വിസ്‌തൃതമായ ജ്യോതിശാസ്ത്രത്തിൻ്റെ പ്രയോഗികതക്കുവേണ്ടി പല ആചാര്യന്മാരും നിർമ്മിച്ച വിവിധ വിഷയങ്ങളെ പ്രതിപാദിക്കുന്ന പ്രകരണഗ്രന്ഥങ്ങൾ നിരവധിയാണ്. അവയിൽനിന്നെല്ലാം നിത്യോപയോഗത്തിന്ന് അത്യാവശ്യം അറിഞ്ഞിരിക്കേണ്ട കുറേ ഭാഗങ്ങളെ തിരഞ്ഞെടുത്തും സ്വന്തം ഭാവനകൊണ്ട് കൂട്ടിച്ചേർത്തും ജ്യോതിഷ വിദ്യാർത്ഥികൾക്ക് മനസ്സിലാകത്തക്കവിധം സ്വരൂപിച്ചു നിർമ്മിച്ച ഒരു ഗ്രന്ഥമാണ് ശ്രീരാമൻ ചൂണ്ടൽ രാജഗോപാൽ എസ് പണിക്കരുടെ ജ്യോതിഷപ്രദ്യോതം.

ഭാവി തലമുറയ്ക്ക് ഈ ഗ്രന്ഥം ഉപകാരപ്രദമാവട്ടെയെന്നും, ഇത്തരം സദുദ്യമങ്ങൾ അദ്ദേഹത്തെപ്പോലുള്ളവരിൽനിന്നും ഇനിയും ഉണ്ടാവട്ടെയെന്നും ആശംസിക്കുന്നു.
-അവതാരിക : കൂറ്റനാട്ടു കളരിക്കൽ രാവുണ്ണി പണിക്കർ