കൊതിതീരെ പനമ്പഴങ്ങൾ തിന്നുവാനുള്ള മോഹമാണ് ആനക്കാട്ടിലെ മാതുവിനെയും കൂട്ടുകാരി ചിന്നുവിനെയും പനങ്കാട്ടിലേക്കൊരു സാഹസികയാത്രയ്ക്കു പ്രേരിപ്പിച്ചത്. വയറുനിറയെ പഴംതിന്ന് മടങ്ങിയെത്തിയ മാതുവിന് ആ ആനത്താവളത്തിന്റെ ഒരുമ തകരുന്നതിലാണ് സാക്ഷിയാകേണ്ടിവന്നത്. ഭ്രാന്തൻ ശങ്കുവും, മല്ലനും അവന്റെ സിൽബന്തികളുമൊക്കെച്ചേർന്ന് സംഭവബഹുലമാക്കുന്നു, ‘ഗണപതിക്കുന്നി’ന്റെ ഇതിവൃത്തം.