-
-20%
Devatheertham
Original price was: ₹180.00.₹144.00Current price is: ₹144.00.ദാരിദ്ര്യത്തോടുള്ള പോരാട്ടമായിരുന്നു ബാല്യംമുതൽ ഗംഗാധരന്റെ ജീവിതം. എങ്ങനേയും പണമുണ്ടാക്കുക, സമൂഹത്തിൽ നിലയും വിലയുമുള്ളവനാകുക എന്ന ലക്ഷ്യമായിരുന്നു. മുന്നോട്ടുള്ള യാത്രയിൽ അയാളുടെ ഇന്ധനം. എന്നാൽ, അറിഞ്ഞോ അറിയാതെയോ, ഗംഗാധരൻ ചിലതെല്ലാം മറന്നുപോയി – കുടുംബത്തോടുള്ള സ്നേഹം, മകനോടുള്ള കരുതൽ. ഈ പഴുതിലൂടെ ആയിരുന്നു “കൂട്ടുകാരൻ’ എന്ന വിലാസത്തിൽ ശേഖരന്റെ കടന്നുകയറ്റം. ഗംഗാധരന്റെ കുടുംബത്തിന്റെ, സമ്പാദ്യത്തിന്റെ വേരറുക്കുന്നതിലേക്കാണ് അതു വഴിതെളിച്ചത്. ഒടുവിൽ, മരണപ്പെട്ടുവെന്നു വിശ്വസിച്ചിരുന്ന മകന്റെ തിരിച്ചുവരവ് ആ കുടുംബത്തിന്റെ വീണ്ടെടുപ്പായി മാറുന്നിടത്ത് ഈ നോവലിന്റെ ഗതി മാറുന്നു.
-
-20%
KENYAN KATHAKAL
Original price was: ₹180.00.₹144.00Current price is: ₹144.00.കെനിയൻ ഭൂമിയിൽ വേരാഴ്ത്തിയ ഒരു വൃക്ഷത്തിൻ്റെ ശിഖരത്തിൽ വിരിഞ്ഞ മനോഹരമായ പൂക്കൾപോലെയാണ് ഈ കഥകൾ. ‘ഇരുണ്ട ഭൂഖണ്ഡ‌ം’ എന്ന കുറ്റപ്പേര് ചാർത്തിക്കിട്ടിയ ഒരു ദേശത്തിന്റെ ഭാഗമായിരുന്ന ഈ ജനത ഇവിടെ അവരുടെ നാടോടിക്കഥകളും ഗോത്രസംസ്‌കാരവും ആചാരക്രമങ്ങളും ജീവിതരീതികളും ജ്ഞാനസംഹിതകളും തനതുകലകളും എല്ലാമെല്ലാംകൊണ്ടു സൃഷ്ട‌ിക്കുന്നത് വെളിച്ചത്തുരുത്തുകളാണ്. സമുദ്രംപോലെ സമ്പന്നമായ ശബ്‌ദങ്ങളുടെ മിശ്രിതമായ ഒരു ഭാഷയിൽ ഈ കഥകൾ വായനക്കാരനോടു സംസാരിക്കുന്നു. ‘അവസാനകഥയും വായിച്ചു തീർക്കുമ്പോൾ കെനിയ എന്ന രാജ്യത്തിലൂടെ ചുറ്റിസഞ്ചരിച്ച പ്രതീതി’ എന്ന് അവതാരികയിൽ ഡോ. ടി.എസ്. ജോയ് സാക്ഷ്യപ്പെടുത്തുന്നു.
-
-20%
SACHETHANAM NAMMUDE BHARANAGHADANA: ORU SAMKSHIPTHA AAMUKHAVUM VYAKYANAVUM
Original price was: ₹199.00.₹159.00Current price is: ₹159.00.ഇന്ന് വലിയ ചർച്ചാവിഷയമായിരിക്കുമ്പോഴും ഇത്രയേറെ പ്രാധാന്യവും മൂല്യവുമുള്ള ‘ഭരണഘടന’ നേരിടുന്ന വിവാദങ്ങളെയും വെല്ലുവിളികളെയുംകുറിച്ച് പലർക്കും വ്യക്തമായ ധാരണയില്ല. ഭരണഘടനയെക്കുറിച്ച് അനേകം പഠനങ്ങളും വ്യാഖ്യാനങ്ങളു മുണ്ടെണ്ടങ്കിലും വിവേകികളായ സാധാരണ വായന ക്കാർക്ക് അതിന്റെ ഉള്ളടക്കം, ചരിത്രം, അതുല്യ മായ മഹത്ത്വം എന്നിവ മനസ്സിലാക്കാൻ സഹായി ക്കുന്ന ഗ്രന്ഥങ്ങൾ വിരളമാണ്. ആ കുറവാണ് ‘സചേതനം നമ്മുടെ ഭരണഘടന’ പരിഹരിക്കുന്നത്. തന്റെ രചനകളുടെ മുഖമുദ്രകളായ സൂക്ഷ്മമായ പാണ്ഡിത്യം, യുക്തിഭദ്രമായ വാദമുഖങ്ങൾ, സുഗമമായ ഗദ്യശൈലി എന്നിവ സമന്വയിപ്പിച്ച് ലോകത്തിലെ ഏറ്റവും ദീർഘമായ ലിഖിത ഭരണഘടനയെക്കുറിച്ച് ആകർഷകമായ ഒരു ആഖ്യാനമാണ് ബെസ്റ്റ് സെല്ലിങ് എഴുത്തുകാരനും പ്രമുഖ ചിന്തകനുമായ ശശി തരൂർ വായനക്കാർക്കു സമർപ്പിക്കുന്നത്. -
-20%
ENTE GERMAN YATHRA
Original price was: ₹200.00.₹160.00Current price is: ₹160.00.ജർമനിയിൽപ്പോയി മടങ്ങിവന്നൊരു സുഹൃത്ത് തന്റെ അനുഭവങ്ങൾ നമ്മളോട് പറയുന്നതുപോലെ വായിച്ചുപോകാവുന്ന ഈ പുസ്തകത്തെ മികച്ചതാക്കുന്നത് എഴുത്തുകാരനിലെ പ്രഗത്ഭനായ ചരിത്രാധ്യാപകനാണ്. ഒരു പ്രദേശത്തിന്റെ ജിയോഗ്രഫിക്കൽ സ്പേസിലേക്കും ഹിസ്റ്റോറിക്കൽ സ്പേസിലേക്കും ജോർജ് ഒരേസമയം യാത്രചെയ്യുകയാണ്. ജർമനിയിലേക്കു പോകുന്നവർക്ക് ഒരു കൈപ്പുസ്തകമായി ഇത് ഉപയോഗിക്കാവുന്നതാണ്.
-
-20%
THOTTAVARUDE PUSTHAKAM
Original price was: ₹200.00.₹160.00Current price is: ₹160.00.ഞാൻ രാത്രി കുത്തിയിരുന്നു പഠിക്കുമ്പോൾ അമ്മ തൊട്ടപ്പുറത്ത് ഇരിക്കും. അമ്മയ്ക്ക് ഒന്നും പറഞ്ഞുതരാൻ അറിയില്ല. പക്ഷെ അമ്മ വിശ്വസിച്ചിരുന്നു, എനിക്ക് ഒരു ദിവസം ഉണ്ടാകും എന്ന്. അമ്മയുടെ കണ്ണുകൾ ഉറക്കംകൊണ്ട് തൂങ്ങുമ്പോൾ ഞാൻ പറയും, പോയി ഉറങ്ങിക്കോളൂ എന്ന്. എന്നാലും അമ്മ പോകില്ല. അമ്മയ്ക്ക് അറിയാമായിരുന്നോ ഞാൻ ഒറ്റയ്ക്കായി പോയെന്ന്. ആ സമയങ്ങളിൽ അമ്മ അടുത്തിരിക്കുന്നത് എനിക്ക് ഒരു ശക്തിയായിരുന്നു. എന്നിലെ തീ കെട്ടുപോകാതിരിക്കാൻ അമ്മ അത് ഊതിക്കത്തിക്കുമായിരുന്നു. എന്റെ വിജയത്തിനു പിന്നിൽ എന്റെ അമ്മയുടെ അചഞ്ചലമായ വിശ്വാസമുണ്ട്, പ്രതീക്ഷയുണ്ട്. ഒരുനാൾ മകൻ ജയിച്ചുകയറുമെന്ന്.
ഇത് തോറ്റവരുടെ ചരിതമല്ല. എല്ലാ തോൽവികളെയും ഉൾക്കൊണ്ട് വിജയത്തിലേക്കു മുന്നേറിയ ഒരാളുടെ ജീവിതമാണ്.
-
-20%
Yamashankholi
Original price was: ₹200.00.₹160.00Current price is: ₹160.00.കാമുകനെ ചിന്തിച്ചിരുന്ന ആ യുവതിക്കു കിട്ടിയ അപ്രതീക്ഷിതസൗഭാഗ്യമായിരുന്നു അച്ഛൻ്റെ കൂട്ടുകാരനായ സ്വാമിയുടെ വരവ്. മനസ്സിൽ വിചാരിക്കുന്നത് നടക്കും എന്ന സ്വാമിയുടെ വാക്കുകൾ അവൾക്ക് കൂടുതൽ വിശ്വാസമേകി. ഇരുട്ടിന്റെ മറവിൽ എത്തിയ കാമുകന് അവൾ അവളെത്തന്നെ സമർപ്പിച്ചു. പക്ഷേ, പിന്നീടാണ് മനസ്സിലായത്, വന്നത് കാമുകനല്ല, മറ്റൊരാളാണെന്ന്. എല്ലാം ഒറ്റനിമിഷത്തിൽ തകർന്ന യുവതി ഒരു കുഞ്ഞിന് ജന്മം നൽകി. ആ കുഞ്ഞിനെ കൂട്ടുകാരികളുടെ സഹായത്താൽ അമ്മത്തൊട്ടിലിൽ ഉപേക്ഷിക്കുന്നു. ഒരു ആശാരികുടുംബത്തിൽ വളർന്ന കുട്ടി അറിയപ്പെടുന്ന ആശാരിയായി. പിന്നീട് അവൻ തന്റെ അച്ഛനേയും അമ്മയേയും കണ്ടുമുട്ടുന്നു. എന്നാലും അവരെ വേണ്ടെന്നുവെച്ച്, തന്നെ സ്നേഹത്തോടെ വളർത്തിയ വളർത്തമ്മയേയും വളർത്തച്ഛനേയും സ്വീകരിക്കുന്നു.
-
-20%
VAAKKU POOKKUMBOL
Original price was: ₹210.00.₹168.00Current price is: ₹168.00.വ്യാസവാല്മീകിമാർ, ബുദ്ധൻ, ലാവോത്‌സു, കബീർ, ടാഗോർ, തിച്ച് നാത് ഹാൻ, ടോൾസ്റ്റോയ്, മുല്ല നസ്റുദ്ദീൻ, കൃഷ്ണമൂർത്തി, ഓഷോ, സോഫോക്ലിസ്, എ.പി.ജെ. അബ്‌ദുൾ കലാം, പി.എൻ. ദാസ്, കുഞ്ഞുണ്ണിമാഷ്, ഷൗക്കത്ത് വരെയുള്ള ചിന്തകരുടെ, പ്രതിഭകളുടെ അതിജീവന ആഖ്യാനവഴികൾ കാവ്യാത്മകമായി, നൂലിൽ മണികളെന്നപോലെ കോർത്ത ഇത്തരം സമ്പുടങ്ങൾ നമ്മുടെ ഭാഷയിൽ ഏറെയില്ല. ഒരു കുടന്ന നിറയെ കഥ, വസ്‌തുതകൾ, ചരിത്രം, സംഭവങ്ങൾ, ഭൂതവും വർത്തമാനവും, സങ്കീർണമായ ആശയലോകം, ഒരു കഥ പറയാം എന്നു തുടങ്ങുന്ന അസാധാരണ ലാളിത്യവും… ഏതു ശിക്ഷയും ഞാൻ അനുഭവിക്കാം, ഈ പുസ്തകം വീണ്ടും വായിക്കണമെന്നു പറയാതിരുന്നാൽ മതി എന്നു പേടിപ്പെടുത്തുന്ന ചപ്പു ചവറുകൾക്കിടയിൽ, ഇതാ വേറിട്ട ഒരു ഗ്രന്ഥം, ‘വാക്ക് പൂക്കുമ്പോൾ.’ വി.ടി. വാസുദേവൻ
-
-20%
MARANAPATHRAM
Original price was: ₹210.00.₹168.00Current price is: ₹168.00.ചെറുകാടിന്റെ നോവലുകൾ, നാടകങ്ങൾ മുതലായവയ്ക്കുള്ള ഒരു സവിശേഷത ഇതിനുമുണ്ട്. അദ്ദേഹത്തിൻ്റെ സ്വന്തം നാടായ വള്ളുവനാട്ടെ സാമൂഹ്യജീവിതമാണ് ഇതിലും പ്രതിഫലിച്ചിട്ടുള്ളത്. വള്ളുവനാടൻ സാമൂഹ്യജീവിതത്തിൻ്റെ കേന്ദ്രസ്‌ഥാനമായിരുന്ന നമ്പൂതിരിജന്മിത്വത്തിൻ്റെ ജീർണതയും തകർച്ചയുമാണ് ഇതിലദ്ദേഹം ചിത്രീകരിച്ചിട്ടുള്ളത്. ഇത്തരം സാമൂഹ്യനോവലുകളിൽ കല്‌പിത കഥകളും യഥാർഥകഥകളും കെട്ടുപിണഞ്ഞുകിടക്കുമല്ലോ. കല്പിതകഥാപാത്രങ്ങളും യഥാർഥത്തിൽ ജീവിച്ചിരുന്നിട്ടുള്ള മനുഷ്യരും തമ്മിൽ വേർതിരിച്ചറിയാൻ കഴിയാത്തത്ര സത്യസന്ധമാവലാണ് ഇത്തരം നോവലുകളുടെ മേന്മയ്ക്കടിസ്ഥാനം. ഇ.എം.എസ്. നമ്പൂതിരിപ്പാട്
-
-20%
ADIKONDA SAKHAVU
Original price was: ₹210.00.₹168.00Current price is: ₹168.00.സാമാന്യജീവിതാവസ്‌ഥകളിലെ അസാമാന്യമുഹൂർത്തങ്ങളിലേക്കു നോട്ടമയച്ചുകൊണ്ട് രണ്ടിനെയും പ്രശ്‌നവത്‌കരിക്കുകയും ഉപഹാസപൂർവം അതിൻ്റെ ഓരത്തുനിന്നുകൊണ്ട് വായനക്കാരെ അതിലേക്കു ക്ഷണിക്കുകയുമാണ് വി.എസ്. അജിത്ത് തന്റെ കഥകളിലൂടെ. വൈകാരികതയും വൈചാരികതയും ശാസ്ത്രബോധവും ദൈവവിചാരവും യുക്തിയും കുയുക്തിയും അയുക്തിയും തമ്മിൽ കെട്ടിമറിഞ്ഞ് ഉണ്ടാക്കുന്ന പ്രശ്ന‌ബാധിതപ്രദേശത്തേക്കുള്ള വായനക്കാരുടെ കടന്നുവരവോടെ എഴുത്താൾ അവിടെനിന്ന് അപ്രത്യക്ഷമാവുന്ന ഒരു എഴുത്തുവിദ്യയുടെ പലതരത്തിലുള്ള വഴികളിലൂടെയാണ് ഓരോ കഥയുടെയും സഞ്ചാരം.
-
-20%
LUCIYUDE KARUTHA SUVISHESHAM
Original price was: ₹270.00.₹216.00Current price is: ₹216.00.“ലൂക്കേ… നമുക്കൊരു പുതുലോകം പണിയണം. കറുത്തവന്റെ മേൽക്കൈയുള്ള ലോകമല്ല; കറുത്തവനെ അംഗീകരിക്കുന്ന ലോകം. വെളുത്തവനെയും മഞ്ഞക്കാരനെയും ഭൂമിയിലെ സർവ ചരാചരങ്ങളെയും. ഒന്നിനേക്കാൾ ഒന്നും മേലെയല്ല. താഴെയുമല്ല. മനുഷ്യനായാലും മനുഷ്യേതര ജീവനായാലും. ഏതെങ്കിലുമൊരുവൻ താനാണ് കേമനെന്ന് സ്വയം നടിക്കുന്നുവെങ്കിൽ ഹാ കഷ്ടം! അവൻ ഈ ഭൂമിയിൽത്തന്നെ സ്വയം നരകം പണിയും. സ്വന്തം ശവക്കുഴി വെട്ടും. കറുത്തവൻ കുഴി വെട്ടിയല്ല. മാർഗത്തിലേക്ക് വന്നവൻ സ്വയം മാർഗദർശിയാണ്. അതോർക്കാത്തവനും അറിയാത്തവനും കല്ലറയിൽ പുഴുക്കൾക്ക് ഭക്ഷണമായി അവസാനിക്കും. മണ്ണിന്റെ ബന്ധമില്ലാത്ത, വായു കടക്കാത്ത മാർബിൾ കല്ലറകളിൽ അടക്കംചെയ്യപ്പെടുന്നവർക്ക് എപ്രകാരം ഉയിർത്തെഴുന്നേൽക്കാനാവും!”
-
-20%
SWETHANTHRA INDYA – VIMOCHANATHINTE VITHU
Original price was: ₹290.00.₹232.00Current price is: ₹232.00.“സ്വതന്ത്ര ഇന്ത്യ : വിമോചനത്തിന്റെ വിത്ത് ”
ഇന്ത്യയിലെയും ലോകത്തെയും സമകാലിക വിഷയങ്ങളെ തന്മയത്വത്തോടെ സത്യസന്ധമായി അവതരിപ്പിക്കുന്ന ബഹു. ജോൺസൺ തേക്കടയിൽ അച്ചന്റെ “സ്വതന്ത്ര ഇന്ത്യ : വിമോചനത്തിന്റെ വിത്ത്” എന്ന പുസ്തകം, മഹത്തായ ഇന്ത്യാ ഭൂഖണ്ഡത്തെ സ്വാതന്ത്ര്യത്തിലേക്ക് നയിക്കുന്നതിന്, വിദ്യാഭ്യാസം, ആരോഗ്യം, സാമൂഹ്യ പരിഷ്കരണം, മാനവികത, പ്രിന്റിങ്ങ് സാങ്കേതിക വിദ്യ, ഭാഷാ പരിഷ്കരണം തുടങ്ങി വിവിധ ഭൗതിക അധ്യാത്മീക മേഖലകളിൽ തനതായ വ്യക്തി മുദ്ര പതിപ്പിച്ച, ഇന്ത്യയിലെ മിഷനറിമാരുടെ തമസ്കരിക്കപ്പെടുന്ന ജീവിത കഥകളും മഹത്തായ സംഭാവനകളും വെളിച്ചത്തിലേക്ക് കൊണ്ടുവരുന്നതാണ്.-മാർ ഔഗിൻ കുര്യാക്കോസ്, മെത്രാപ്പൊലീത്ത.
ഇന്ത്യയുടെ വിമോചന ചരിത്രത്തെ വ്യത്യസ്തമായ കാഴ്ചപ്പാടിൽ നോക്കിക്കാണുവാൻ ശ്രമിക്കുമ്പോൾ നിരവധി ചോദ്യങ്ങൾ ഉയർന്നു വരും. ചരിത്ര രചനയിലെ സാമ്പ്രദായിക രീതികൾ അവഗണിച്ചു കൊണ്ടാവുമ്പോൾ വിമർശകരുടെ നിര വർദ്ധിക്കുകയും ചെയ്യും. എങ്കിലും ചരിത്രകാരൻ തന്റെ മുന്നിൽ നിരന്നിരിക്കുന്ന തെളിവു സാമഗ്രികളുടെ പിൻബലത്തിൽ ശരിയായ ചരിത്രം സധൈര്യം രേഖീയമാക്കുമ്പോൾ അത് സ്വർഗ്ഗീയമായ ഒരു സുഖാനുഭൂതിയല്ല പ്രദാനം ചെയ്യുന്നത് മറിച്ച് സാമൂഹികമായ ഒരു കർത്തവ്യ നിർവഹണമായി തീരും…
-ഡോ. വള്ളിക്കാവ് മോഹൻദാസ്.
-
-20%
OTTACHILAMBU
Original price was: ₹290.00.₹232.00Current price is: ₹232.00.കോടിസൂര്യപ്രഭയോടെ വിളങ്ങുന്ന സംഹാരരുദ്രയായ ദേവിയാണ് ഒറ്റച്ചിലമ്പിലെ പ്രതിഷ്ഠ. ദേവിയുടെ ഉപാസകനായ ഒരു സാധുവിന്റെ ജീവിതത്തിലേക്ക് മറ്റൊരു ദേവി കടന്നുവരികയാണ്. തൃഷ്ണകൾ തിടംവയ്ക്കുന്ന ഇരുളിൻ മച്ചകത്ത് ഒറ്റച്ചിലമ്പിന്റെ യോധനാദം മുഴങ്ങുകയാണ്. പ്രളയം പോലെ വ്യാപിച്ച ആ അന്ധകാരത്തിൽ ഉഴറുന്ന ഒരു പുരുഷന്റെയും സ്ത്രീയുടെയും ഇടർച്ചകൾ ഈ നടവഴിയിൽ കാൽപ്പാടുകൾ തീർക്കുന്നു. ഭക്തിയും വിശ്വാസവും കാമവും മോക്ഷവും ഇവിടെ കളമെഴുതുന്നു. ഹൃദയത്തിനുമേൽ ദൈവത്തിന്റെ കൈയൊപ്പ് പതിഞ്ഞ എഴുത്തുകാരന്റെ ഈ നോവൽ, “നീയേറ്റുവാങ്ങാത്ത നോവേതു മണ്ണിതിൽ” എന്ന അതിശയം വായനക്കാരിൽ സൃഷ്ടിക്കുന്നു.
-
-20%
Patalappathakalum Thampile Souhrudangalum
Original price was: ₹290.00.₹232.00Current price is: ₹232.00.നീണ്ട 23 വർഷങ്ങൾ ഇന്ത്യയുടെ വിവിധ ഭാഗങ്ങളിൽ സൈനികസേവനം അനുഷ്ഠിച്ച ‘മിലിട്ടറി രാജന്റെ’ അനുഭവക്കുറിപ്പുകളാണിത്. ഹിമഭൂമിയിലും മരുഭൂമിയിലും രാജ്യത്തിനു കാവൽക്കാരനായ ഒരു പട്ടാളക്കാരന്റെ ഓർമകൾ ഇതിൽ മാർച്ച്-പാസ്റ്റ് നടത്തുന്നു; മനുഷ്യനിലുള്ള അചഞ്ചല വിശ്വാസത്തിനു സല്യൂട്ട് നൽകുന്നു. കഠിനമായ ആർമി ട്രെയിനിംഗ് കാലവും, ഉറക്കംപോലും ‘പട്ടാളച്ചിട്ട’യിലാക്കേണ്ടിവന്ന ബാരക്ക് ജീവിതവും, തമ്പിലെ സൗഹൃദവും സ്നേഹവും എല്ലാം ഇവിടെ ബ്യൂഗിൾ നാദമായി മുഴങ്ങുന്നു. അമ്മയ്ക്കുള്ള കത്തിൽ ആരംഭിക്കുന്ന ഈ സ്മൃതിസഞ്ചയം, സന്തോഷങ്ങളുടെയും സങ്കടങ്ങളുടെയും വിഹ്വലതകളുടെയും ഉദ്വേഗങ്ങളുടെയും ഗന്ധം ഒരു പൊതിച്ചോറെന്നപോലെ പേറുന്നുണ്ട്.
-
-20%
ENTE PRANAYATHINTE RAJAKUMARIKKU
Original price was: ₹299.00.₹239.00Current price is: ₹239.00.പ്രണയം എന്നും പരിശുദ്ധിയോടെ വാഴ്ത്തപ്പെടുന്ന ഒരു മഹത്തായ അനുഭൂതിയാണ്. രണ്ടിൽ ഒരാളുടെ ഭ്രാന്ത് നിലയ്ക്കുമ്പോഴാണ് പ്രണയം മരിക്കുന്നത്. അതുപോലൊരു ഭ്രാന്തവും പരിശുദ്ധവുമായ പ്രണയകഥ ഒരു സിനിമാറ്റിക് ശൈലിയിലൂടെ സെബഫാത്തിമ എന്ന എഴുത്തുകാരി തൻ്റെ തൂലികയിൽ വിരിഞ്ഞ ‘എൻ്റെ പ്രണയത്തിൻ്റെ രാജകുമാരിക്ക്’ എന്ന നോവലിലൂടെ പറയുകയാണ്.
തൻ്റെ വേദന നിറഞ്ഞ സാഹചര്യത്തിലും പഠനം എന്ന ആഗ്രഹവുമായി ഡൽഹിയിലേക്ക് പുറപ്പെടുന്ന ഷാരിക് എന്ന ഇരുപതുകാരൻ്റെ ജീവിതത്തിലേക്ക് പ്രതീക്ഷിക്കാതെ പ്രണയത്തിൻ്റെ സുഗന്ധവുമായി കടന്നുവന്ന ബൽക്കിസ് അമാൽ എന്ന മാലാഖയെ തേടിയുള്ള വർഷങ്ങളായുള്ള കാത്തിരിപ്പിൻ്റെയും കണ്ണുനീരിൻ്റെയും പ്രണയ യാത്രയാണ് ‘എന്റെ പ്രണയത്തിൻ്റെ രാജകുമാരിക്ക്’ എന്ന നോവലിൻ്റെ ഇതിവൃത്തം. -
-20%
EKALOCHANAM
Original price was: ₹300.00.₹240.00Current price is: ₹240.00.“സാഹിത്യവാരഫലത്തിനുശേഷം ഏറെ ശ്രദ്ധേയമായ അപഗ്രഥനപംക്തിയാണ് “ഏകലോചനം”. സാഹിത്യകൃതികൾക്ക് അനുമോദനങ്ങൾ മാത്രം പോരാ, വിമർശനങ്ങളും വേണം. അതായിരുന്നു എം. കൃഷ്ണൻ നായർ സാർ മലയാളികളെ പഠിപ്പിച്ചത്. അത്തരത്തിലുള്ള നിരീക്ഷണങ്ങളും പായിപ്രയുടെ എഴുത്തിലുണ്ട്. സാഹിത്യം, സംസ്കാരം, സാമൂഹികവിമർശനം, രാഷ്ട്രീയം തുടങ്ങിയ വിവിധ മേഖലകളിൽ അദ്ദേഹത്തിന്റെ എഴുത്ത് വ്യാപിക്കുന്നുണ്ട്.
– വി.ഡി. സതീശൻ (മുഖ്യമന്ത്രി)സൂക്ഷ്മദർശനംകൊണ്ടും ദീർഘവീക്ഷണംകൊണ്ടും ചിന്താമണ്ഡലത്തെ ത്രസിപ്പിക്കുന്ന എഴുത്തുകാരനാണ് പായിപ്ര രാധാകൃഷ്ണൻ. ഏകലോചനം’ ഇക്കാര്യം അരക്കിട്ടുറപ്പിക്കുന്നു.
– രമേശ് ചെന്നിത്തല (ആഭ്യന്തരമന്ത്രി)പക്ഷവും ഭേദവും തിമിരവും ബാധിക്കാത്ത കാഴ്ച – കുട്ടിക്കാലത്തെ കളിചിരിയുടെ നിഷ്കളങ്കതയോടെ!
– സി. രാധാകൃഷ്ണൻപായിപ്ര രാധാകൃഷ്ണന്റെ ഏകലോചനം’ എന്ന സാഹിത്യ പംക്തിയിൽ നിന്ന് അടർത്തിയെടുത്ത കുറിപ്പുകളുടെ ഈ സമാഹാരം നമുക്ക് സമ്മാനിക്കുന്നത് വളരെ രസകരങ്ങളായ സാഹിത്യസംഭാഷണങ്ങളാണ്. അവയോട് നമുക്ക് യോജിക്കുകയോ വിയോജിക്കുകയോ ചെയ്യാം. പക്ഷേ, അവയുടെ ആസ്വാദ്യതയും എഴുത്തിനെ അടയാളപ്പെടുത്താനുള്ള ശേഷിയും അനിഷേധ്യമാണ്. ഏത് താളിൽ തുറന്നാലും വായിപ്പിക്കുന്ന പുസ്തകം.
– സക്കറിയ -
-20%
ENTEYIDAM (MY SPACE)
Original price was: ₹340.00.₹272.00Current price is: ₹272.00.എന്താണ് നഗരാസൂത്രണം, എന്താണ് സ്ഥലപരാസൂത്രണം, എങ്ങനെയാണ് ഇവ വിഭാവനം ചെയ്യപ്പെടുന്നതും നടപ്പാക്കപ്പെടുന്നതും, ടൗൺ പ്ലാനിങ്ങിന്റെ വിവിധ ഘട്ടങ്ങൾ എന്തൊക്കെ, അതിൽ ഭരണാധികാരികളുടെ ഇച്ഛാശക്തിയും ഭാവനയും എത്രത്തോളം പ്രധാനപ്പെട്ടതാണ്, ടീം വർക്കിന്റെ പ്രാധാന്യമെന്ത്, ഇതുമായി ബന്ധപ്പെടുന്ന വിവിധ ഓഫീസുകൾ ഏതൊക്കെ, അതിനുള്ള നിയമങ്ങളും നിയമതടസ്സങ്ങളും എന്തൊക്കെ, അതിൽ ജനപങ്കാളിത്തം എത്രത്തോളം പ്രധാനപ്പെട്ടതാണ് എന്നിങ്ങനെയുള്ളവ തന്റെ ജീവിതാനുഭവങ്ങൾ കൂട്ടിക്കലർത്തി വളരെ ലളിതമായി വിവരിക്കുകയാണ് ഈ പുസ്തകം ചെയ്യുന്നത്. മൂന്നു പതിറ്റാണ്ടുകളിലധികം നീണ്ട സർവീസ് സ്ഥലികൾ എന്റെയിടമാക്കി മാറ്റിയ ഒരു ഭാവനാസമ്പന്നനായ മനുഷ്യൻ നമുക്ക് സമ്മാനിക്കുന്ന കൈപ്പുസ്തകമാണ് “എന്റെയിടം.’ അത് നമുക്ക് ഒട്ടേറെ പുതിയ അറിവുകൾ മാത്രമല്ല ഒട്ടേറെ പാഠങ്ങളും സമ്മാനിക്കുന്നുണ്ട്
-ബെന്യാമിൻ