-
-20%
Indulekha
Original price was: ₹200.00.₹160.00Current price is: ₹160.00.“ഒരു നോവല്‍ ബുക്ക്‌ ഏകദേശം ഇംഗ്ലീഷ്‌ നോവല്‍ ബുക്കുകളുടെ മാതൃകയില്‍ എഴുതാമെന്നു നിശ്ചയിച്ച്‌” ചന്തുമേനോന്‍ രചിച്ച ഈ പുസ്‌തകത്തോടെയാണ്‌ മലയാളനോവലിന്റെ ചരിത്രം ആരംഭിക്കുന്നത്‌. ജനപ്രിയ സാഹിത്യരൂപമായ നോവലിന്റെ എക്കാലത്തെയും മികച്ച ഉദാഹരണം കൂടിയായ ഈ കൃതി യാഥാസ്ഥിതികത്വവും പുരോഗമനവാദവും തമ്മിലുള്ള കൊമ്പുകോര്‍ക്കലിന്റെ പശ്ചാത്തലത്തില്‍ മാധവന്റെയും ഇന്ദുലേഖയുടെയും പ്രണയബന്ധം ഇതിവൃത്തമാക്കുന്നു.
-
-20%
KHADEEJA
Original price was: ₹199.00.₹159.00Current price is: ₹159.00.പ്രണയം വല്ലാത്തൊരു ഹലാക്കാണ്, മനുഷ്യനെ നന്നാക്കാനും മോശമാക്കാനും കെല്പുള്ള എന്തോ ഒന്ന്. അങ്ങനെ അബൂക്കയുടെ ജീവിതത്തിൽ സംഭവിച്ച ആയിഷയെന്ന ആദ്യ പ്രണയത്തിന്റെയും ഖദീജയെന്ന നിത്യപ്രണയത്തിന്റെയും കഥയാണിത്. പറയാതെ, അറിയാതെ അത്രമേൽ ഹൃദയത്തോട് ചേർത്തുവച്ച ഒരുവൾ… പറഞ്ഞും അറിഞ്ഞും അറിയിച്ചും ജീവിതത്തിലേക്കു കടന്നുവന്ന് ജീവന്റെ പാതിയായി മാറിയ മറ്റൊരുവൾ… തെളിഞ്ഞ പുഴപോലെ പ്രണയമങ്ങനെ ഒഴുകുകയാണ്… മിഴിയിണകളും നിശ്വാസവും മൗനവുംപോലും അവർക്കിടയിൽ പ്രണയംതീർത്തു. ഏറെ വിശുദ്ധിയോടെയും അനുരാഗത്തോടെയും സൂക്ഷിച്ച മൈലാഞ്ചിമണമുള്ള പ്രണയത്തിന്റെ കഥ.
-
-20%
ORU ARABIKKADHA
Original price was: ₹190.00.₹152.00Current price is: ₹152.00.അറബിനാട്ടിലെ ഒരു ആഭരണവ്യാപാരിക്ക് സർവേശ്വരൻ്റെ കാരുണ്യമായി ലഭിച്ച ഓമന മകൻ. മായാവിദ്യകൾകൊണ്ടു കണ്ണുകെട്ടുന്ന, മനസ്സുകവരുന്ന മാന്ത്രികരുടെ കഥകളോടായിരുന്നു അവനു പ്രിയം. ‘പോയാലൊരാളും തിരിച്ചുവരാത്ത ലോക’ ത്തേക്ക് പിതാവ് യാത്രയായതോടെ, അവൻ തൻ്റെ സ്വപ്നവിളക്കിനു തിരികളിടുന്നു. കച്ചവടത്തിൻ്റെയും കണക്കുകളുടെയും ലോകത്തുനിന്ന് ഉമ്മയുടെ സമ്മതത്തോടെ മാന്ത്രികവിദ്യകൾ പഠിക്കാനിറങ്ങുന്നു. ചെപ്പടിവിദ്യകൾക്കപ്പുറം യഥാർഥ മാന്ത്രികവിദ്യകളുടെ താഴും താക്കോലും കൈവശമുള്ള ഒരു ഗുരുവിനെ തേടിയെത്തിയ അവനെ കാത്തിരുന്നത് അതീവദുഷ്കരമായ ഒരു തടവുകാലമായിരുന്നു. എന്നാൽ വിഷമങ്ങളിൽ തളരാതെ, നിരാശനാകാതെ, പ്രതീക്ഷ കൈവെടിയാതെ ആ ‘ഇന്ദ്രജാലക്കാരൻ’ എല്ലാ പ്രതിബന്ധങ്ങളെയും ‘മാന്ത്രികവാടി’ വീശി അകറ്റുന്നു. ലോകമാകെ ആ കീർത്തി പടരുന്നു.
-
-20%
BANANA REPUBLIC
Original price was: ₹190.00.₹152.00Current price is: ₹152.00.ഒറ്റപ്പെട്ടുപോയൊരു പറുദീസയാണ് ബനാന റിപ്പബ്ലിക്. ദൈവം നര്‍മവും സ്നേഹവും സന്തോഷവുമെല്ലാം ചേര്‍ത്ത് സ്വര്‍ഗം മെനഞ്ഞ നേരം ഭൂമിയിലേക്കു തെറിച്ചുവീണ ഹരിതഖണ്ഡം. മൂന്നതിരുകളും ജലത്തിന്റെ സാന്ത്വനസ്പര്‍ശംകൊണ്ടനുഗ്രഹിക്കപ്പെട്ട ഇടം. അവിടെ ജീവിച്ചവരും ജീവിച്ചിരിക്കുന്നവരുമായ നിഷ്‌കളങ്കരുടെ കഥ ഫാന്റസിയില്‍ ചാലിച്ചെഴുതിയ നോവലാണ് ബനാന റിപ്പബ്ലിക്. ചിരി കറന്‍സിയാകുന്ന നാടിന്റെ കഥ വായിക്കുമ്പോള്‍ നിങ്ങളും അറിയാതെ അവരിലൊരാളായിമാറുന്നു.
-
-20%
Akshahridayam
Original price was: ₹190.00.₹152.00Current price is: ₹152.00.മഹാഭാരതം അരണ്യകാണ്ഡത്തിലെ നളോപാഖ്യാനമാണ് ഈ നോവലിന് പ്രേരകം. മനസ്സിന്റെ നിഗൂഢവും അതിസങ്കീര്‍ണവുമായ സഞ്ചാരവഴികളിലൂടെയാണ് ദ്വാപരയുഗത്തിലെ നളകഥ ചുരുളഴിയുന്നത്. സുഭിക്ഷതയുടെ നടുവില്‍ പിറന്ന രാജകുമാരനും ഭീമരാജപുത്രി ദമയന്തിക്കും അനുഭവിക്കേണ്ടിവന്ന ദാരിദ്ര്യവും മാനസികസംഘട്ടനങ്ങളും ആരുടേയും ഉള്ളുലയ്ക്കും. ഈ ദുര്‍ഗതി അവര്‍ക്കു പിണഞ്ഞത് കലിയാവേശത്താലായിരുന്നു. ഇതേ കലികാലപ്രഭാവത്തിന്റെ പ്രതിഫലനമാണ്, സമകാലീനമനുഷ്യന്റെ പതനങ്ങളും പരാധീനതകളുമെന്ന് ഈ രചന നമുക്ക് തിരിച്ചറിവേകുന്നു; ആത്യന്തികമായി അവന്റെ ശത്രു അവന്‍തന്നെയാണെന്നും കലിയുഗാന്ത്യത്തില്‍, മന്വന്തരപൂര്‍ത്തീകരണത്തില്‍, സൗഭാഗ്യങ്ങള്‍ മേളിക്കുന്ന കൃതയുഗം സമാഗതമാകുമ്പോള്‍ ഈ ഭൂമുഖത്ത് നാമാരും അവശേഷിക്കുകയില്ല എന്ന സത്യം കൂടി എഴുത്തുകാരന്‍ സൗമ്യമായി ഓര്‍മപ്പെടുത്തുന്നു.
-
-20%
Chuzhi
Original price was: ₹190.00.₹152.00Current price is: ₹152.00.കല്യാണം കെട്ടിവരിഞ്ഞിട്ട, അഭിലാഷങ്ങളും അവകാശങ്ങളും ആകാശകുസുമങ്ങളായി മാറിയ ഒരു പെണ്ണിന്റെ കരച്ചിലും കലമ്പലുമാണ് ഈ പുസ്തകം. ‘ആകെ കലങ്ങിമറിഞ്ഞ് ദുര്‍ഗന്ധം വമിക്കുന്ന’ ഒരു ദാമ്പത്യത്തിന്റെ കഥ. കൂട്ടിച്ചേര്‍ത്തുവച്ചവരും തനിയെ ചേര്‍ന്നവരും ഇവിടെ ‘വിവാഹ ഉടമ്പടി’യുടെ സാധുത സംവാദവിഷയമാക്കുന്നു. ആണ്‍-പെണ്‍ പ്രണയത്തിലും രതിയിലും സമൂഹത്തിനെന്തു കാര്യം എന്നു ചോദിച്ച് അവര്‍ ആ ‘കല്യാണക്കരാര്‍’ കീറി കാറ്റില്‍ പറത്തുന്നു. ഇങ്ങിനി തെളിയാത്തവിധം അവര്‍ കുടുംബത്തിന്റെയും മതത്തിന്റെയും ലക്ഷ്മണരേഖകള്‍ മായ്ച്ചുകളയുന്നു. ഗാര്‍ഹികപീഡനത്തിനും വൈവാഹികബലാത്സംഗത്തിനും ഇരപ്പെടുന്ന വിധേയകള്‍ക്കും ചഞ്ചലചിത്തകള്‍ക്കും ഒരു പാഠമാണിത് – നിവര്‍ന്നുനില്പിന്റെ, പോരാട്ടത്തിന്റെ പാഠം.
-
-20%
Aama
Original price was: ₹190.00.₹152.00Current price is: ₹152.00.അകപ്പെട്ട ചക്രവ്യൂഹം ഭേദിക്കാന്‍ കഴിയാതെവരുമ്പോള്‍ എരിഞ്ഞൊടുങ്ങാനല്ല, വിധിയോടു പൊരുതി ജീവിതം തിരുത്തിയെഴുതപ്പെടാന്‍ മുള്‍വഴികളെ നിണമണിയിച്ച കലയും കാമനയും പ്രണയവും ചേര്‍ത്തെഴുതപ്പെട്ട വിപ്ലവം… മുറിവേറ്റ ഹൃദയങ്ങളേറ്റുവാങ്ങിയ കരുത്തുറ്റ ജീവന്റെ ആത്മഗീതം…
-
-20%
Devatheertham
Original price was: ₹180.00.₹144.00Current price is: ₹144.00.ദാരിദ്ര്യത്തോടുള്ള പോരാട്ടമായിരുന്നു ബാല്യംമുതൽ ഗംഗാധരന്റെ ജീവിതം. എങ്ങനേയും പണമുണ്ടാക്കുക, സമൂഹത്തിൽ നിലയും വിലയുമുള്ളവനാകുക എന്ന ലക്ഷ്യമായിരുന്നു. മുന്നോട്ടുള്ള യാത്രയിൽ അയാളുടെ ഇന്ധനം. എന്നാൽ, അറിഞ്ഞോ അറിയാതെയോ, ഗംഗാധരൻ ചിലതെല്ലാം മറന്നുപോയി – കുടുംബത്തോടുള്ള സ്നേഹം, മകനോടുള്ള കരുതൽ. ഈ പഴുതിലൂടെ ആയിരുന്നു “കൂട്ടുകാരൻ’ എന്ന വിലാസത്തിൽ ശേഖരന്റെ കടന്നുകയറ്റം. ഗംഗാധരന്റെ കുടുംബത്തിന്റെ, സമ്പാദ്യത്തിന്റെ വേരറുക്കുന്നതിലേക്കാണ് അതു വഴിതെളിച്ചത്. ഒടുവിൽ, മരണപ്പെട്ടുവെന്നു വിശ്വസിച്ചിരുന്ന മകന്റെ തിരിച്ചുവരവ് ആ കുടുംബത്തിന്റെ വീണ്ടെടുപ്പായി മാറുന്നിടത്ത് ഈ നോവലിന്റെ ഗതി മാറുന്നു.
-
-20%
DAIVAKKALLUKAL
Original price was: ₹180.00.₹144.00Current price is: ₹144.00.കമ്മ്യൂണിസ്റ്റാണെന്ന ഒറ്റക്കാരണത്താൽ മണിയൻ തറവാട്ടിൽ നിന്നു ബഹിഷ്കൃതനാകുന്നു; ബാരക്കിൽ നിന്നു തിരസ്കൃതനാകുന്നു. ഇൻക്വിലാബിന്റെ ഗീതങ്ങൾ ഒരു സ്വപ്ന ജീവിയായ സഖാവിനു നൽകിയ പാഥേയമാണ് ഈ നിണച്ചാലിൽ തട്ടിക്കമിഴ്ന്നുകിടക്കുന്നത്. സംഗീതമാകുംമുമ്പേ കഴുത്തറുക്കപ്പെട്ട വാക്കുകൾ, ദുര വിഴുങ്ങിയ ചൂഷിതവർഗ ബൈബിൾ, ചക്രവാളങ്ങളിൽ പ്രതിധ്വനിക്കാത്ത സമര കാഹളങ്ങൾ ഒക്കെ ഈ കൽത്തറയിൽ വിഷാദനിഴൽ വീഴ്ത്തുന്നു.
-
-20%
YAJNASENI
Original price was: ₹180.00.₹144.00Current price is: ₹144.00.ഡോ. ദജനി പാഞ്ചാലിയെക്കുറിച്ച് എഴുതിയ ‘യാജ്ഞസേനി എന്ന ഒന്നാംതരം ആഖ്യായികയെക്കുറിച്ചാണ് പറയുവാനുള്ളത്. ഉത്തമമായ നിരീക്ഷണം, തെളിഞ്ഞ ചിന്ത, പുരാണപ്രസിദ്ധയായ പാഞ്ചാലിയെ ഒട്ടും നോവിക്കാത്ത എഴുത്ത്. അതാണ് എഴുത്തുകാരിയുടെ വിജയം. പറഞ്ഞത് മതിയായില്ല എന്നു മാത്രമേ പരാതിയുള്ളൂ. ആകപ്പാടെ പുസ്തകം നന്നായിട്ടുണ്ട്.
– മാടമ്പ് കുഞ്ഞുകുട്ടൻ
-
-20%
KATTANKAPPIYIL
Original price was: ₹180.00.₹144.00Current price is: ₹144.00.അന്നംതേടിവന്ന മീശമാധവിയേയും ഭര്‍ത്താവിനേയും കാത്തിരുന്നത് വന്‍ ദുരന്തമായിരുന്നു. വെടിക്കെട്ടപകടത്തില്‍ ഭര്‍ത്താവ് തീപ്പന്തമായി മാറി. അമ്പലപ്പറമ്പിലെ ചാരത്തില്‍നിന്നും അവള്‍ ഒരു പുതിയ ജീവിതം കെട്ടിപ്പടുക്കാന്‍ ശ്രമിക്കയാണ്, ചക്കരപ്പാടത്തെ പുളിയനുറുമ്പുകളെപ്പോലെ. നാടകത്തിന്റെയും സിനിമയുടെയും അരങ്ങില്‍നിന്നുള്ള ഉള്ളൊഴുക്കില്‍ ഒരു പുതിയ നോവലുമായി അണയാത്ത സിനിമാമോഹവുമായി കഥാകാരന്‍.
-
-20%
Manomayi
Original price was: ₹180.00.₹144.00Current price is: ₹144.00.പ്രപഞ്ചത്തിലെ ഏറ്റവും സങ്കീര്‍ണമായ ഇന്റലിജന്‍സ് സോഫ്റ്റ് വെയറായ ജീവന്റെ രഹസ്യങ്ങളിലൂടെ സഞ്ചരിക്കുന്ന ആദ്യനോവല്‍. നിര്‍മിതബുദ്ധിയുടെ വിസ്മയ സാധ്യതകളും സ്തീപുരുഷ കാമനകളുടെ അതീതമാനങ്ങളും ഇഴചേരുന്ന അപൂര്‍വ കൃതി.
-
-20%
The Quester Teens
Original price was: ₹180.00.₹144.00Current price is: ₹144.00.“The book is chock-full of mystery and fantasy. Giving free rein to his imagination, the young author includes the stock-in-trade of magic –
wizards, magic wands and books, mythical creatures, a prophesier and special powers. Juan Justus’s inventiveness and the breathless
pace of the book make ‘The Quester Teens’ a page turner.”
– Khyrunnisa A -
-20%
Yajnam
Original price was: ₹180.00.₹144.00Current price is: ₹144.00.പഴമയുടെയും പാരമ്പര്യത്തിന്റെയും അരണിയിൽ പുകയുന്ന ഹൃദയങ്ങളുടെ കഥപറയുന്ന നോവൽ. മറക്കുടയ്ക്കുള്ളിലെ മഹാനരകം മാത്രമായിരുന്നില്ല നങ്ങേമയ്ക്കും മകൾ സാവിത്രിക്കും നേരിടുവാനുണ്ടായിരുന്നത് – ഒരു സ്മാർത്തവിചാരത്തിന്റെ തുടർച്ചയെന്നോണം ആയിരം നാവുകളോടെ ഉള്ളിൽ കലമ്പുന്ന സംശയങ്ങളും ആശങ്കകളും ന്യായവിസ്താരങ്ങളുമൊക്കെ അവരെ നിരന്തരം അലട്ടിക്കൊണ്ടേയിരിക്കുന്നതിന്റെ നഖചിത്രം.
-
-20%
Naaranathumalayile Kaattu
Original price was: ₹180.00.₹144.00Current price is: ₹144.00.കഥകളി പഠിക്കാൻ കടൽകടന്നുള്ള ‘പൂച്ചക്കണ്ണൻ സായിപ്പി’ന്റെ വരവ് ഒരു ചെറുഗ്രാമത്തിൽ സൃഷ്ടിക്കുന്ന ക്രമഭംഗങ്ങളുടെ കഥ. ‘പറയിപെറ്റ പന്തിരുകുലം’ ഐതിഹ്യത്തിന്റെ സുഗന്ധധൂപംകൂടി ഇതിൽ അലിഞ്ഞുചേർന്നിരിക്കുന്നു. ക്രിസ്റ്റഫർ സായിപ്പും ശ്രീദേവിയും പിണ്ടിക്കണ്ണനും കരടിമുരുകനുമൊക്കെ ഈ കളിയാട്ടത്തറയിൽ നിറഞ്ഞാടുന്നു.
-
-20%
VERIYAADU
Original price was: ₹170.00.₹136.00Current price is: ₹136.00.ചോരയില്‍ ഉദിച്ച് ചോരയില്‍ അസ്തമിക്കുന്നതാണ് കൊട്ടിമലയിലെ ദിനങ്ങള്‍. ആടുവ്യാപാരിസമുദായത്തിന്റെ ഈ ‘മീറ്റ് റിപ്പബ്ലിക്കി’ല്‍, ആടുകളുടെ ലേലവും അറവും വില്പനയുമായി പുലരുന്ന ഈ നാട്ടില്‍, വെറിയാടുപന്തയമാണ് അംഗീകൃതവിനോദം. മുഖാമുഖം വെളിപ്പെട്ടാല്‍ അന്യോന്യം കൊമ്പുകോര്‍ക്കുന്ന, പരസ്പരം തലതല്ലിക്കീറുന്ന വെറിയന്‍ മുട്ടനാടുകളുടെ വിളയാട്ടുഭൂമി. ചുവപ്പിനോടടുക്കുന്ന കാളക്കൂറ്റനെപ്പോലെ, വീറിന്റെ പര്യായമായി, അവിടത്തുകാര്‍ക്ക് ഒരു നായകനും – വെറിയാട് വര്‍ക്കി! കിഴവന്റെ റാക്കുഷാപ്പിലെ തീത്തെലം പോലെ, ഉള്ളുപൊള്ളിച്ച് സിരകളില്‍ കത്തിനീറിപ്പിടിക്കുന്ന പകയുടെ കുറെ കഥകള്‍ ഈ അങ്കക്കളത്തിനു പറയാനുണ്ട്. അലര്‍ച്ചയില്‍ പിളര്‍ന്ന വായ്കളും, മണ്ണുപറ്റിയ ഇറച്ചിത്തുണ്ടുകളും, ചീറ്റിത്തെറിച്ച രക്തത്തുള്ളികളുമായി ഒരു ബലിനിലം – വാശി കുത്തിയ ഒരു ചാവുകുഴി – ഇവിടെ ഒരുങ്ങുന്നു.