-
IGUALANILAVU
Original price was: ₹120.00.₹96.00Current price is: ₹96.00.ഇഗ്വ ദ്വീപ്… പാൽപ്പുഴകളും തേനരുവികളുമുള്ള ദ്വീപ്. കൽക്കണ്ടപ്പാറകളും ശർക്കരക്കുന്നുകളുമുള്ള ദ്വീപ്… രത്നങ്ങൾ കുലകുലയായി ചെടികളിൽ തൂങ്ങുന്ന ദ്വീപ്… സിംഹരാജനും അരയന്നരാജ്ഞിയും ഭരിക്കുന്ന, പ്രജകളായ പക്ഷിമൃഗാദികൾ സോദരരെപ്പോലെ വസിക്കുന്ന ദ്വീപ്… ഇനിയും മനുഷ്യസ്പർശമേൽക്കാത്ത ആ ദ്വീപിലേക്ക് കഥയുടെ തോണി തുഴഞ്ഞ് ഒരു യാത്രയിലാണ് ഇവിടെ കുറെ കൂട്ടുകാർ. ചിരുതേയിമുത്തശ്ശി അമരക്കാരിയായ തോണിയിൽ ആകാംക്ഷയുടെ പങ്കായവും പേറി ആവേശത്തുഴച്ചിൽ നടത്തുന്നവരിൽ അരുമക്കുരുന്നുകൾ മാത്രമല്ല ഉള്ളത്; പുഞ്ചിരിതൂകുന്ന ഇഗ്വാളനിലാവിലലിഞ്ഞ്, കലപിലയും കടിപിടിയും മറന്ന് കിളികളും ജന്തുക്കളും, വീശാൻ മറന്ന് കാറ്റും ഒക്കെയുണ്ട്.
ബാലസാഹിത്യവിഭാഗത്തിൽ 2025-ലെ കേന്ദ്ര സാഹിത്യ അക്കാദമി പുരസ്കാരം ലഭിച്ച ഗ്രന്ഥകാരന്റെ ഏറ്റവും പുതിയ ബാല സാഹിത്യനോവൽ
-
Pournami muthal Pournami vare
Original price was: ₹210.00.₹168.00Current price is: ₹168.00.ഭൂമിയിലെ ഏറ്റവും നല്ല കുട്ടിയെ കണ്ടെത്തുവാന്‍ ദൈവം അയച്ചതായിരുന്നു ആ മാലാഖയെ. തൂമഞ്ഞിന്‍ ചിറകുകളുമായി, തൊങ്ങലുകള്‍ തൂങ്ങുന്ന ഉടുപ്പുമായി സ്വര്‍ഗത്തില്‍നിന്നുമെത്തിയ മാലാഖയുടെ അന്വേഷണം അവസാനിച്ചത് നന്ദനമോളിലാണ്. എന്നാല്‍, മാലാഖയുടെ നക്ഷത്രത്തലയുള്ള മാന്ത്രികവടികൊണ്ട് നന്ദന ഒരു കുറുമ്പൊപ്പിച്ചു. ദേഹത്തു സ്പര്‍ശിച്ചാല്‍ ആരേയും ചെറുതാക്കുന്ന വടിയാണതെന്ന് അവള്‍ അറിഞ്ഞിരുന്നില്ല! വിരലോളമായ നന്ദനയ്ക്ക് പഴയ രൂപത്തിലേക്കെത്തണമെങ്കില്‍ പിന്നിടേണ്ടതോ ഒരു ചാന്ദ്രമാസവും. അങ്ങനെ, പൗര്‍ണമി മുതല്‍ പൗര്‍ണമി വരെയുള്ള നന്ദനമോളുടെ ‘വനവാസ’ത്തിന്റെ കഥയാണിത്. കാടിന്റെ കുളിരും പക്ഷിമൃഗാദികളുടെ ഒരുമയുമറിഞ്ഞ്, അത്ഭുതകരമായ അറിവുകളിലൂടെയും അപായകരമായ സാഹസങ്ങളിലൂടെയും അവള്‍ കടന്നുപോന്ന ദിനങ്ങളുടെ കഥ; ഒപ്പം കാടിന്റെയും നാടിന്റെയും രക്ഷയ്ക്കുവേണ്ടി അവളും സംഘവും തേടിപ്പിടിച്ച ഗൂഢചിത്രലിപികളുടെയും.
-
Pratheshika Charithrarachana: Enthu? Engane?
Original price was: ₹80.00.₹64.00Current price is: ₹64.00.ചരിത്രം മഹാത്മാക്കളെക്കുറിച്ചുള്ള അത്‌ഭുത വൃത്താന്തം മാത്രമല്ല; മറിച്ച്, ഒരു ദേശത്തെ/ നാടിനെ രൂപപ്പെടുത്തിയ ജ്ഞാതരും അജ്ഞാതരുമായ, വാണവരും വീണവരുമായ ഒരു വമ്പൻ മനുഷ്യാവലിയുടെ ബൃഹദ്കഥയാണ്- ജനപദങ്ങളുടെ പ്രയാണത്തിൻ്റെ പ്രമാണരേഖ. ശാസ്‌ത്രീയതയും കൃത്യതയുമുള്ള ചരിത്രരചനയുടെ, അന്വേഷണപരതയും നിഷ്‌പക്ഷതയുമുള്ള ചരിത്രരചയിതാക്കളുടെ പണിപ്പുരയിലേക്കാണ് ഈ പുസ്‌തകം വാതിൽ തുറക്കുന്നത്. പ്രാദേശികചരിത്രം രേഖയിലാക്കുന്നതിൻ്റെ മാനദണ്ഡങ്ങളും മാർഗരേഖകളുമാണ് ഇതിൽ ചരിത്രകുതുകികൾക്കായി-വിദ്യാർഥികൾക്കും അധ്യാപകർക്കും പൊതുജനങ്ങൾക്കുമായി-ക്രോഡീകരിച്ചിരിക്കുന്നത്. ചരിത്രരചനയുടെ വിവിധ ഘട്ടങ്ങളും ചരിത്രകാരൻ്റെ വിശേഷഗുണങ്ങളും മുന്നൊരുക്കങ്ങളും ജ്ഞാനസ്രോതസ്സുകളുമൊക്കെ ഇവിടെ വിശദീകരിക്കുന്നുണ്ട്.
-
Nayanmoni
Original price was: ₹160.00.₹128.00Current price is: ₹128.00.ഉള്‍ഫ തീവ്രവാദികളുടെ വെടിയേറ്റുമരിച്ച അച്ഛനു പകരക്കാരനായി ആസാമിലെ ടീ പ്ലാന്റേഷന്‍ മാനേജരായെത്തിയ അജയ്. ‘കണ്ണിലെ കൃഷ്ണമണി’ എന്ന് തദ്ദേശഭാഷയില്‍ നാമാര്‍ഥമുള്ള നയന്‍മൊനിയെ അവിടെവെച്ചാണ് അവന്‍ പരിചയപ്പെടുന്നത്. കേട്ടറിഞ്ഞ കഥകള്‍കൊണ്ടൊന്നും പൂരിപ്പിക്കാന്‍കഴിയാത്ത കടങ്കഥയായിരുന്നു, കണ്ടറിഞ്ഞ ആ ‘അപ്‌സരസുന്ദരി.’ തീവ്രവാദിയാക്രമണത്തില്‍ അമ്മയും വീടും നഷ്ടപ്പെട്ടവള്‍, അധ്യാപിക, കവയിത്രി, ചിത്രകാരി – ഈ അടരുകളുടെയൊക്കെ ഉള്ളിലെ യഥാര്‍ഥ നയന്‍മൊനിയെ അവന്‍ തേടിക്കൊണ്ടിരുന്നു; അവളിലൂടെ സ്വന്തം പിതാവിന്റെ കൊലപാതകരഹസ്യവും.
-
Sooryayathrayude Vismayacheppu
Original price was: ₹120.00.₹96.00Current price is: ₹96.00.ശാസ്ത്രത്തിന്റെ ചരിത്രത്തില്‍ പുതിയ അധ്യായം എഴുതിച്ചേര്‍ക്കാന്‍ തയ്യാറെടുക്കുകയാണ്, കുട്ടികള്‍ക്കും വലിയ കാര്യങ്ങള്‍ ചെയ്യാന്‍ കഴിയും എന്ന് തെളിയിക്കാന്‍ ശ്രമിക്കുകയാണ് സ്വപ്നസഞ്ചാരികളായ രണ്ടു വിദ്യാര്‍ഥികള്‍. സൂര്യനിലേക്കുള്ള സാഹസികയാത്രയ്ക്കാണ് അശ്വിന്റെയും വിമലിന്റെയും ഒരുക്കം. ആ ‘ഗഗനചാരികള്‍’ക്ക് എല്ലാ സഹായങ്ങളും വാഗ്ദാനംചെയ്ത് ഒരു കൂട്ടുകാരിയെത്തുന്നു; ചൊവ്വാഗ്രഹത്തില്‍നിന്നുള്ള സാനിയ! പേടകനിര്‍മിതി, അന്തരീക്ഷപാളികളിലെ താപ-മര്‍ദ വ്യതിയാനങ്ങള്‍, അത്ഭുതകണ്ണടയിലൂടെ ദൃശ്യമാകുന്ന തന്മാത്രകളുടെ വര്‍ണപ്രപഞ്ചം, തീഗോളങ്ങള്‍പോലെ പറന്നടുക്കുന്ന ഉല്‍ക്കകള്‍, ഭൂമിയിലെ മനുഷ്യരെ രഹസ്യമായി നിരീക്ഷിക്കുന്ന ചൊവ്വാവാസികള്‍, ശുക്രന്‍ പശ്ചാത്തലമാകുന്ന സെല്‍ഫി, സൂര്യന്റെ അകക്കാമ്പില്‍വച്ചുണ്ടായ അപകടം,… — ഇങ്ങനെ ആ സൂര്യയാനം അശ്വിനും വിമലിനും സമ്മാനിച്ചത്, കൗതുകകരവും സംഭ്രമജനകവുമായ ഒരുപാടൊരുപാട് നിമിഷങ്ങള്‍ ആയിരുന്നു, വിസ്മയക്കാഴ്ചകള്‍ ആയിരുന്നു.
കുട്ടികള്‍ക്കായി ഒരു ശാസ്ത്രനോവല്‍
