ഇലക്‌ട്രോണിക്‌സ് സാങ്കേതികവിദ്യയുടെ, വിശേഷിച്ചും ഡിജിറ്റല്‍ ഇലക്‌ട്രോണിക്‌സിന്റെ പ്രയോഗസാധ്യതകള്‍ക്കു മുന്നില്‍ ലോകം അത്ഭുതസമേതം കണ്‍മിഴിക്കുന്ന ഒരു കാലത്താണ് നാം ജീവിക്കുന്നത്. ഇലക്‌ട്രോണിക് ഉപകരണങ്ങള്‍ കൂടാതെയുള്ള നിത്യജീവിതം അസാധ്യമായിരിക്കുന്നുവെന്നു പറയുന്നതില്‍ തെല്ലും അതിശയോക്തിയില്ല. ഹൈസ്‌കൂള്‍ വിദ്യാഭ്യാസമുള്ള ആര്‍ക്കും ഇലക്‌ട്രോണിക്‌സിന്റെ അടിസ്ഥാനതത്ത്വങ്ങള്‍ എളുപ്പത്തില്‍ മനസ്സിലാകുംവിധം തയ്യാറാക്കിയിട്ടുള്ള ഈ പുസ്തകം ഡാന്‍സിംഗ് ലൈറ്റ്, ടെലഫോണ്‍ ടൈമര്‍, ബര്‍ഗ്ലര്‍ അലാറം, വാട്ടര്‍ ലെവല്‍ ഇന്‍ഡിക്കേറ്റര്‍ തുടങ്ങിയ കൗതുകകരവും ഉപകാരപ്രദവുമായ ഉപകരണങ്ങളുടെ സര്‍ക്യൂട്ടുകളെ ക്കുറിച്ചും സവിസ്തരം പ്രതിപാദിക്കുന്നു.