-
Mounangalkkumappuram
Original price was: ₹190.00.₹152.00Current price is: ₹152.00.കവിത സംവദിക്കുന്നത് അക്ഷരങ്ങള്‍ കൊണ്ടല്ലെന്നും, അത് ഹൃദയം കൊണ്ടാണെന്നും മഞ്ജുവിന്റെ കവിതകള്‍ സമര്‍ത്ഥിക്കുന്നു.
മൗനങ്ങള്‍ക്കുമപ്പുറം മരണമാണെന്ന് കവയിത്രി പറയുന്നുണ്ടെങ്കിലും, ആ മൗനങ്ങള്‍ക്ക് ആയിരം നാവുകളുണ്ടെന്ന് നമ്മെ അനുഭവപ്പെടുത്തുന്ന എഴുപത്തഞ്ചു കവിതകളാണിതിന്റെ ഉള്ളടക്കം.
മനുഷ്യജീവിതത്തിന്റെ വൈവിദ്ധ്യങ്ങളായ മനോവ്യാപാരങ്ങളെയും ഒപ്പം വര്‍ത്തമാനകാലത്തിന്റെ നൃശംസതകളെയും പ്രമേയവല്‍ക്കരിക്കുന്ന കവിതകള്‍ പുസ്തകത്തെ വായനയോടടുപ്പിക്കുന്നു. ഒന്നിനൊന്നു വ്യത്യസ്തമായ പാതകളിലൂടെ തന്റെ കവിതകളെ നടത്തിക്കുന്നതില്‍ എഴുത്തുകാരി കാണിക്കുന്ന സൂക്ഷ്മത അത്ഭുതപ്പെടുത്തുന്നതാണ്.
ആദ്യ കവിതയായ ‘ശലഭം’ പ്രതീകാത്മകമായി കാലത്തിന്റെ അരുതായ്മകളില്‍ ഇടപെടുമ്പോള്‍ , ‘കനലുകള്‍ കനവുകള്‍’ പ്രവാസ ജീവിതത്തിന്റെ ആഴങ്ങങ്ങളിലേക്ക് വായനക്കാരെ ആനയിക്കുന്നു. ആരവങ്ങളില്ലാതെ, ഉന്മാദങ്ങളില്ലാതെ, ജീവിതം പറയുന്ന മൗനഗീതങ്ങളാണ് മഞ്ജുവിന്റെ കവിതകള്‍.
-പ്രേമന്‍ ഇല്ലത്ത്
