-
APPUPPAN DADDY
Original price was: ₹100.00.₹80.00Current price is: ₹80.00.വേനലവധിക്കാലം കിച്ചുവിന് ഉത്സാഹനാളുകളാണ്. ഏറെ പ്രിയപ്പെട്ട അപ്പൂപ്പനും അമ്മൂമ്മയുമൊത്തുള്ള ഉല്ലാസദിനങ്ങൾ. അങ്ങനെ ഒരു അവധിക്കാലത്ത് ‘ഡാഡിനാട്ടിൽ’ എത്തിയ കിച്ചുവിനെ കാത്തിരുന്നത് ചില പതിവില്ലാകാഴ്‌ചകളായിരുന്നു. അത് അവനു പുതുപാഠങ്ങളാകുകയാണ്. പരസ്‌പരം താങ്ങും തണലുമായി ജീവിതസായന്തനത്തെ ആനന്ദക രമാക്കുന്ന ആ ദമ്പതികൾ അവൻ്റെ സ്ലേറ്റുപുസ കത്തിൽ സ്നേഹത്തിൻ്റെ ചില സുന്ദരപാഠങ്ങൾ എഴുതിച്ചേർക്കുന്നു.
-
ZEN NADAPPU ZEN IRIPPU
Original price was: ₹650.00.₹520.00Current price is: ₹520.00.സെൻ അപൂർവമായൊരു വിടർച്ചയാണ്. മനുഷ്യബോധത്തിന്റെ ചരിത്രത്തിലെ വിചിത്രസംഭവങ്ങളിൽ ഒന്ന്. അത് ബുദ്ധന്റെ അനുഭവവും ലാവോത്സുവിൻ്റെ അനുഭവവും തമ്മിലുള്ള സമാഗമമാണ്. അതിന് ബുദ്ധന്റെ സൗന്ദര്യവുമുണ്ട്, ലാവോത്സുവിന്റെ സൗന്ദര്യവുമുണ്ട്; അത് രണ്ടുപേരുടേയും കുഞ്ഞാണ്. അതിനു മുൻപോ അതിനു പിൻപോ അങ്ങനെ ഒരു സമാഗമം നടന്നിട്ടില്ല. ഇഹവും അഹവും മറന്ന്, പരമവിശ്രാന്തിയുടെ മടിത്തട്ടിൽ ശിരസ്സണയ്ക്കുന്ന അനുഭവമാണ് ഈ വായന. ഇന്നിനെ പുണർന്ന്, അതീതഭാവിയിലേക്കു പടരുവാൻ ഈ സെൻ ഗുരു നിങ്ങളെ പഠിപ്പിക്കും. യോഗാത്മകതയും യുക്തിചിന്തയും ചരിത്രാവലോകനവും മനോവിശകലനവും ഫലിതപ്രകാശനവുമൊക്കെ ഇവിടെ ഒന്നുപോലെ ബോധനോപാധികളാകുന്നു. സാധകരുമായി ഒരു സംവാദത്തിനല്ല, സല്ലാപത്തിനാണ് ഈ ആശ്രമം വേദിയാകുന്നത്.
-
ENTE GERMAN YATHRA
Original price was: ₹200.00.₹160.00Current price is: ₹160.00.ജർമനിയിൽപ്പോയി മടങ്ങിവന്നൊരു സുഹൃത്ത് തന്റെ അനുഭവങ്ങൾ നമ്മളോട് പറയുന്നതുപോലെ വായിച്ചുപോകാവുന്ന ഈ പുസ്തകത്തെ മികച്ചതാക്കുന്നത് എഴുത്തുകാരനിലെ പ്രഗത്ഭനായ ചരിത്രാധ്യാപകനാണ്. ഒരു പ്രദേശത്തിന്റെ ജിയോഗ്രഫിക്കൽ സ്പേസിലേക്കും ഹിസ്റ്റോറിക്കൽ സ്പേസിലേക്കും ജോർജ് ഒരേസമയം യാത്രചെയ്യുകയാണ്. ജർമനിയിലേക്കു പോകുന്നവർക്ക് ഒരു കൈപ്പുസ്തകമായി ഇത് ഉപയോഗിക്കാവുന്നതാണ്.
-
THE SWEETEST MANGO
Original price was: ₹100.00.₹80.00Current price is: ₹80.00.This book tells the heartwarming story of three friends whose beautiful friendship began in the classroom and blossomed into a lifelong bond. Rooted in love, kindness and compassion, their friendship has only grown stronger with the passing years.
Through this inspiring story, young readers are invited to discover the true meaning of friendship and experience the beauty of a bond that stands the test of time.
Translated from Malayalam by Suresh M.G. -
KENYAN KATHAKAL
Original price was: ₹180.00.₹144.00Current price is: ₹144.00.കെനിയൻ ഭൂമിയിൽ വേരാഴ്ത്തിയ ഒരു വൃക്ഷത്തിൻ്റെ ശിഖരത്തിൽ വിരിഞ്ഞ മനോഹരമായ പൂക്കൾപോലെയാണ് ഈ കഥകൾ. ‘ഇരുണ്ട ഭൂഖണ്ഡ‌ം’ എന്ന കുറ്റപ്പേര് ചാർത്തിക്കിട്ടിയ ഒരു ദേശത്തിന്റെ ഭാഗമായിരുന്ന ഈ ജനത ഇവിടെ അവരുടെ നാടോടിക്കഥകളും ഗോത്രസംസ്‌കാരവും ആചാരക്രമങ്ങളും ജീവിതരീതികളും ജ്ഞാനസംഹിതകളും തനതുകലകളും എല്ലാമെല്ലാംകൊണ്ടു സൃഷ്ട‌ിക്കുന്നത് വെളിച്ചത്തുരുത്തുകളാണ്. സമുദ്രംപോലെ സമ്പന്നമായ ശബ്‌ദങ്ങളുടെ മിശ്രിതമായ ഒരു ഭാഷയിൽ ഈ കഥകൾ വായനക്കാരനോടു സംസാരിക്കുന്നു. ‘അവസാനകഥയും വായിച്ചു തീർക്കുമ്പോൾ കെനിയ എന്ന രാജ്യത്തിലൂടെ ചുറ്റിസഞ്ചരിച്ച പ്രതീതി’ എന്ന് അവതാരികയിൽ ഡോ. ടി.എസ്. ജോയ് സാക്ഷ്യപ്പെടുത്തുന്നു.
-
RAMAYANAM VAYANA
Original price was: ₹100.00.₹80.00Current price is: ₹80.00.രാമായണം വായന എന്ന ആചാരം ഇതിഹാസനായകനായ ബലരാമനേറ്റ ഒരു ബ്രഹ്മഹത്യാപാപത്തിന്റെ മോചനവുമായി ബന്ധപ്പെട്ടിരിക്കുന്നു എന്നാണ് പുരാണം. രാമായണമാസം എന്ന് പുകഴ്പെറ്റ കർക്കിടകത്തിലെ ഓരോ ദിനവും വായിച്ചു നീങ്ങാവുന്ന വിധം വാല്മീകിരാമായണത്തെ കേന്ദ്രമാക്കിയുള്ള ഈ പുസ്തകം അദ്ധ്യാത്മ രാമായണത്തിലേയും ആനന്ദരാമായണത്തിലെയും കമ്പരാമായണത്തിലെയും കിളിപ്പാട്ടിലെയുമെല്ലാം ഭാവാർഥങ്ങളും കഥാസന്ദർഭങ്ങളും ഉൾക്കൊണ്ട് ലളിതമലയാളത്തിൽ ഭക്തിപൂർവം വിസ്തരിച്ചിരിക്കുന്നു.
-
JANITHAKAM
Original price was: ₹110.00.₹88.00Current price is: ₹88.00.വിപ്ലവസ്വപ്നങ്ങളുടെ ചാരത്തിൽ ഇനിയും കനൽ ശേഷിക്കുന്നുവെന്നു കരുതുന്ന ഗോകുലനും പാർട്ടിക്കാരായ അച്ഛനമ്മമാരുടെ മകൾ ആയിട്ടും ആധ്യാത്മികലോകമാണ് തന്റെ സ്വാസ്ഥ്യമെന്നറിഞ്ഞ് കൃഷ്ണനെ ധ്യാനിക്കുന്ന സുചിത്രയും തമ്മിലുള്ള സങ്കീർണബന്ധത്തിലൂടെ കേരളീയസമൂഹത്തിന്റെ ഒരു അന്തരാളഘട്ടത്ത രേഖപ്പെടുത്തുകയാണ് എം. സുകുമാരൻ ‘ജനിതകം’എന്ന നോവലിലൂടെ.
-
KAUTILYANTE ARTHASHASTRAM
Original price was: ₹1,000.00.₹800.00Current price is: ₹800.00.കൗടില്യന്റെ ‘അർത്ഥശാസ്ത്ര’മാണ് ഭാരതത്തിന്റെ ആദ്യ ലിഖിത ഭരണഘടന. ഒരു രാഷ്ട്രത്തിനു ഭരണനിർവഹണം സാധ്യമാകുന്നത് പാരമ്പര്യത്തിൽനിന്ന് ചട്ടങ്ങളും നിബന്ധനകളും സ്വാംശീകരിച്ച ഒരു ആദർശഭരണഘടനയിലൂടെയണ്. അത്തരത്തിൽ സമസ്‌തഘടകങ്ങളും സ്വീകരിച്ച് തയ്യാറാക്കിയ ‘അർത്ഥശാസ്ത്രം’ എന്ന മഹദ് ഗ്രന്ഥത്ത വസ്‌തുനിഷ്‌ഠമായി, വിശദമായി പ്രതിപാദിക്കുന്ന പുസ്തകം. ഇന്ത്യൻ സാമൂഹികശാസ്ത്ര ഗവേഷണ കൗൺസിലിനുവേണ്ടി നടത്തിയ ഗവേഷണത്തിൻ്റെ സംക്ഷിപ്‌തരൂപം.
-
DARBAARI DEEPIKA
Original price was: ₹140.00.₹112.00Current price is: ₹112.00.വംശീയതയുടെ നെടുങ്കോട്ടകൾ ഉയർന്നുവരുമ്പോൾ ഒരു കവിക്ക് എന്താണ് ചെയ്യാൻ കഴിയുക? തമസ്‌കരിക്കപ്പെട്ട ചരിത്രത്തെ സ്മൃതിപഥങ്ങളിലേക്ക് പുനരാനയിക്കുക എന്നതുമാത്രമാണ് കരണീയം. പടയോട്ടങ്ങളും ശിക്ഷകളും നടപ്പിലാക്കിയ ഭരണാധികാരിയായ ബാബറെയല്ല, പൂന്തോട്ടങ്ങളെ പ്രണയിച്ച എല്ലാം ദൈവത്തിൽ സമർപ്പിച്ച കവിയും സൂഫിയുമായ ബാബറെയാണ് നമുക്ക് ഓർമയിലേക്ക് കൊണ്ടുവരേണ്ടത്. അതാണ് രാമൻ ചെയ്യുന്നത്. അതുതന്നെയാണ് ദർബാറി ദീപികയെ രാഷ്ട്രീയകവിതയാക്കുന്നത്. മാനവികതയുടെ സൗന്ദര്യത്തെ ഓർക്കാൻ പ്രേരിപ്പിക്കുകയാണ് ദർബാറി ദീപിക. മറ്റാരെയെങ്കിലും കുറ്റപ്പെടുത്താനല്ല, സ്വയം കുറ്റത്തിൽനിന്ന് പുറത്തുകടക്കാനാണ് രാമൻ ചരിത്രത്തെ വേറിട്ടവഴിയിൽ സമീപിക്കുന്നത്. ഡോ. അനിൽ കെ. എം.
-
ADIKONDA SAKHAVU
Original price was: ₹210.00.₹168.00Current price is: ₹168.00.സാമാന്യജീവിതാവസ്‌ഥകളിലെ അസാമാന്യമുഹൂർത്തങ്ങളിലേക്കു നോട്ടമയച്ചുകൊണ്ട് രണ്ടിനെയും പ്രശ്‌നവത്‌കരിക്കുകയും ഉപഹാസപൂർവം അതിൻ്റെ ഓരത്തുനിന്നുകൊണ്ട് വായനക്കാരെ അതിലേക്കു ക്ഷണിക്കുകയുമാണ് വി.എസ്. അജിത്ത് തന്റെ കഥകളിലൂടെ. വൈകാരികതയും വൈചാരികതയും ശാസ്ത്രബോധവും ദൈവവിചാരവും യുക്തിയും കുയുക്തിയും അയുക്തിയും തമ്മിൽ കെട്ടിമറിഞ്ഞ് ഉണ്ടാക്കുന്ന പ്രശ്ന‌ബാധിതപ്രദേശത്തേക്കുള്ള വായനക്കാരുടെ കടന്നുവരവോടെ എഴുത്താൾ അവിടെനിന്ന് അപ്രത്യക്ഷമാവുന്ന ഒരു എഴുത്തുവിദ്യയുടെ പലതരത്തിലുള്ള വഴികളിലൂടെയാണ് ഓരോ കഥയുടെയും സഞ്ചാരം.
-
MARANAPATHRAM
Original price was: ₹210.00.₹168.00Current price is: ₹168.00.ചെറുകാടിന്റെ നോവലുകൾ, നാടകങ്ങൾ മുതലായവയ്ക്കുള്ള ഒരു സവിശേഷത ഇതിനുമുണ്ട്. അദ്ദേഹത്തിൻ്റെ സ്വന്തം നാടായ വള്ളുവനാട്ടെ സാമൂഹ്യജീവിതമാണ് ഇതിലും പ്രതിഫലിച്ചിട്ടുള്ളത്. വള്ളുവനാടൻ സാമൂഹ്യജീവിതത്തിൻ്റെ കേന്ദ്രസ്‌ഥാനമായിരുന്ന നമ്പൂതിരിജന്മിത്വത്തിൻ്റെ ജീർണതയും തകർച്ചയുമാണ് ഇതിലദ്ദേഹം ചിത്രീകരിച്ചിട്ടുള്ളത്. ഇത്തരം സാമൂഹ്യനോവലുകളിൽ കല്‌പിത കഥകളും യഥാർഥകഥകളും കെട്ടുപിണഞ്ഞുകിടക്കുമല്ലോ. കല്പിതകഥാപാത്രങ്ങളും യഥാർഥത്തിൽ ജീവിച്ചിരുന്നിട്ടുള്ള മനുഷ്യരും തമ്മിൽ വേർതിരിച്ചറിയാൻ കഴിയാത്തത്ര സത്യസന്ധമാവലാണ് ഇത്തരം നോവലുകളുടെ മേന്മയ്ക്കടിസ്ഥാനം. ഇ.എം.എസ്. നമ്പൂതിരിപ്പാട്
-
SHREEMAD VALMIKIRAMAYANAM
Original price was: ₹1,500.00.₹1,200.00Current price is: ₹1,200.00.ശ്രീമദ് വാല്മീകി രാമായണം
-
ANTIGONE
Original price was: ₹90.00.₹72.00Current price is: ₹72.00.അധികാരത്തിനായുള്ള ഏറ്റുമുട്ടലിൽ സഹോദരങ്ങൾ മരിച്ചുവീണതിൻ്റെ ആഘാതത്തിലാണ് ആന്റിഗണി. അതിലെ ‘രാജ്യദ്രോഹി’യുടെ മൃതശരീരം ശവംതീനിപ്പക്ഷികൾക്കു തീറ്റയാക്കാനാണ് രാജവിളംബരം. ആൻ്റിഗണി ഈ ശാസനത്തെ വെല്ലുവിളിക്കുന്നു; ശിക്ഷ മരണമാണ് എന്നറിഞ്ഞുകൊണ്ടുതന്നെ. സ്വർഗീയനിയമങ്ങൾ മനുഷ്യരുണ്ടാക്കിയ നിയമങ്ങൾക്കും മേലെയാണ്, സഹോദരനെ മാന്യമായി സംസ്‌കരിക്കുക തന്റെ കർത്തവ്യമാണ് എന്നെല്ലാം വാദിച്ച അവൾ ജീവിതത്തിനും മരണത്തിനും ഇടയിലുള്ള ഒരു ശവക്കല്ലറയിൽ അടയ്ക്കപ്പെടുകയാണ്. ‘ദുർജ്ഞേയമായ ഇരുണ്ട തടാകത്തിൻ്റെ ദേവൻ,’ പുഷ്‌പകിരീടമോ ഗാനാലാപനമോ കൂടാതെ, ആ നവവധുവിനെ വരിക്കുന്നു. ദുർവാശിയും അന്ധനിയമവും ദുരന്തത്തിന്റെ കാഹളധ്വനികളാകുകയാണ് ഈ നാടകത്തിൽ.
-
OEDIPUS COLONUSIL
Original price was: ₹100.00.₹80.00Current price is: ₹80.00.അപരാധങ്ങളുടെ ചുഴിയിൽപ്പെട്ട് അന്ധത വരിച്ചവനായി, അപവാദങ്ങളുടെ കാറ്റിൽപ്പെട്ട് രാജ്യഭ്രഷ്ട‌നായി തീബ്സ് വിട്ടിറങ്ങുന്ന ഈഡിപ്പസ് രാജാവിനെ അനുയാത്രചെയ്യുകയാണ് ഇതിൽ നാടകകൃത്ത്. മകൾ ആൻ്റിഗണിക്കൊപ്പം, നിസ്സഹായനും നിരാശനുമായി ആ വൃദ്ധൻ തന്നെ കാത്തിരിക്കുന്ന അന്തിമവിധിയിലേക്ക് ഇടറുന്ന ചുവടുകളോടെ നടന്നടുക്കുന്നു. അറിയാതെ ചെയ്‌തുപോയ കഠിനപാപങ്ങൾക്കുള്ള പ്രായശ്ചിത്തമായിരുന്നു ആ ദുഃഖാർത്തയാത്ര; ജീർണശരീരത്തിൽ ദിവ്യമായ ഏതോ ചൈതന്യവും പേറിയുള്ള യാത്ര. ഒടുവിൽ, മേഘഗർജനങ്ങൾ നിത്യവിശ്രമസ്‌ഥാനത്തേക്ക് അദ്ദേഹത്തിന് അടയാളമേകുന്നു. വിധി ഒരുക്കിയ കെണികളുടെ എല്ലാ പീഡകളിൽനിന്നും മുക്തിയേകുന്ന മൃത്യുവിൻ്റെ മടിത്തട്ടിൽ അദ്ദേഹം സ്വസ്ഥ‌നായി തലചായ്ക്കുന്നു.
-
OEDIPUS RAJAVU
Original price was: ₹100.00.₹80.00Current price is: ₹80.00.ഗ്രീക്ക് സാഹിത്യത്തിലൂടെ ലോകനാടകവേദിക്കു കൈവന്ന അമൂല്യസമ്പത്താണ് ‘അറിയാതെ ജനനിയെപ്പരിണയിച്ചൊരു യവനതരുണന്റെ’ കഥ. അമ്മയ്ക്ക് ഭർത്താവും അച്ഛന് ഘാതകനുമാകുക എന്ന ക്രൂരനിയോഗം ഏറ്റുവാങ്ങേണ്ടിവന്ന ഒരു മനുഷ്യന്റെ അന്തമില്ലായാതനകളാണ് ഈ ദുരന്തനാടകം പറയുന്നത്. ഈഡിപ്പസ് രാജാവിന്റെ കഥയിലൂടെ, ദൈവകരത്തിൽ വെറും കളിപ്പാവയായിമാറുന്ന മനുഷ്യന്റെ നിർഭാഗ്യജാതകമാണ് സോഫോക്ലിസ് എഴുതിയത്. പിതാവിന്റെ നിണം ചിന്തിയതിന്റെയും മാതാവിനെ പരിഗ്രഹിച്ചതിന്റെയും അപരാധബോധം മിഴിവെളിച്ചം അണച്ചുകളഞ്ഞ ഒരു ശാപഗ്രസ്തന്റെ ജാതകം.
-
CHUNK BRO
Original price was: ₹120.00.₹96.00Current price is: ₹96.00.പേരിനൊപ്പമുള്ള തൂവൽ പോലെ മെല്ലെത്തഴുകിത്തുടങ്ങുന്നവയാണ് സിബിയുടെ കഥകൾ. പക്ഷേ ‘മുന്നോട്ടു പോകവേ, വൈകാരികതയിൽ നമ്മെ പൊതിയും. വേദനകൾ, ഉത്കണ്ഠ, ഉദ്വേഗം, വിരഹം’ … പലതരം അവസ്ഥകളിലൂടെ ചുറ്റിപ്പടർന്ന് ചുഴലിയിലെന്നതുപോലെ ഭൂമിയിൽ നിന്നുയർത്തി ഒടുവിൽ ഹൃദ്യമായ ഒരു അനുഭൂതിയിൽ താഴെ എത്തിക്കുകയും ചെയ്യുന്ന വ്യത്യസ്തമായ കഥാലോകമാണ് അദ്ദേഹത്തിന്റെത്.
– ജി. ആർ. ഇന്ദുഗോപൻ -
VAAKKU POOKKUMBOL
Original price was: ₹210.00.₹168.00Current price is: ₹168.00.വ്യാസവാല്മീകിമാർ, ബുദ്ധൻ, ലാവോത്‌സു, കബീർ, ടാഗോർ, തിച്ച് നാത് ഹാൻ, ടോൾസ്റ്റോയ്, മുല്ല നസ്റുദ്ദീൻ, കൃഷ്ണമൂർത്തി, ഓഷോ, സോഫോക്ലിസ്, എ.പി.ജെ. അബ്‌ദുൾ കലാം, പി.എൻ. ദാസ്, കുഞ്ഞുണ്ണിമാഷ്, ഷൗക്കത്ത് വരെയുള്ള ചിന്തകരുടെ, പ്രതിഭകളുടെ അതിജീവന ആഖ്യാനവഴികൾ കാവ്യാത്മകമായി, നൂലിൽ മണികളെന്നപോലെ കോർത്ത ഇത്തരം സമ്പുടങ്ങൾ നമ്മുടെ ഭാഷയിൽ ഏറെയില്ല. ഒരു കുടന്ന നിറയെ കഥ, വസ്‌തുതകൾ, ചരിത്രം, സംഭവങ്ങൾ, ഭൂതവും വർത്തമാനവും, സങ്കീർണമായ ആശയലോകം, ഒരു കഥ പറയാം എന്നു തുടങ്ങുന്ന അസാധാരണ ലാളിത്യവും… ഏതു ശിക്ഷയും ഞാൻ അനുഭവിക്കാം, ഈ പുസ്തകം വീണ്ടും വായിക്കണമെന്നു പറയാതിരുന്നാൽ മതി എന്നു പേടിപ്പെടുത്തുന്ന ചപ്പു ചവറുകൾക്കിടയിൽ, ഇതാ വേറിട്ട ഒരു ഗ്രന്ഥം, ‘വാക്ക് പൂക്കുമ്പോൾ.’ വി.ടി. വാസുദേവൻ
-
PUZHAMALAYALAM
Original price was: ₹100.00.₹80.00Current price is: ₹80.00.മനുഷ്യരുടെയും പ്രകൃതിയുടെയും ലോലഭാവങ്ങളുടെ വീണ്ടെടുപ്പുകളാണ് ഈ കവിതകൾ. ലയഭംഗി നിറഞ്ഞ ഈ കവിതകൾ വിദ്യാർഥികളുടെ മനോലോകത്തെ വിശാലവും കാവ്യാത്മകവുമാക്കുന്നു. മലയാളഭാഷയുടെ പദലയസമൃദ്ധമായ തെളിനീരാറ്റിലൂടെ ഒരു കാവ്യസഞ്ചാരം ഒരുക്കിയിരിക്കുകയാണിവിടെ.
-
LOKAM NADUNGIYA SAMBHAVANGAL
Original price was: ₹240.00.₹192.00Current price is: ₹192.00.മൃത്യുവിന്റെ വിഷപ്പുകയേറ്റ ഭോപ്പാൽ, അമേരിക്കയുടെ തലവര തിരുത്തിയ സെപ്‌തംബർ 11, മഞ്ഞുമല തുളച്ച ടൈറ്റാനിക്, കോടിക്കണക്കിനു മനുഷ്യരെ ഭൂമുഖത്തുനിന്നും തുടച്ചുനീക്കിയ പ്ലേഗ്, നരനൃശംസതയുടെ നഗ്നമുഖമായ നാസി കോൺസൻട്രേഷൻ ക്യാമ്പുകൾ… എത്ര തിരകൾ ആഞ്ഞടിച്ചാലും മായ്ക്കാനാകാതെ കാലം പാറയിൽ കൊത്തിവെച്ച കുറെ സംഭവങ്ങൾ… ലോകജനതയെ ആകമാനം നടുക്കിയ ആ സുപ്രധാനസംഭവങ്ങളുടെ വിശദവിവരണമാണ് ഈ പുസ്‌തകത്തിൽ. സംഭവിച്ചവയിൽനിന്ന് സംഭവിക്കാനിരിക്കുന്നവ മുൻകൂട്ടി കാണാനും ഒഴിവാക്കാനുമുള്ള പാഠമാണിത്.
-
DEVALOKAM
Original price was: ₹410.00.₹328.00Current price is: ₹328.00.ദേവലോകം അമ്പത്തിരണ്ടിനു ശേഷം അറുപത്തിനാലു വരെയുള്ള ഒരു വ്യാഴവട്ടത്തിന്റെ കഥയാവണമെന്നു വെച്ചാണ് എഴുതി തുടങ്ങിയത്. അതു തളർച്ചയുടേതായിരുന്നു. ആവേശം കൊള്ളിക്കത്തക്ക സമരങ്ങളൊന്നും ഇക്കാലത്തുണ്ടായതായി ഞാനോർക്കുന്നില്ല. സ്വാർഥലോലുപരായ നേതാക്കൾ പാർട്ടിയുടെ തലയിൽ കയറിനിന്ന്
ദേവലോകത്തേക്കു കുതിക്കുകയായിരുന്നു…
സാംസ്കാരികരംഗത്തുണ്ടായിരുന്ന ബുദ്ധിജീവികളിൽ നല്ലൊരു വിഭാഗം പാർലിമെന്റിൽ, രാജ്യസഭയിൽ, അസംബ്ലികളിൽ സാഹിത്യ സംഗീത നാടക ലളിതകലാ അക്കാദമികളിൽ,ഉദ്യോഗസ്ഥകസേരകളിൽ…
പാർട്ടിയുടെ ചലനങ്ങളും രൂപഭാവങ്ങളും വീക്ഷിച്ചു കൊണ്ട് പാർട്ടിയിൽത്തന്നെ ഉറച്ചുനിന്ന എനിക്ക് ഇവരെപ്പറ്റിയെല്ലാം പലതും പറയാനുണ്ട്.
ഓരോരുത്തനെപ്പറ്റി എഴുതിയാലും ഓരോ നോവലാകും. -ചെറുകാട് -
JALAMUDHRA
Original price was: ₹370.00.₹296.00Current price is: ₹296.00.കാടും കടലും അതിരിടുന്ന സിലറ്റ് കാസിൽ എന്ന രാവണൻ കോട്ടയിലേക്ക് പപ്പയുടെ നിർദേശപ്രകാരം എത്തിപ്പെടുന്ന സായി ലേയ എന്നീ രണ്ടു പെൺകുട്ടികൾ. നിഗൂഢതകൾ നിറഞ്ഞ ആ കോട്ടയുടെ രഹസ്യങ്ങൾ ഒന്നൊന്നായി ചുരുളഴിയുമ്പോൾത്തന്നെ അവരുടെ ജീവിതരഹസ്യങ്ങളും അവർക്കുമുന്നിൽ വെളിപ്പെട്ടുവരുന്നു. ഒപ്പം അവർക്കു രണ്ടു വയസ്സുള്ളപ്പോൾത്തന്നെ നഷ്ടപ്പെട്ട മാതൃസ്നേഹം അവിടെവച്ച് ജലമുദ്രയായി അവരിലേക്ക് ഒഴുകിയെത്തുന്നു. വായനയുടെ ഓരോ നിമിഷത്തിലും നമ്മെ വിസ്മയചകിതരാക്കുന്ന നോവൽ.
-
GEETHANJALI VOICE
Original price was: ₹390.00.₹312.00Current price is: ₹312.00.ശാസ്ത്രീയമനോഭാവവും സാമൂഹ്യപ്രതിബദ്ധതയുമുള്ള ഒരുകൂട്ടം വിദ്യാർഥികളുടെ ജീവിതയാത്ര മനോഹരമായ ആഖ്യാനത്തിലൂടെ അവതരിപ്പിക്കുന്നു. ഇന്നത്തെ കൗമാരത്തിന്റെ മനോഭാവങ്ങളിലേക്ക് ആഴത്തിൽ കടന്നുചെന്നുകൊണ്ട് അവരിലെ
സക്രിയമായ ഊർജത്തെ സാമൂഹോന്മുഖതയിലേക്ക് വളർത്തിക്കൊണ്ടുവരുന്നതെങ്ങനെയെന്ന് വിശദമാക്കുകയാണ് ‘ഗീതാഞ്ജലി വോയ്സ്
എന്ന യങ് അഡൽറ്റ് ഫിക്ഷൻ.
വിദ്യാർഥികളും അധ്യാപകരും രക്ഷിതാക്കളും വായിക്കേണ്ട നോവൽ. -
PITHRUTHARPPANAM
Original price was: ₹70.00.₹56.00Current price is: ₹56.00.പ്രത്യയശാസ്ത്രങ്ങളുടെ മരണമുഹൂർത്തങ്ങൾക്ക് ശ്രാദ്ധമൂട്ടിക്കൊണ്ട്, വിശ്വാസങ്ങളുടെ വൈകാരികകാലങ്ങൾക്ക് പിതൃതർപ്പണമേകിക്കൊണ്ട്, മാറിയ കാലത്തിൽ ഇനിയും ജീവിക്കാൻ കഴിയാതെ പോകുന്നവരുടെ ആഹുതിക്കു മുന്നിൽ അന്തിച്ചുനിൽക്കുന്ന പുതിയ തലമുറയുടെ സ്വഗതാഖ്യാനം.
-
HIND RAJAB: ORU KUNJUTHINKALAZHCHAYUDE JEEVACHARITHRAM
Original price was: ₹90.00.₹72.00Current price is: ₹72.00.ആറു ശവങ്ങളോടൊപ്പം ഒരു കാറിൽ മണിക്കൂറുകൾ കഴിച്ചുകൂട്ടിയ ഹിന്ദ് റജബ് എന്ന ആറുവയസ്സുകാരിയായ പാലസ്തീൻ പെൺകുട്ടിയുടെ കഥയാണിത്. പാലസ്തീനിൽ ഇസ്രായേൽ നടത്തിക്കൊണ്ടിരിക്കുന്ന മനുഷ്യത്വരഹിതമായ കൂട്ടക്കൊലയുടെ ഏറ്റവും ഭീതിദമായ സമീപകാല ചിത്രങ്ങളിലൊന്നാണ് ഹിന്ദ് റജബിന്റെ കഥ.
ആ കൊച്ചു പെൺകുട്ടി അനുഭവിച്ച സമാനതകളില്ലാത്ത പേടിയെ, വേദനയെ, ഒറ്റപ്പെടലിനെ പകർത്തുകയാണിവിടെ. അവളുടെ മരിക്കുന്നതിനു മുമ്പുള്ള കുറച്ചു മണിക്കുറുകളാണ് ഈ കുഞ്ഞുനോവൽ. -
MAZHAKKUTTY
Original price was: ₹100.00.₹80.00Current price is: ₹80.00.ആകാശദേവത വഴക്കുപറഞ്ഞതിന്റെ സങ്കടത്തിൽ ഒരിക്കൽ മേഘക്കൂട്ടിൽ കെറുവിച്ചിരിപ്പായി കുറുമ്പിയായ നമ്മുടെ മഴക്കുട്ടി.
ഭൂമിയാകെ ചുട്ടുപഴുക്കാനും തുടങ്ങി. അവളുടെ പിണക്കം അലിയിച്ചുകളയാൻ അടവുകൾ പലതും പലരും പയറ്റിയെങ്കിലും ഒന്നുമൊന്നും ഫലിച്ചില്ല. മഴക്കുട്ടിയെ വീണ്ടും പഴയ മിടുക്കിക്കുട്ടിയാക്കാൻ ഒടുവിൽ മേഘമുത്തശ്ശി ഒരു ഉപായം കണ്ടെത്തി…ആലിപ്പഴത്തണുപ്പുപോലെ കുഞ്ഞുമനസ്സുകളിലേക്കു കിനിഞ്ഞിറങ്ങുന്ന ഒരു കഥ.
-
ATHREDAM
Original price was: ₹140.00.₹112.00Current price is: ₹112.00.“മകനെ രാജാ… നിന്നെ വല്യമ്മാമ വിളിക്ക്ണു. ഒന്നുവാ കുട്ടാ… വല്യമ്മാമെ ഒന്ന് അത്രേടം ആക്കി കൊടുക്ക്, പാവോല്ലെ വല്യമ്മാമ…”
അകത്തും പുറത്തും പച്ചപ്പു തഴച്ച മനുഷ്യരും പരിസരങ്ങളുമുള്ള ഒരു നഷ്ടകാലത്തിന്റെ
നാട്ടിടവഴികളിലൂടെ അത്രേടം വരെ പോയിവരുന്ന രണ്ടു നോവലെറ്റുകൾ. കഥയുടെ ചെറുവിരൽത്തുമ്പിൽ തൂങ്ങി പാടവും പറമ്പും പിന്നിട്ട് നമ്മൾ നമ്മിലേക്കുതന്നെ തിരിച്ചെത്തുന്ന ആർദ്രമായ ഒരു ഓർമക്കാലത്തിന്റെ ചെമ്മൺപാതകൾ. -
PUNCHIRIPPUZHAYILE VELLAARAMKALLUKAL
Original price was: ₹90.00.₹72.00Current price is: ₹72.00.ശാസ്ത്രം വിശ്വാസമല്ല. സത്യമാണ്. ശാസ്ത്രവെളിച്ചത്തിലൂടെ കുട്ടികളെ കൈപിടിച്ചു നടത്തുന്ന കുഞ്ഞുനോവലാണ് കെ. മണികണ്ഠൻ എഴുതിയ പുഞ്ചിരിപ്പുഴയിലെ വെള്ളാരങ്കല്ലുകൾ’. അപ്പുവും വിഷ്ണുവുമാണ് ഈ കൃതിയിലെ പ്രധാന കഥാപാത്രങ്ങൾ; നിരന്തരം ചോദ്യങ്ങൾ ചോദിക്കുന്ന രണ്ടു കുട്ടികൾ. ലാളിത്യമാർന്ന, കൗതുകകരമായ, പരിസരപഠനം കൂടിയാണ് ഈ പുസ്തകം. നമ്മൾ നേടിയ പുരോഗതിയുടെ മിടിപ്പ് ശാസ്ത്രത്തിന്റേതാണ്. ശാസ്ത്രബോധം സാമൂഹിക ബോധമായി, സംസ്കാരമായി പരിണമിക്കുന്നതിന്റെ ആനന്ദമാണ് ഈ ബാലസാഹിത്യകൃതി. -രാമകൃഷ്ണൻ കുമരനല്ലൂർ
ഉറ്റചങ്ങാതിമാരായ അപ്പുവിന്റെയും വിഷ്ണുവിന്റെയും ചുറ്റുവട്ടയാത്രകളും പരിസരക്കാഴ്ചകളുമായി ഒരു കുഞ്ഞുനോവൽ.
-
MANASSINTE NIRANGAL
Original price was: ₹150.00.₹120.00Current price is: ₹120.00.കുട്ടികളെ മനസ്സിലാക്കാൻ വഴികാട്ടുന്ന ആഴമുള്ള ഒരു പുസ്തകമാണിത്. പഠനവിജയത്തിനപ്പുറം; വികാരബോധം, ആത്മനിയന്ത്രണം, സഹാനുഭൂതി, ബന്ധങ്ങൾ എന്നിവ വളർത്താനുള്ള സമഗ്രമാർഗങ്ങൾ ഇതിൽ അവതരിപ്പിക്കുന്നു. കുടുംബം, കൂട്ടുകാർ, അധ്യാപകർ – എല്ലാവരുടെയും പങ്ക് മനഃശാസ്ത്രപരമായി വിശകലനം ചെയ്ത്, ഇന്നത്തെ കുട്ടികൾ നേരിടുന്ന പ്രശ്‌നങ്ങൾക്ക് പ്രായോഗിക പരിഹാരങ്ങളും ഈ പുസ്തകം നിർദേശിക്കുന്നു. ക്ലാസ്മുറികളെ ജീവിതപാഠങ്ങളുടെ കേന്ദ്രമാക്കാനും, കുട്ടികളെ മാർക്കുകൾക്കപ്പുറം നല്ല മനസ്സുള്ള മനുഷ്യരാക്കാനും ആഗ്രഹിക്കുന്ന ഓരോരുത്തർക്കും ഈ പുസ്തകം ഒരു പ്രചോദനമായിരിക്കും.
-
MANNINTE MARIL
Original price was: ₹230.00.₹184.00Current price is: ₹184.00.സ: ചെറുകാടെഴുതിയ “മണ്ണിന്റെ മാറിൽ’ എന്ന ഈ കൊച്ചുനോവൽ മലയാളസാഹിത്യകാരന്മാരുടെ സവിശേഷ ശ്രദ്ധയ്ക്കും ഹൃദയപൂർവമായ ആസ്വാദനത്തിനും, ഒരുപക്ഷെ, നിശിതമായ വിമർശനത്തിനും വിധേയമാവുമെന്നതിനു സംശയമില്ല. എന്തുകൊണ്ടെന്നാൽ, നമ്മുടെ നോവലുകളിൽ സാധാരണ കാണാറില്ലാത്ത അപൂർവം ചില നോവൽ കർത്താക്കന്മാർ മാത്രം സ്വീകരിച്ചിട്ടുള്ള ഒരു സാമൂഹ്യയാഥാർഥ്യമാണ്, മേലേപ്പുറത്തു നായർ വീട്ടുകാരും കരിമ്പനക്കൽ കുടുംബക്കാരും തമ്മിലുള്ള ജന്മികുടിയാൻ ബന്ധത്തിലൂടെ സ: ചെറുകാട് വിവരിച്ചിട്ടുള്ളത്.
– ഇ.എം.എസ്. നമ്പൂതിരിപ്പാട്
-
VIEWMASTER
Original price was: ₹250.00.₹200.00Current price is: ₹200.00.വ്യൂമാസ്റ്റർ -ഇതിലെ ചിത്രദർശിനിക്കുഴലിന്റെ ഇത്തിരിവട്ടത്തിലേക്ക് മിഴി ചേർക്കുമ്പോൾ സുഖദമായ കുറെ ഓർമച്ചിത്രങ്ങൾക്ക് ഉള്ളിൽ വലുപ്പമേറുന്നു; ഗുൽമോഹർ പൂക്കൾ ഇതളൂർന്ന് അരികെ പൊഴിയുന്നു; ഹൃദയത്തെയാകെ മകരമഞ്ഞ് പൊതിയുന്നു. മറവിയുടെ മഷിത്തണ്ടിനു മായ്ക്കുവാനാകാത്ത ഹൃദയാക്ഷരങ്ങളാൽ ആർദ്രമായ ഒരു പ്രണയകാവ്യം.
-
LITTLE RHYMES, BIG SMILES
Original price was: ₹100.00.₹80.00Current price is: ₹80.00.M. Abdul Salam’s anthology of fifty-four poems is a master work of children’s verse. The poems are brief, beautiful and strong, designed to evoke curiosity and amusement in children. They make everyday things feel magical and enjoyable.
The poems are easy to read and bring joy, curiosity and laughter. They also gently teach values like kind- ness, sharing and caring.
A work that will surely bring smiles on the faces of little readers.
-K. Jayakumar I.A.S.
-
The Paths of Virtue : The Clever Goats and Other Stories
Original price was: ₹100.00.₹80.00Current price is: ₹80.00.My book is a collection of six engaging stories written especially for children. Each story carries a meaningful message. Most of the stories reflect the lessons children learn at school, helping them understand values such as kindness, honesty, responsibility and respect. These lessons will guide young readers to lead virtuous lives and grow into compassionate individuals who can contribute positively to the world. I hope this book will provide children with an enjoyable and enriching learning experience, inspiring them to think, feel and act with empathy and wisdom.
-
DEVIMAHATMYAM
Original price was: ₹120.00.₹96.00Current price is: ₹96.00.മഹാമായയുടെ – പരാശക്തിയുടെ – അപദാനങ്ങളാണ് “ദേവീമാഹാത്മ്യം’ എന്ന മന്ത്രഗ്രന്ഥത്തിന്റെ ഉള്ളടക്കം. സാത്വിക, രാജസിക, താമസിക പ്രഭാവങ്ങളോടെ വിള ങ്ങുന്ന ദേവിയുടെ അവതാരങ്ങളുടെ മഹച്ചരിതം. മാർക്ക യപുരാണത്തിന്റെ ഭാഗമായ, ദുർഗാസപ്തശതി എന്നും “ചി സപ്തശതി’ എന്നും അറിയപ്പെടുന്ന ഈ ഭജനകീർത്തനം ഭക്തർക്കേകുന്ന ഫലസിദ്ധികൾ വർണനാതീതമാണ്. ഐശ്വര്യം, ഉദ്ദിഷ്ടകാര്യലാഭം, ആപത്തുകളുടെ നാശം, ആത്മസാക്ഷാത്കാരം തുടങ്ങിയ ഗുണാനുഭവങ്ങളിലേക്കാണ് ദേവിയുടെ വരപ്രസാദം വാതിൽ തുറക്കുന്നത്.
വ്യാഖ്യാനം: ഉമാദേവി എ.ജി.
-
11 LOKA PRESASTHA CHERUKATHAKAL
Original price was: ₹180.00.₹144.00Current price is: ₹144.00.ലോക ചെറുകഥാസാഹിത്യത്തിലെ അതുല്യപ്രതിഭകളായ പതിനൊന്ന് എഴുത്തുകാരുടെ പ്രശസ്തങ്ങളായ പതിനൊന്നു കഥകളുടെ സമാഹാരം. ആഖ്യാനത്തിലും ആവിഷ്കാരത്തിലും പ്രമേയത്തിലും വ്യത്യസ്തത പുലർത്തുകയും നിസ്തുലമായ ഭാവാന്തരീക്ഷം സൃഷ്ടിക്കുകയും ചെയ്യുന്ന ഈ ചെറുകഥകൾ കഥാസാഹിത്യത്തിന്റെതന്നെ അളവുകോലുകളാണ്.
-
ISHAN 7B
Original price was: ₹250.00.₹200.00Current price is: ₹200.00.പൊണ്ണത്തടിയൻ, ഉണ്ടപ്പക്രു, തക്കിടി മുണ്ടൻ… ഇഷാന് പലതുണ്ട് വിളിപ്പേരുകൾ. പരീക്ഷക്കു കോപ്പിയടിച്ചും ബാസ്ക്കറ്റ് ബോളുകൾ ‘കിൽ’ ചെയ്തും, ഫ്ളാറ്റിൽ, സെക്യൂരിറ്റി ക്യാബിനിൽ ഗുണ്ടുസ്ഫോടനം നടത്തിയും ഒക്കെ അവന്റെ ദിവസങ്ങൾ “സമാധാനപരമായി’ നീങ്ങുമ്പോൾ ആയിരുന്നു ആ അന്ത്യശാസനം: മിഡ്ടേം എക്സാമിൽ തോറ്റാൽ സ്കൂളിനു പുറത്ത്! ‘കടുവ’ പ്രിൻസിപ്പലിന്റെ ‘ലാസ്റ്റ് ചാൻസ്’ മുരൾച്ചയിൽ വിരണ്ടുപോയ ഇഷാന് അവിചാരിതമായി ഒരു കൂട്ടു കിട്ടി – ബിലിമ്പി! പ്രകാശവർഷങ്ങൾക്കപ്പുറത്തുനിന്നാണ് ബിലിമ്പിയുടെ വരവ്; ഭൂമിയിൽ ആർക്കും അറിയാത്ത ഒരു രഹസ്യം കൈമാറുവാനായി. പരീക്ഷാപേപ്പറിലെ ആനമുട്ടയിൽനിന്നു മാത്രമാകില്ല ഇഷാനെ ആ രഹസ്യം രക്ഷിക്കുക…
വിസ്മയങ്ങളുടെ ഗാലക്സിയിലേക്ക്, നിഗൂഢതകളുടെ താരാപഥത്തിലേക്ക് ഒരു ആകാശപേടകയാത്രയാണ് ഈ നോവൽ.
-
PARAVAKAL NAKSHATHRANGAL
Original price was: ₹120.00.₹96.00Current price is: ₹96.00.പി. സുരേന്ദ്രൻ എന്ന മലയാളത്തിലെ പ്രിയങ്കരനായ എഴുത്തുകാരന്റെ സർഗാത്മകതയ്ക്കകത്ത് ബഡവാഗ്നിയായെരിയുന്നത് ബൗദ്ധമായ ഉൾക്കാഴ്ചയാണ്. ഈ പുസ്തകത്തിലുള്ളത് കൊച്ചു കൊച്ചു കഥകളാണ്. അധികവും ബുദ്ധകഥകളുമായി ബന്ധപ്പെട്ടവ. എന്നാൽ അത്തരം കഥകളുടെ കേവലമായ ആവർത്തനങ്ങളല്ല. കഥ നിന്നിടത്തുനിന്ന് സുരേന്ദ്രന്റെ ഭാവന പിന്നെയും സഞ്ചരിക്കുന്നു. ബോധിവൃക്ഷം പോലെ കഥകൾ ശാഖോപശാഖകളായി പടരുകയാണ്. കണ്ടതിൽനിന്ന് കാണേണ്ടതിലേക്കുള്ള സൂക്ഷ്മസഞ്ചാരങ്ങൾ.
-
KADHAANI: KARUTHA DAIVATHINTE RAHASYAM
Original price was: ₹160.00.₹128.00Current price is: ₹128.00.“കദാനി’യെന്നാൽ, ഗോത്രഭാഷയിൽ, വെളുത്ത നിറമുള്ളവൾ.’ കറുത്തവരുടെ ഇടയിൽ തൊലിവെളുപ്പോടെ പിറന്നവൾ. ആ നിറത്തിന്റെ പേരിൽ, കുലം മുടിക്കാൻ ഉണ്ടായവൾ’ എന്ന ചാപ്പ അവൾക്കുമേൽ പതിയുന്നു, ഗോത്രസഭയാൽ നാടുകടത്തപ്പെടുന്നു. ആകാശച്ചെരിവിൽ വാഴുന്ന ആ കറുത്ത ദൈവത്തെ തേടിപ്പോകുവാൻ തന്നെ അവൾ ഉറച്ചു. എക്കോൺ കരടിയും ജെബാരി കരിമ്പുലിയും ആയിരുന്നു കൂട്ടാളികൾ. “ജനങ്ങളുടെയും മൃഗങ്ങളുടെയും ശത്രുവാണോ മിത്രമാണോ ദൈവം?” എന്ന, ഉള്ളിന്റെ ഉള്ളിലെ ചോദ്യത്തിന് ശരിയുത്തരം തേടുകയാണ് കദാനി.
-
ENGLISH, MATHS, HINDI, EVS WORKBOOKS OF STANDARD 5
Original price was: ₹560.00.₹448.00Current price is: ₹448.00. -
ENGLISH, MATHS, HINDI, EVS WORKBOOKS OF STANDARD 4
Original price was: ₹560.00.₹448.00Current price is: ₹448.00. -
BHARATDARSHAN YATHRA
Original price was: ₹180.00.₹144.00Current price is: ₹144.00.ഒരു സ്പെഷ്യൽ ട്രെയിനിലെ അഞ്ഞൂറോളം വരുന്ന യാത്രക്കാർ, പതിനാലു ദിവസം ഒന്നിച്ചുണ്ടുറങ്ങി, സുഖദുഃഖങ്ങൾ പങ്കിട്ട്, അന്നോളം അവർക്ക് അജ്ഞാതമായിരുന്ന കുറെ സ്മാരകങ്ങൾ സന്ദർശിച്ചതിന്റെ അനുഭവങ്ങൾക്കു മേലെയാണ് ഈ പുസ്തകത്തിന്റെ ഉരുക്കുചക്രങ്ങൾ പായുന്നത്. നമ്മുടെ പൈതൃകമഹിമ ചൂളംവിളിച്ച് ഈ തീവണ്ടി ഭാരതത്തിന്റെ തെക്കും വടക്കും ഓടുന്നു. തമിഴ്നാട്, കർണാടക, ആന്ധ്ര, മഹാരാഷ്ട്ര, ഒഡിഷ, ബംഗാൾ അടക്കമുള്ള സംസ്ഥാനങ്ങളുടെ ചരിത്ര-സംസ്കാര-ജീവിതചിത്രങ്ങൾ ഇതിൽ ജാലകക്കാഴ്ചകളാകുന്നു. മണ്ണിൽ ചുവടുകൾ പതിഞ്ഞ ഇടങ്ങൾ മാത്രമല്ല, മനസ്സിൽ മുദ്രകൾ പതിച്ച മനുഷ്യർ കൂടി ഈ സഞ്ചാരത്തെ അവിസ്മരണീയമാക്കുന്നു.
-
SEERU
Original price was: ₹350.00.₹280.00Current price is: ₹280.00.കാട്ടുതേനിന്റെ ഇനിപ്പോ, കാട്ടുചോലയുടെ തണുവോ, കാട്ടുപൂവിന്റെ ചന്തമോ ഈ നോവൽത്താളുകൾക്കില്ല – കാട്ടുകൊമ്പന്റെ കണ്ണിലേക്ക് കവണക്കല്ലെറിയുന്നവന്റെ ശൗര്യമാണുള്ളത്. അട്ടപ്പാടി പശ്ചാത്തലമാക്കി ഗോത്ര ജീവിതത്തിന്റെ അടിയടരുകൾ വരെ ഉൽഖനനം ചെയ്യുകയാണ് ഇവിടെ നോവലിസ്റ്റ്. ഒരു പുകയിലത്തുണ്ടിനായി അഭിമാനം വിൽക്കുന്നവർ, ഊരുടയോന്മാർക്കു മുന്നിൽ മടിക്കുത്തഴിക്കുന്നവർ, മലദൈവങ്ങളുടെ പേരിൽപ്പോലും തമ്മിലടിക്കുന്നവർ, ചൂഷണങ്ങളോടു പൊരുതി മണ്ണട്ടികൾക്കുള്ളിലാകുന്നവർ… കാളച്ചന്തയിലെ കൈമാറ്റക്കയറിന്റെ വിലപോലുമില്ല ആദിവാസികൾക്ക്, ചോദിക്കാനും പറയാനും ആരുമില്ലാത്ത മനുഷ്യകീടങ്ങൾ. എന്നാൽ ഒരു നാൾ, കോട പുതച്ച ആ അടിക്കാടുകളിൽ പ്രതിഷേധത്തീ ആളിത്തുടങ്ങുന്നു; “ഈ പൂമി നമത് പൂമി” എന്ന പാട്ട് ഉയർന്നുതുടങ്ങുന്നു – ഉയിർപ്പിന്റെ പാട്ട്.
-
-
ANAMARAM
Original price was: ₹120.00.₹96.00Current price is: ₹96.00.കുരുന്നു ഹൃദയങ്ങളിൽ ആനന്ദത്തിന്റെ കുഞ്ഞോളങ്ങൾ സൃഷ്ടിച്ച്, അതിൽ ജീവിതമൂല്യങ്ങളുടെ കടലാസുതോണികൾ ഒഴുക്കിവിടുകയാണ് ഈ നുറുങ്ങു കവിതകൾ, ഓർമയിൽ മണിമുത്തുകളായി സൂക്ഷിക്കേണ്ട ഈ രചനകളുടെ ‘ഓരോ പദത്തിലും ഉല്ലാസത്തിന്റെ ശാദീപ്തി നിറയുന്നു എന്ന് അവതാരികയിൽ തുളസി കോട്ടക്കൽ എഴുതുന്നു. “വയ്യ’ എന്ന വയ്യാവേലിയും, മടിക്കു മരുന്നാകുന്ന അടിയും ഒക്കെ ഇവിടെ കയ്പും മധുരവും ഒരുപോലെ രുചിക്കുവാനാകുന്ന നെല്ലിക്ക കളാകുന്നു, എങ്ങുമൊരല്പം തണലില്ലാതെ ഭൂമി ഒരു മരുഭൂമിയായി മാറുന്നതിലുള്ള ആശങ്കയാണ്. പുസ്തകത്തിനു ശീർഷകമേകിയ ‘ആനമരം’ എന്ന കവിതയിൽ.
-
THE CHAINED ELEPHANT
Original price was: ₹330.00.₹264.00Current price is: ₹264.00.This is the story of a princely kingdom on Lotus Island. A port country where foreigners come for trades. It unfolds the interplay of the British Company gradually acquiring land and rule by influencing and deceiving the King. A story of chained country.
-
PRARTHANAYODE PUNYABHOOMIYILEKKU
Original price was: ₹240.00.₹192.00Current price is: ₹192.00.യാത്ര എന്നും ഏത് അർഥത്തിലും ഒരു മനം തുറക്കലാണ്. സ്വന്തം മനസ്സിന്റെ ധാരണകളെ, വിശ്വാസങ്ങളെ, പ്രതീക്ഷകളെ യാത്രകൾ അപ്പാടെ മാറ്റിമറിച്ചെന്നുവരും. നേരിടേണ്ടിവരുന്ന പ്രതിസന്ധികളുടെ ഗരിമയ്ക്കു മുന്നിൽ സ്വന്തം നിസ്സാരതയും അപ്രാധാന്യവും അസാംഗത്യവും ഇടിമിന്നലിന്റെ ദീപ്തിയോടെ ബുദ്ധിയിൽ പൊടുന്നനെ തെളിഞ്ഞെന്നുവരും. നാം നമ്മെത്തന്നെ ശുദ്ധീകരിക്കാൻ നിർബന്ധിതരാകുന്ന നിമിഷങ്ങളാണ് അവ. അതുവരെ നമുക്കുതന്നെ തിരിച്ചറിയാതിരുന്ന നമ്മളെ ഒരു പക്ഷേ, സന്തോഷത്തോടെ, അല്ലെങ്കിൽ ജാള്യതയോടെ, നാം കണ്ടെത്തിയെന്നുവരും. ഈ പുസ്തകം പലപ്പോഴും എന്നെക്കൊണ്ട് ചിന്തിപ്പിച്ചത് ഇതൊക്കെയായിരുന്നു.
– അവതാരികയിൽ മാനസി
കൈലാസപുണ്യം തേടിയുള്ള ഒരു സഞ്ചാരത്തിന്റെ വിവരണം. ആപത്ഘട്ടങ്ങളെ സഹയാത്രികരാക്കി, മലകൾ താണ്ടി, നദികൾ കടന്ന്, നടന്നും കുതിരപ്പുറത്തേറിയുമുള്ള പ്രയാണം, ഈശ്വരാനുഗ്രഹമാണ് ലക്ഷ്യവും മാർഗവും. മാനസസരോവർ യാത്രയും കൈലാസപരിക്രമണവും പകർന്ന ദിവ്യാനുഭൂതി ഇവിടെ അത്ഭുതാദരങ്ങളോടെ പകർത്തിയെഴുതപ്പെടുന്നു.
-
PANINEERCHEDIYUDE SANKADAM
Original price was: ₹100.00.₹80.00Current price is: ₹80.00.സുന്ദരിയായ പനിനീർച്ചെടിയുടെ ദേഹത്തെ മുള്ളുകളുടെ രഹസ്യം എന്താണ്? മഹാവീരനായ കർണൻ കുരുക്ഷേത്രയുദ്ധത്തിൽ പരാജയപ്പെടാനുള്ള കാരണം എന്താണ്? മഹാറാണാ പ്രതാപിനെ ചേതക് എന്ന കുതിര മരണമുഖത്തുനിന്നു രക്ഷിച്ചത് എങ്ങനെയാണ്? പ്രകൃതിസംഗീതത്തിനു കാതോർത്ത, ലോകകവിയായി വളർന്ന ബാലൻ ആരാണ്? വിന്ധ്യ പർവതത്തിന്റെ അഹങ്കാരം അടക്കിയ മുനിയെ അറിയുമോ?
മുത്തശ്ശിക്കഥകളും പുരാണകഥകളും ചരിത്രകഥകളും നാടോടിക്കഥകളും ഐതിഹ്യകഥകളും ഫലിതകഥകളും ഒക്കെ കൈവഴികളായി ചേരുന്നു ഈ സാഗരത്തിൽ. കുട്ടികളിൽ ഈ നൽവാക്കുകൾ നൽവരങ്ങളായി തീരും, അവരിൽ നന്മയുടെ സൂര്യകിരണ ങ്ങളായി എന്നുമെന്നും തിളങ്ങും, അവരുടെ ഭാവനയെ ചക്രവാളസീമകൾക്കുമപ്പുറത്തേക്ക് വികസിപ്പിക്കും.
-
THE TAMARIND TREE AND THE LAST BUS
Original price was: ₹250.00.₹200.00Current price is: ₹200.00.A collection of heartwarming stories about love, loss, and the quiet magic of ordinary lives.
Some memories stay with us-like an old roadside tamarind tree that shelters weary travellers, or a visit to a remote hillside village where humble lives unfold, untouched by thoughts of a world beyond. They linger in the mind, like a soft, soulful melody.
In this collection, you will meet
– A grandson saying goodbye to a grandfather who no longer remembers him.
– A tamarind tree losing its glory to the march of urbanization.
– A young man piecing together his dead father’s forgotten past through a silverfish-eaten photograph.
– A tribal boy waiting for the day his father will return from beyond the hills to give him a name… and many more unforgettable characters.
These stories are steeped in nostalgia. They invite you to pause, linger a little, and walk with the author into a world where life was simple, tender – and yet, sometimes harsh.
-
ANNARAKKANNANUM THANNALAYATHU
Original price was: ₹100.00.₹80.00Current price is: ₹80.00.നുണഞ്ഞാലും നുണഞ്ഞാലും തീരാത്ത മധുരം പോലെ ഓർമയിൽ എന്നുമെന്നും ഊറുന്ന ആറു കുട്ടിക്കഥകളുടെ സമാഹാരം. മനസ്സിന്റെ കുഞ്ഞളുക്കിൽ മഞ്ചാടിമണികൾ പോലെ സൂക്ഷിക്കേണ്ടവ. മാന്ത്രികക്കുടുക്കയിലെ ഭൂതത്തെ മോചിപ്പിച്ച കുട്ടിമാളുവിനും, മുയൽക്കുട്ടനെ കാടുകടത്തുന്നതിനുള്ള ബുദ്ധിയുപദേശിച്ച ആമച്ചാർക്കും, ആരുടേയും സഹായത്തിനെത്തുന്ന ഇത്തിരിപ്പോന്ന അണ്ണാറക്കണ്ണനും, കോഴിയമ്മ അടയിരുന്നു വിരിയിച്ച പരുന്തിൻ കുഞ്ഞിനുമെല്ലാം കൊച്ചുകൂട്ടുകാർക്കു നല്കുവാൻ മാറ്റേറുന്ന ചില പാഠങ്ങളുണ്ട്. ഉള്ളിനുള്ളിലെ പ്ലേറ്റിൽ സ്നേഹവിരലുകൾ കൊണ്ട് എഴുതിപ്പഠിക്കേണ്ടവയാണ് ഈ പാഠങ്ങൾ.
