H&C Publishing House

കെനിയൻ ഭൂമിയിൽ വേരാഴ്ത്തിയ ഒരു വൃക്ഷത്തിൻ്റെ ശിഖരത്തിൽ വിരിഞ്ഞ മനോഹരമായ പൂക്കൾപോലെയാണ് ഈ കഥകൾ. ‘ഇരുണ്ട ഭൂഖണ്ഡ‌ം’ എന്ന കുറ്റപ്പേര് ചാർത്തിക്കിട്ടിയ ഒരു ദേശത്തിന്റെ ഭാഗമായിരുന്ന ഈ ജനത ഇവിടെ അവരുടെ നാടോടിക്കഥകളും ഗോത്രസംസ്‌കാരവും ആചാരക്രമങ്ങളും ജീവിതരീതികളും ജ്ഞാനസംഹിതകളും തനതുകലകളും എല്ലാമെല്ലാംകൊണ്ടു സൃഷ്ട‌ിക്കുന്നത് വെളിച്ചത്തുരുത്തുകളാണ്. സമുദ്രംപോലെ സമ്പന്നമായ ശബ്‌ദങ്ങളുടെ മിശ്രിതമായ ഒരു ഭാഷയിൽ ഈ കഥകൾ വായനക്കാരനോടു സംസാരിക്കുന്നു. ‘അവസാനകഥയും വായിച്ചു തീർക്കുമ്പോൾ കെനിയ എന്ന രാജ്യത്തിലൂടെ ചുറ്റിസഞ്ചരിച്ച പ്രതീതി’ എന്ന് അവതാരികയിൽ ഡോ. ടി.എസ്. ജോയ് സാക്ഷ്യപ്പെടുത്തുന്നു.