വേദവ്യാസന്റെ മാനസപുത്രിമാരായി ഭാരതേതിഹാസത്തില്‍ അടയാളപ്പെടുന്ന നാലു സ്ത്രീകഥാപാത്രങ്ങളുടെ, ദേവകി, ദ്രൗപദി, സുഭദ്ര, ദുശ്ശള എന്നീ നായികമാരുടെ ശബ്ദങ്ങളേയും മൗനങ്ങളേയും വാചാലമാക്കുന്ന എഴുത്തുകാരന്‍, മോഹവും ഭക്തിയും മുക്തിയും വഴിതെളിച്ച അവരുടെ ജീവിതത്തിന്റെ ഏടുകള്‍ ഇവിടെ തുറന്നുവെക്കുന്നു. കൃഷ്ണപ്രേമത്തിന്റെ വിലോഭനീയമായ സൗന്ദര്യാനുഭൂതികളെ ഭാവസാന്ദ്രമായി ആവിഷ്‌കരിച്ച വ്യാസരായ പല്ലവിയെ – ”കൃഷ്ണാ നീ ബേഗനെ ബാരോ…” – ശീര്‍ഷകമാക്കുന്ന ഈ കൃതി, ആ നാല്‍വരുടെ പ്രാര്‍ഥനാരോദനങ്ങളെ ഒറ്റക്കുമ്പിളിലാക്കി വായനക്കാര്‍ക്കു നേദിക്കുന്നു.