഞങ്ങൾ അടുത്ത പുസ്തകത്തിനായി കാത്തിരിക്കുന്നു.” -തോമസ് ജേക്കബ്
ഇന്ത്യൻ സാഹിത്യത്തിലെയും ധർമശാസ്ത്രത്തിലെയും ഒരു വിശേഷശാഖയാണു സുഭാഷിതങ്ങൾ. ആകാശവാണിയിലൂടെയും നമ്മുടെ കാതുകൾ സുഭാഷിതങ്ങൾ കേട്ടു തഴമ്പിച്ചു. സുഭാഷിതങ്ങൾ എന്ന ഈ പുസ്തകത്തിലെ സുഭാഷിതങ്ങളുടെ വരവ് മറ്റൊരു വഴിക്കാണ്. പേരു പക്ഷേ, അതുതന്നെ, സുഭാഷിതങ്ങൾ.
-
-20%
CHIKILSAYKKAPPURAM AAROGYAM : DOCTORMARUDE KAZHCHAPPADUKAL
Original price was: ₹150.00.₹120.00Current price is: ₹120.00.ആരോഗ്യമാണ് ഏറ്റവും വലിയ സമ്പത്ത്. നമ്മുടെയും പ്രിയപ്പെട്ടവരുടെയും ആരോഗ്യത്തെക്കുറിച്ച് ഓരോരുത്തർക്കും നിരവധി സംശയങ്ങളും ആശങ്കകളും ഉണ്ടാകാം. ഈ ചോദ്യങ്ങൾക്കെല്ലാം ലളിതവും ശാസ്ത്രീയവുമായ മറുപടി നൽകുകയാണ് ഈ പുസ്തകം. പുഷ്പഗിരി മെഡിക്കൽ കോളേജിലെ വിവിധ വിഭാഗങ്ങളിലെ വിദഗ്ധരായ ഡോക്ടർമാർ തങ്ങളുടെ അറിവും അനുഭവപരിചയവും സാധാരണക്കാർക്കായി പങ്കുവെക്കുന്നു. നല്ല ഉറക്കം, വ്യായാമം തുടങ്ങിയ പൊതുവായ ആരോഗ്യശീലങ്ങൾ മുതൽ പേവിഷബാധ, നിപ്പ പോലുള്ള പകർച്ചവ്യാധികൾ, ആന്റിബയോട്ടിക് പ്രതിരോധം, പ്രമേഹം, കാൻസർ, മാനസികാരോഗ്യം, കൗമാരക്കാരുടെ പ്രശ്നങ്ങൾ വരെയുള്ള സുപ്രധാന വിഷയങ്ങൾ ഈ പുസ്തകം കൈകാര്യം ചെയ്യുന്നു. രോഗങ്ങളെക്കുറിച്ചുള്ള അനാവശ്വഭീതിയകറ്റി, ശരിയായ അറിവിലൂടെ ആരോഗ്യപൂർണമായ ജീവിതം നയിക്കാൻ സഹായിക്കുന്ന ഒരു ആധികാരിക വഴികാട്ടി. ഓരോ കുടുംബത്തിലും ഉണ്ടായിരിക്കേണ്ട ഒരു റഫറൻസ് ഗ്രന്ഥം.
-
-20%
NIRMITHAMANUSHYAN 7.0
Original price was: ₹450.00.₹360.00Current price is: ₹360.00.ന്യൂയോർക്ക് നഗരത്തെയാകെ സംഭ്രമത്തിലാഴ്ത്തിക്കൊണ്ട് അവിവാഹിതകളായ പെൺകുട്ടികളും വിവാഹിതരായ സ്ത്രീകളും പുരുഷബന്ധമില്ലാതെ ഗർഭത്തിനിരകളാവുകയും ഗർഭഛിദ്രം നടത്തിയാൽ മരിച്ചുപോകുകയും ചെയ്യുന്നു. അതിന്റെ കാരണം തേടുന്ന എഫ്.ബി.ഐ. സംഘത്തിന് അതുവരെ പരിചിതമല്ലാത്ത ദുർഘടമാർഗങ്ങളിലൂടെയാണു അന്വേഷണം നടത്തേണ്ടിവരുന്നത്. ആ അന്വേഷണം കേരളത്തിലേക്കും നീളുന്നു. ഭീകരവാദികളുടെ പുത്തൻ ആയുധം എ.ഐ. ടെക്നോളജിയിലൂടെ ഉണ്ടാക്കിയെടുത്ത നിർമിതമനുഷ്യനാണെന്ന് അവർ കണ്ടെത്തുമ്പോഴും അതിനെ നേരിടാനാകാതെ കുഴങ്ങുകയാണ് എഫ്.ബി.ഐ. എ.ഐ. കാലത്തെ വിഭ്രാമകമായ അവസ്ഥയിലൂടെ വായനക്കാരെ നയിക്കുന്ന ക്രൈംത്രില്ലർ.
-
-20%
PREMCHANDHINTE KATHAKAL
Original price was: ₹130.00.₹104.00Current price is: ₹104.00.ആധുനിക ഹിന്ദി ഉറുദു സാഹിത്യത്തിലെ വിരാട് രൂപമായിരുന്നു മുൻഷി പ്രേംചന്ദ്. അനുവാചകർ ‘കഹാനി സമ്രാട്ട്’ എന്ന ആദരവേകിയ ഈ എഴുത്തുകാരനാണ്, അമാനുഷികതയിലും ഭ്രമാത്മകതയിലും വട്ടം ചുറ്റിയ ഹിന്ദി സാഹിത്യത്തിന് റിയലിസ്റ്റിക് ആഖ്യാനധാര പരിചയപ്പെടുത്തുന്നത്. മണ്ണിന്റെ മാറിൽ കാലുറപ്പിച്ചുനിന്ന് നിന്ദിതർക്കും പീഡിതർക്കും അക്ഷരാലംബമേകിയ അദ്ദേഹം പാവങ്ങളുടെ ചോരകുടിച്ച് ചീർത്തതിന്റെ പാപം കഴുകിക്കളയാൻ ഗംഗാസ്നാനത്തിനു പോകുന്ന പ്രമാണികളെ രൂക്ഷഭാഷയാൽ ചൊടിപ്പിച്ചു. അസമത്വത്തിനും അനീതിക്കും ഇടയിൽ പൊടിച്ചുണരുവാൻ ശ്രമിക്കുന്ന മാനവികതയുടെ വിത്തുകളെക്കുറിച്ചാണ് ഈ പ്രേംചന്ദ് കഥകളും സംസാരിക്കുന്നത്.
-
-15%
To My Dearest Self
Original price was: ₹399.00.₹339.00Current price is: ₹339.00.A national bestseller in Malayalam, Nimna Vijay’s masterpiece Ettovum Priyapettu Ennode comes alive in Haritha C.K.’s luminous English translation-bringing Aditi’s story to every heart that’s ever wondered if it is too late choose itself.
-
-15%
System Out Complete
Original price was: ₹290.00.₹247.00Current price is: ₹247.00.ഏത് ഏമാൻമാരോടും ചോദ്യങ്ങൾ ചോദിക്കാനും മറുപടി ആവശ്യപ്പെടാനും നീതി ഉറപ്പാക്കാനും സാധാരണ പൗരന് അധികാരം ഉറപ്പാക്കുന്നതാണ് വിവരാവകാശ നിയമം(RTI). ഇവിടെയും പഴുതുകൾ ഉപയോഗിച്ചു രക്ഷപ്പെടുന്ന ഉദ്യോഗസ്ഥപ്രഭുക്ക ളുണ്ട്. ഇനി അതു നടക്കില്ല. സിസ്റ്റത്തിനുള്ളിൽ പ്രവർത്തിച്ച് അതിനുള്ളിലെ കളികൾ മനസ്സിലാക്കിയ ഒരു ഉദ്യോഗസ്ഥന്റെ അനുഭവപാഠങ്ങൾ. അപേക്ഷ തയാറാക്കുന്ന വിധം. ചോദ്യങ്ങൾ ഉന്നയിക്കേണ്ട വിധം വിവരാവകാശ കമ്മിഷനിൽ പരാതി സമർപ്പിക്കേണ്ട രൂപരേഖ. അപേക്ഷയ്ക്കു മറുപടി വൈകിയാൽ, നിരസിച്ചാൽ, വിവരം ലഭ്യമല്ല എന്ന പ്രതികരണം ലഭിച്ചാൽ എന്തുചെയ്യണം? വിവരാവകാശനിയമം ആരും നൂലിൽ കെട്ടിയിറക്കിയതല്ല. ദാനം നൽകിയതുമല്ല. സമൂഹത്തിന്റെ ഏറ്റവും താഴേത്തട്ടിൽ നിന്നുയർന്നുവന്ന പോരാട്ടങ്ങളുടെ അനന്തരഫലമാണ്. തിരുവായ്ക്ക് എതിർവായുണ്ടെന്ന് അധികാരകേന്ദ്രങ്ങളെ ബോധ്യപ്പെടുത്തിയ ഇന്ത്യൻ ജനാധിപത്യത്തിന്റെ ഈ മഹാവകാശം എങ്ങനെ ബുദ്ധിപൂർവം വിനിയോഗിക്കണമെന്ന് പ്രശാന്ത് നായർ IAS ലളിതമായി വിവരിക്കുന്നു.
-
-20%
GHOST EATER
Original price was: ₹150.00.₹120.00Current price is: ₹120.00.Who was the Umbrella Ghost with the mysterious lights? How about meeting a ghost with no brain, heart, bone, or eyes? Have you ever seen a ghost or Ghost Eater? An underwater journey in the ocean shows a mysterious world full of ghosts!
‘Ghost Eater’ presents 20 stories set in diverse terrains to help children experience different situations and learn a lot about Nature and Life. The strange scream of an orangutan, camouflaged snakes, fun and thrill while ice-skating, the presence of a cactus in a classroom, a donkey joining a musical band, the magic of cycling, the secret behind sweet and soft revenge, the magic of lucky red seeds, a machine that becomes the elephant’s elephant, leading a meaningful life by helping the helpless, and many more topics are covered in this book with fun and laughter. ‘Ghost Eater’ is a book to treasure, to read repeatedly.
-
-20%
KANMUNNIL SAMUDRAM
Original price was: ₹90.00.₹72.00Current price is: ₹72.00.നെഞ്ചോടു ചേർത്തുപിടിക്കുന്ന കാമനകളുടെ ജലകന്യയെ നിരസിക്കുവാനാവാതെ സ്വന്തം വിധിയുടെ സാഗരം താണ്ടുന്ന ഒരു പത്രപ്രവർത്തകന്റെ ജീവിതകഥ. സമുദ്രത്തിന്റെ ആഴ നീലിമയിൽ ആ ജലകന്യക അയാളെ കൊണ്ടുപോകുന്നത് വർണാഭമായ രതിരഥ്യകളിലൂടെയാണ്. എങ്കിലും ആർത്തലയ്ക്കുന്ന കടൽപ്പരപ്പിന്റെ രൗദ്രയാഥാർഥ്യങ്ങളിലേക്കു പൊന്തി വന്നേ തീരൂ. അതാണു ജീവിതം.
-
-20%
AVADHOOTHAM
Original price was: ₹360.00.₹288.00Current price is: ₹288.00.“ഗുരുവിന്റെ ആന്തരികജീവിതത്തിന്റെ അത്ഭുതചരിതമാണ് ഈ ഗ്രന്ഥത്തിൽ ചുരുളഴിയുന്നത്… ഒരു മഹാമനസ്സിന്റെ ബാഹ്യാഭ്യന്തരലോകങ്ങൾ ഒന്നൊന്നായി പ്രകടമാകുന്നത് അത്യന്തം രസപ്രദമായ രീതിയിലാണ്. സാധനാജീവിതത്തിന്റെ നിഗൂഢതകളും തീവ്രാനുഭവങ്ങളും അറിയാതെ ഒരു യോഗിയെ തിരിച്ചറിയാൻ കഴിയില്ല എന്നുകൂടി ഈ ഗ്രന്ഥം നമ്മെ ഓർമിപ്പിക്കുന്നു. രസപ്രദമായ കഥാഖ്യാനം പിന്തുടരുന്ന കൗതുകത്തോടെയും, അതിനിടയിൽ ആന്തരികജീവിതരഹസ്യങ്ങൾ തിരിച്ചറിയുന്ന വിസ്മയത്തോടെയുമല്ലാതെ വായനക്കാരന് ഈ ഗ്രന്ഥം വായിച്ചുതീർക്കാൻ ആവുകയില്ല.” -എം.കെ. സാനു
മലയാളി ഇന്നോളം വായിച്ചറിഞ്ഞ ‘നാരായണ’ങ്ങളിൽനിന്നെല്ലാം തീർത്തും വ്യത്യസ്തമാണ്, ഗുരുദേവന്റെ ജീവിതം നോവൽരൂപത്തിൽ ആഖ്യാനംചെയ്യുന്ന ഈ കൃതി.
-
-20%
ENTE PRIYAPPETTA KATHAKAL
Original price was: ₹350.00.₹280.00Current price is: ₹280.00.‘ഭാവനയുടെ സാന്ദ്രീകരണമാണ് ചെറുകഥയുടെ മുഖമുദ്ര’യെന്ന നിർവചനത്തിന്റെ പരിധിയിൽ വരും ഈ സമാഹാരത്തിലെ കഥകളെല്ലാം. അത്യാവശ്യമില്ലാത്ത ഒരു വാക്യമോ വാക്കുപോലുമോ ഇതിലെ ഒരു കഥയിലുമില്ല. അനാഡംബരമായ സൗന്ദര്യമുള്ള ഭാഷ: ഒരു പ്രത്യേക കാലം, പ്രത്യേക ദേശം, പ്രത്യേകതകളുള്ള മനുഷ്യൻ; ഇവ ഹൃദ്യമായി പ്രതിനിധാനം ചെയ്യപ്പെട്ടിരിക്കുന്നു ഈ കഥകളിൽ – കേരളീയജീവിതത്തിന്റെ കലാസുഭഗമായ പ്രതിനിധാനങ്ങൾ
-അവതാരികയിൽ ആർ.എസ്. കുറുപ്പ്
നാഴികമണിയുടെ സൂചികൾപോലെ, വർത്തമാനകാലത്തെ കൃത്യ മായും കണിശമായും രേഖപ്പെടുത്തുന്ന കഥകൾ. “നമ്മൾ വെറും കളിപ്പാട്ടങ്ങൾ’ എന്ന കഥാശീർഷകം, മാനവകാമനകളുടെ ഈ പാർപ്പിടത്തിന് വിലാസമായി മാറുന്നു.
-
-20%
KULAVAZHAKALKKIDAYILE KAATTUCHEMBINPAZHANGAL
Original price was: ₹150.00.₹120.00Current price is: ₹120.00.“അകവും പുറവും വ്യത്യാസമില്ലാത്ത ഒരു ശുദ്ധമനുഷ്യനെ പരിചയപ്പെട്ടതു പോലെയാണ് ഈ പുസ്തകം വായിച്ചപ്പോൾ തോന്നിയത്… ‘നമ്മിലെ വെളിച്ചം തന്നെയാണ് ലോകത്തെ പ്രകാശിപ്പിക്കുന്നത്’ എന്ന ഉദാത്തമായ ഉൾക്കാഴ്ചയോടെയാണ് പ്രസാദ് തന്റെ ഓർമകളുടെ ചിത ഒരുക്കുന്നത്. ജീവനുള്ള ഓർമകൾ!
-ഒ.വി. ഉഷ
ഒരു റബ്ബർതോട്ടവും അവിടുത്തെ കുറെ മനുഷ്യരും ആ പ്രകൃതിയും അസ്തിത്വത്തിന്റെ തന്നെ സൂക്ഷ്മരൂപമായി പരിണമിക്കുകയാണ് ഈ കുറിപ്പുകളിൽ. സൗമ്യലിപികളിൽ ലോകത്തോടു മിണ്ടിപ്പറഞ്ഞ ഒരു മനുഷ്യന്റെ മൃത്യുഞ്ജയമന്ത്രമാണ്, ഒരു പട്ടടയിലെ തീയിനും വിഴുങ്ങുവാനാകാത്ത ഈ വാക്കുകൾ.
-
-20%
K.G.S. ORU PAADASALA
Original price was: ₹240.00.₹192.00Current price is: ₹192.00.എം. ലീലാവതി, കളർകോട് വാസുദേവൻ നായർ, ഇ.പി. രാജഗോപാലൻ, ബി. രാജീവൻ, എൻ. ശശിധരൻ, പി.എൻ. ഗോപീകൃഷ്ണൻ തുടങ്ങിയ പതിനാറ് എഴുത്തുകാരുടെ പഠനങ്ങളും കെജിഎസിന്റെ കവിതകളും
കെ.ജി. ശങ്കരപ്പിള്ളയുടെ ‘പല പോസിലുള്ള’ ഒരുപിടി കവിതകളുടെ വായനയാണ് ഈ പുസ്തകം – വാക്കിന്റെ അടിത്തട്ടിലേക്കുള്ള കൂപ്പു കുത്തലുകൾ. കഴുതകളായി നടിക്കേണ്ടിവന്ന കുതിരകൾ, മെഴുക്കു പുരണ്ട ചാരുകസേര, കഥ കടന്ന് പുഴയിലേക്ക്, ഹത്രസ് തുടങ്ങി, വ്യത്യസ്തകാലങ്ങളിലെ കെ.ജി.എസ്. കാവ്യമുദ്രകളുടെ “ഈടും ഉറപ്പും” ഇതിൽ ഡോ. എം. ലീലാവതി, ബി. രാജീവൻ, ഇ.പി. രാജഗോപാലൻ, പി.എൻ. ഗോപീകൃഷ്ണൻ തുടങ്ങി വ്യത്യസ്ത തലമുറകളിലെ കാവ്യാസ്വാദകർ തിട്ടപ്പെടുത്തുന്നു – “ഏത് പുതുമൊഴിയേക്കാളും പുതിയ മൊഴി,” “ചരിത്രത്തിന്റെ അകവിസ്തൃതികളുടെ അടയാളപ്പെടുത്തൽ, “മാനവികമായ കാവ്യസംസ്കാരത്തിന്റെ നിർമിതി” എന്നുമെല്ലാം തീർച്ചപ്പെടുത്തുന്നു. ബൗദ്ധികവ്യായാമത്തിന്റെ ‘പിഞ്ഞിയ ബയോഡാറ്റ’യല്ല ‘നാം നമ്മിലാഴത്തിലറിയുന്ന നമ്മെ’ എന്ന വായനാനുഭവമാണ് ഈ ഒറ്റക്കവിതാപഠനങ്ങൾ.
-
-20%
KILA
Original price was: ₹280.00.₹224.00Current price is: ₹224.00.മലബാറിലെ മുസ്ലിം സ്ത്രീജീവിതത്തിൽ ഉണ്ടാവുന്ന അടിച്ചമർത്തലുകളും അവയ്ക്കെതിരേ പൊരുതി ജീവിതം കെട്ടിപ്പടുക്കുന്ന സേബ എന്ന യുവതിയുടെ ജീവിതവും പ്രമേയമാവുന്ന നോവലാണ് കിള. സേബയുടെ തിരിച്ചറിവുകളിലൂടെ, കാലാകാലങ്ങളിൽ മലബാറിലെ മുസ്ലിം സ്ത്രീകൾ നയിച്ചുപോന്ന ജീവിതങ്ങളും നോവലിൽ ചിത്രീകരിക്കപ്പെടുന്നു. -
-20%
THARKKITHA BHOOTHAKALAM
Original price was: ₹260.00.₹208.00Current price is: ₹208.00.കേരളത്തിലെ ദലിത് സമൂഹങ്ങളുടെ ചരിത്രം, ഓർമ്മകൾ, ബൗദ്ധിക വ്യവഹാരങ്ങൾ എന്നിവയുമായി ബന്ധപ്പെട്ട ഒരുകൂട്ടം വിമർശനാത്മക ലേഖനങ്ങളുടെ സമാഹാരമാണ് ഈ പുസ്തകം. മനുഷ്യന്റെ അന്തസ്സ്, അംഗീകാരം, സ്വയം ആവിഷ്കരണം എന്നീ സങ്കല്പനങ്ങളെ കേന്ദ്രത്തിൽ നിർത്തിക്കൊണ്ടുള്ളതാണ് ഇതിലെ ഓരോ ലേഖനങ്ങളും. ദലിത് പഠനങ്ങൾ, കീഴാള ചരിത്രരചന, ദക്ഷിണേഷ്യയിലെ ഓർമ്മയുടെ രാഷ്ട്രീയം തുടങ്ങി വിദ്യാർത്ഥികൾക്കും ചരിത്രഗവേഷകർക്കും വായനക്കാർക്കും ഒരുപോലെ മുതൽക്കൂട്ടായിരിക്കുന്ന പുസ്തകം. -
-20%
FATHIMATHURUTHU
Original price was: ₹180.00.₹144.00Current price is: ₹144.00.കുരീപ്പുഴയുടെ ഏറ്റവും പുതിയ 68 കവിതകളുടെ സമാഹാരം. ഏറെ ശ്രദ്ധേയമായ മലയാളത്തമിഴൻ, കടൽക്കണ്ണ്, മേയർമരിച്ചദിവസം, യുദ്ധതന്ത്രം, കായലമ്മ, പുഴയോരത്തെ തീമരം, സഹയാത്രികൻ, ചന്ദ്രോദയം, മനുഷ്യപ്പാട്ട്, ഫാത്തിമത്തുരുത്ത് തുടങ്ങിയ കവിതകൾ. കാലവിപര്യയങ്ങൾക്കു നേർക്കെറിയുന്ന ചൂട്ടുപന്തങ്ങളായി കുറെ കവിതകൾ. -
-20%
KAAVA
Original price was: ₹350.00.₹280.00Current price is: ₹280.00.ആരും ഏതു സമയവും ആക്രമിക്കപ്പെടുകയോ കൊല്ലപ്പെടുകയോ ചെയ്യാവുന്ന, ഭീതിയും സംശയവും ഇരുട്ടും നിറഞ്ഞ, എവിടെനിന്നാണ് വെടിയുണ്ട വരുന്നത് എന്ന് ഓരോരുത്തരും ഉത്കണ്ഠപ്പെടുന്ന, സത്യസന്ധമായ പത്രപ്രവര്‍ത്തനം പാതകമാവുന്ന രക്തപങ്കിലമായ ഒരു ഭീഷണലോകത്തേക്ക് ഈ നോവല്‍ നമ്മെ നയിക്കുന്നു. ഉദ്വേഗജനകമായ ആഖ്യാനം. അഗാധമായ ഉള്‍ക്കാഴ്ച. മിന്നിമറയുന്ന കഥാപാത്രങ്ങളെപ്പോലും അവിസ്മരണീയരാക്കുന്ന ഭാവന. പുതിയ തലമുറയില്‍നിന്ന് മറ്റൊരു ശക്തമായ നോവല്‍കൂടി. -
-20%
ORU KALLERU DOORAM
Original price was: ₹120.00.₹96.00Current price is: ₹96.00.ഷിജിയുടെ കവിതകളിലെ സ്ത്രീ എപ്പോഴും ആത്മവിചാരങ്ങളിലാണ്. അവളുടെ ആത്മപരിശോധനകൾ സ്വതന്ത്രവും ധീരവുമാണ്. അവയിൽ നിലവിളിയുടെ കീറിയ പാടുകളില്ല; മറിച്ച്, സ്വാതന്ത്ര്യബോധത്തിന്റെ വ്യക്തമായ അടയാളങ്ങളാണുള്ളത്… ഒരു കല്ലേറുദൂരത്തെ, കവിതയുടെ അഗാധതയിലൂടെ കാലത്തെ അതിജീവിക്കുന്ന ബഹുദൂരമാക്കിമാറ്റുന്നു… ഉള്ളൊഴുക്കുകളുടെ അതിമനോഹര സ്ട്രോക്കുകളുടെ വിശാലമായ ക്യാൻവാസ്
-അവതാരികയിൽ നിഷ നാരായണൻ
കൈക്കുമ്പിളിലെ ജാലകത്തിലൂടെ ഭൂമിപ്രപഞ്ചങ്ങളൊന്നാകെ വെളിപ്പെടുന്ന കാഴ്ചയാണ് ഈ കവിതകൾ. അതീവസ്വകാര്യമായ ഒരു മിണ്ടിപ്പറയൽ പോലെ ഇതിൽ പെൺജീവിതം സ്വരം ചേർക്കുന്നു.
-
-20%
SMRITHIVICHETHAM
Original price was: ₹210.00.₹168.00Current price is: ₹168.00.അൾഷിമേഴ്സെന്ന ന്യൂറോഡീജനറേഷൻ രോഗത്തിനുള്ള മരുന്നു കണ്ടെത്തി അതിന്റെ ആഗോളവിപണി കൈയടക്കാനുള്ള ഡൽറ്റ ഫാർമ ഇന്നവേഷൻസിന്റെ വഴിവിട്ട ശ്രമങ്ങളിലൂടെ മരുന്നുവിപണിയിലുള്ള കോർപ്പറേറ്റ് താത്പര്യങ്ങളെ തുറന്നുകാണിക്കുകമാത്രമല്ല, അതിനുള്ളിലകപ്പെടുന്ന മനുഷ്യർ അനുഭവിക്കേണ്ടിവരുന്ന യാതനകളെ സവിശേഷമായി ആവിഷ്കരിക്കുകകൂടിയാണ് ‘സ്മൃതിവിച്ഛേദം’ എന്ന നോവൽ. ഒരു ത്രില്ലറിന്റെ രചനാവൈഭവവും സോഷ്യൽഫിക്ഷന്റെ ആവിഷ്കാര സൗന്ദര്യവും ഒത്തുചേരുന്ന നോവൽ.
-
-20%
ICECREAM THINNUNNA SOORYAN
Original price was: ₹160.00.₹128.00Current price is: ₹128.00.സങ്കീർണതകളൊന്നുമില്ലാതെ പറഞ്ഞുപോകുമ്പോഴും ഈ കഥകളെല്ലാം സങ്കീർണമായ ജീവിതാവസ്ഥകളെയും കരുണാർഹമായ ദൈന്യതകളെയുമാണ് ആവിഷ്കരിക്കുന്നത്. ഒട്ടും നാട്യങ്ങളില്ലാതെ കഥപറയുന്ന രീതി തന്നെയാണ് വായനക്കാരെ ഒപ്പം കൂട്ടുന്നത്. ജീവിത ബന്ധങ്ങളുടെ വൈകാരികാംശങ്ങളെ പൊലിപ്പിച്ചെടുക്കുന്ന പത്തു ചെറുകഥകളുടെ സമാഹാരം.
-
-20%
LITTLE LEAVES OF LITERATURE
Original price was: ₹150.00.₹120.00Current price is: ₹120.00.LITTLE LEAVES OF LITERATURE
-POEMS BY YOUNG MINDS
This book discovers the magic of poetry through the eyes of curious kids. Small hands held big pens, and big dreams unfolded! Join the journey of self expression and creativity with poems from the minds of tiny visionaries.
-
-20%
AND THE BREEZE WHISPERS…DEAR FRIEND
Original price was: ₹130.00.₹104.00Current price is: ₹104.00.Rare writings that depict the soulfulness of the blossoms of misery.
-C. Radhakrishnan, Author
In these flash stories by P. Surendran, we catch sight of a lightning flash that reveals a world long hidden. It brings warmth, light, and sound – and in that brief illumination, many concealed truths begin to sparkle.
-Subhash Chandran, Author
Stories that radiate unconditional love, like the rich fragrance of incense. When the Earth’s core erupts and flows, the tears of every lifeform touch us deeply. Moonlight and breeze bear witness to their pangs — a language that gently reminds us how enchanting the sky is beyond the darkness.
-Ambikasuthan Mangad, Author
-
-20%
MAYAPURANAM
Original price was: ₹240.00.₹192.00Current price is: ₹192.00.“മായാപുരാണം’ കാർഷികസമൃദ്ധിയുടെ ഉട്ടോപ്യയാണ്. നഗരത്തിന്റെ കർക്കശമായ ക്ഷേത്രഗണിതന്യായങ്ങൾക്കപ്പുറത്ത് കാട്ടുപൂക്കൾ നിറഞ്ഞ പുൽമേടുകളുടെ വന്യകാന്തിയും ജലസമൃദ്ധമായ ആമ്പൽതടാകങ്ങളും ഉർവരമായ മണ്ണും നിറയുന്ന മായാപുരം. പൗരാണികതയിൽ വേരാഴ്ത്തി നിൽക്കുന്ന സമത്വസുന്ദരമായ ആവാസവ്യവസ്ഥ. നമുക്കറിയാവുന്ന യഥാർഥലോകത്തിന് ബദലായി ശക്തമായ സ്വപ്നലോകം നിർമിക്കുകയാണ് ഈ കൃതി.
-ജി. മധുസൂദനൻ
ഭൂവിശാലതയിൽ ഒറ്റമരം ചുഴലിക്കാറ്റിനെ നേരിടുന്നതിൽ നിന്നാണ് “മായാപുരാണം’ ആരംഭിക്കുന്നത്. യഥാതഥവിവരണത്തിന്റെ ശീലങ്ങളെ നിരസിക്കുന്ന ഇളകിയാട്ടമാണ് ഈ നോവൽ. പ്രമേയജീവിതമേറെയുണ്ട്, “മായാ പുരാണ’ത്തിലെ ഒറ്റമരത്തിന്.
-ഇ.പി. രാജഗോപാലൻ
പ്രസിദ്ധീകരണത്തിന്റെ മുപ്പതാം വർഷത്തിലെ പ്രത്യേക പതിപ്പ്.
