H&C Publishing House

കോടിസൂര്യപ്രഭയോടെ വിളങ്ങുന്ന സംഹാരരുദ്രയായ ദേവിയാണ് ഒറ്റച്ചിലമ്പിലെ പ്രതിഷ്ഠ. ദേവിയുടെ ഉപാസകനായ ഒരു സാധുവിന്റെ ജീവിതത്തിലേക്ക് മറ്റൊരു ദേവി കടന്നുവരികയാണ്. തൃഷ്ണകൾ തിടംവയ്ക്കുന്ന ഇരുളിൻ മച്ചകത്ത് ഒറ്റച്ചിലമ്പിന്റെ യോധനാദം മുഴങ്ങുകയാണ്. പ്രളയം പോലെ വ്യാപിച്ച ആ അന്ധകാരത്തിൽ ഉഴറുന്ന ഒരു പുരുഷന്റെയും സ്ത്രീയുടെയും ഇടർച്ചകൾ ഈ നടവഴിയിൽ കാൽപ്പാടുകൾ തീർക്കുന്നു. ഭക്തിയും വിശ്വാസവും കാമവും മോക്ഷവും ഇവിടെ കളമെഴുതുന്നു. ഹൃദയത്തിനുമേൽ ദൈവത്തിന്റെ കൈയൊപ്പ് പതിഞ്ഞ എഴുത്തുകാരന്റെ ഈ നോവൽ, “നീയേറ്റുവാങ്ങാത്ത നോവേതു മണ്ണിതിൽ” എന്ന അതിശയം വായനക്കാരിൽ സൃഷ്ടിക്കുന്നു.