രാജേശ്വരിയുടെ ‘ഉത്തരായനം’ അനുഭവസാന്ദ്രതകളുടെ ബഹിർസ്ഫുരണങ്ങളാണ്. ആത്മീയതയുടെ ഭസ്മസുഗന്ധം തുളുമ്പുന്ന രചന. പുരാണകഥകളുടേയും ഐതിഹ്യങ്ങളുടെയും മിത്തുകളുടേയും ലോകത്തേക്ക് സ്വയമറിയാതെ വഴുതി വീഴുന്ന രചയിതാവിനെ നമുക്കിവിടെ കാണാൻ സാധിക്കും. ചരിത്രാവബോധം മേമ്പടിപോലെ ചേരുന്നത് ആഖ്യാനത്തിൻ്റെ സൗന്ദര്യത്തിന് മാറ്റുകൂട്ടുന്നു. അനുവാചകനെ തന്നോടൊപ്പം ചേർത്തുപിടിക്കാനുള്ള ക്രാഫ്റ്റ് ഗ്രന്ഥകാരിക്കുണ്ട്. രാജേശ്വരിയുടെ യാത്രകൾ ഉൾക്കാമ്പുള്ളൊരു പെണ്മനസ്സിൻ്റെ ബഹിർ ഗമനങ്ങളാണ്. മനസ്സിൻ്റെ ആഴങ്ങളിൽനിന്നും അലയടിച്ചുവരുന്ന തിരകൾ