പത്തുപേര്‍ പുഴകടന്ന് ഇക്കരയെത്തി. എണ്ണിനോക്കിയപ്പോള്‍ ഒന്‍പതുപേരെയുള്ളൂ. വിഷാദിച്ചുനില്‍ക്കുന്നവനോട് ഒരു ഋഷി ഒന്നുകൂടി എണ്ണാന്‍ പറഞ്ഞു. ഒമ്പതു പേര്‍. എണ്ണിയവനെക്കുറിച്ചുള്ള ബോധം അറിയിച്ചു ഋഷി ‘തത്ത്വമസി – അതു നീയാണ് ‘ എന്ന സത്യം കാണിച്ചുകൊടുത്തു. അതാണ് ആനന്ദം. ആ തത്ത്വബോധത്തിന്റെ ആദ്യപടിയാണ് ഈ ചെറുഗ്രന്ഥം. വേദാന്തത്തിന്റെ ആദ്യപാഠങ്ങള്‍, സാങ്കേതികപദങ്ങള്‍ അറിയാനുള്ള ഈ ചെറുകൃതി ശ്രീ ശങ്കരാചാര്യ വിരചിതമാണ്.