മഹാഭാരതത്തിന്റെ വിശാലവിഹായസ്സിൽനിന്നുമെത്തിയ ചില പക്ഷികുലപ്രജകളാണ് ഈ പുസ്തകത്താളുകളിൽ ചേക്കേറിയിരിക്കുന്നത്. സ്വജീവൻപോലും ബലിനല്കി പാന്ഥപൂജചെയ്യുന്ന കപോതവും, ജാജലിമഹർഷിയുടെ ജടാഭാരത്തിൽ കൂടുകൂട്ടിയ കുരുവികളും, ശിബിരാജാവിന്റെ ധർമനിഷ്ഠയെ പരീക്ഷിച്ച പ്രാവും പരുന്തും, ഖാണ്ഡവദഹനത്തെ അതിജീവിച്ച ജരിതയും മക്കളുമെല്ലാം കൂകിയും കുറുകിയും ഇവിടം ഒരു ജീവിതസംവാദത്തിന്റെ വേദിയാക്കുന്നു.