അധ്യാപകാനുഭവങ്ങളുടെ ചോക്കുപൊടി പുരണ്ടതാണ് ഈ കൈപ്പുസ്തകത്തിലെ വാക്കുകള്‍. വിദ്യാര്‍ഥികളുടെ പഠനമികവിനും വ്യക്തിത്വവികാസത്തിനുമുള്ള സുവര്‍ണപാഠങ്ങള്‍ ഈ ക്ലാസ്മുറിയില്‍ പങ്കുവെക്കപ്പെടുന്നു. കുട്ടികളുടെ വളര്‍ച്ചയില്‍ വിദ്യാലയംപോലെത്തന്നെ വീടും പ്രധാനമാണെന്ന ‘ഒന്നാം പാഠം’ ഇതിലെ ബ്ലാക്ക്‌ബോര്‍ഡില്‍ തെളിയുന്നു. ‘ചൂരല്‍ക്കഷായ’മല്ല, വിജ്ഞാനവും വിവേകവും സമാസമം ചേര്‍ത്ത ‘പഞ്ചാരഗുളിക’കളാണ് ഈ പള്ളിക്കൂടത്തിലെ സാറന്മാര്‍ക്കും ടീച്ചര്‍മാര്‍ക്കും നല്‍കുവാനുള്ളത്. രക്ഷിതാക്കള്‍ക്കും അധ്യാപകര്‍ക്കും ഒന്നുപോലെ പ്രയോജനപ്രദമാകും ഇതിന്റെ വായന.