ബാല്യവും കൗമാരവും നിർണായകമായ ഒരു വളർച്ചാഘട്ടമാണെന്ന് പലപ്പോഴും മാതാപിതാക്കൾ മറന്നുപോകുന്നു. കുട്ടികൾ നേരിടുന്ന പ്രതിസന്ധികളെയും അവരിലെ പെരുമാറ്റദൂഷ്യങ്ങളെയും അപഗ്രഥിച്ച് പരിഹാരം കണ്ടെത്തുവാൻ കഴിയേണ്ടതുണ്ട്. കുട്ടികളുടെ വ്യക്തിത്വവികാസത്തിന്റെ ശാസ്ത്രവും അവരുടെ പെരുമാറ്റം വിശകലനംചെയ്യുന്നതിന്റെ കലയുമാണ് ഈ പുസ്തകം പ്രകാശിതമാക്കുന്നത്. അനുഭവസാക്ഷ്യങ്ങൾ മുൻനിർത്തിയുള്ള വിവരണം.

നമ്മുടെ ശക്തിദൗർബല്യങ്ങളെ ഒരു ദർപ്പണത്തിലെന്നവിധം പ്രതിഫലിപ്പിക്കുകയും, മനസ്സിന്റെ ഗൂഢസഞ്ചാരങ്ങളെ ഒരു ഉച്ചഭാഷിണിയിലൂടെന്നവണ്ണം വെളിപ്പെടുത്തുകയും ചെയ്യുന്നുണ്ട് ശരീരം. വ്യക്തിത്വവികസനത്തിൽ ശരീരഭാഷാസ്വാധീനം നിർണായകമാണ്. ജീവിതപങ്കാളിയുടെയും സുഹൃത്തുക്കളുടെയുമൊക്കെ വിശ്വാസമാർജിക്കുവാൻ, അവരുടെ ചിന്തകൾ മനസ്സിലാക്കി അതിനനുസൃതമായി നിലപാടുകൾ സ്വീകരിക്കുവാൻ ഈ പുസ്തകവായന നിങ്ങളെ സഹായിക്കും.