സാധാരണ ഷീറ്റുകലണ്ടര്‍ പഞ്ചാംഗങ്ങളും ഫലങ്ങളും ചേര്‍ത്ത് പുസ്തകമാക്കിയിരിക്കുകയാണ്. ഒരു കലണ്ടര്‍കൊണ്ടുള്ള എല്ലാ ഉപയോഗങ്ങളും നടക്കും. പിറന്നാള്‍, ശ്രാദ്ധം ഹിന്ദു/മുസ്ലിം/ക്രിസ്ത്യന്‍ വിശേഷ ദിവസങ്ങള്‍, വ്രതം, നോമ്പ്, വിവാഹം, ഗൃഹപ്രവേശം, കുട്ടികള്‍ക്ക് പേരിടല്‍, ചോറൂണ് മുതലായ എല്ലാ കാര്യങ്ങള്‍ക്കുമുള്ള മുഹൂര്‍ത്തങ്ങള്‍, കൃഷിയാരംഭം, ഞാറ്റുവേല, കച്ചവടം തുടങ്ങുന്നതിനു യോജിച്ച സമയം, ഗ്രഹസ്ഥിതി – പകര്‍ച്ച, മാന്ദിസ്ഥിതരാശി, സംക്രമം, കലിദിനം, ലാടം, വൈധൃതം, ഗ്രഹമൗഢ്യം തുടങ്ങിയ എല്ലാ പഞ്ചാംഗകാര്യങ്ങളും ആധികാരികമായിത്തന്നെ ഉള്‍പ്പെടുത്തിയിരിക്കുന്നു. സ്ത്രീപുരുഷഭേദമന്യേ അശ്വതി മുതല്‍ ഇരുപത്തേഴു നക്ഷത്രക്കാര്‍ക്ക് മേല്‍പ്പറഞ്ഞ ഗ്രഹസ്ഥിതി – പകര്‍ച്ച തുടങ്ങിയ ഗണിതഫലമനുസരിച്ച് ഇപ്പോള്‍ നടക്കുന്നതും കഴിഞ്ഞുപോയതും വരാന്‍ പോകുന്നതും ആയ ഫലങ്ങള്‍ ക്രോഡീകരിച്ച് ഇതില്‍ ചേര്‍ത്തിട്ടുണ്ട്. ദോഷമോചനത്തിനുള്ള പരിഹാരങ്ങളും പരീക്ഷാജയം, ജോലിലാഭം, വിവാഹം മുതലായവ നടത്തിയെടുക്കാനുള്ള മാര്‍ഗങ്ങളും ഇതില്‍ ചേര്‍ത്തിട്ടുണ്ട്.