H&C Publishing House

“കദാനി’യെന്നാൽ, ഗോത്രഭാഷയിൽ, വെളുത്ത നിറമുള്ളവൾ.’ കറുത്തവരുടെ ഇടയിൽ തൊലിവെളുപ്പോടെ പിറന്നവൾ. ആ നിറത്തിന്റെ പേരിൽ, കുലം മുടിക്കാൻ ഉണ്ടായവൾ’ എന്ന ചാപ്പ അവൾക്കുമേൽ പതിയുന്നു, ഗോത്രസഭയാൽ നാടുകടത്തപ്പെടുന്നു. ആകാശച്ചെരിവിൽ വാഴുന്ന ആ കറുത്ത ദൈവത്തെ തേടിപ്പോകുവാൻ തന്നെ അവൾ ഉറച്ചു. എക്കോൺ കരടിയും ജെബാരി കരിമ്പുലിയും ആയിരുന്നു കൂട്ടാളികൾ. “ജനങ്ങളുടെയും മൃഗങ്ങളുടെയും ശത്രുവാണോ മിത്രമാണോ ദൈവം?” എന്ന, ഉള്ളിന്റെ ഉള്ളിലെ ചോദ്യത്തിന് ശരിയുത്തരം തേടുകയാണ് കദാനി.