‘വധശിക്ഷയോ കഠിനതടവോ കൂടുതല്‍ അധാര്‍മികം?’ അതിസമ്പന്നനായ ആ ബാങ്കര്‍ ഒരുക്കിയ വിരുന്നുവേളയിലെ തര്‍ക്കവിഷയമായിരുന്നു ഇത്. തടവുശിക്ഷയെ ന്യായീകരിച്ചു സംസാരിച്ച ചെറുപ്പക്കാരന്‍ വക്കീല്‍. തന്റെ വാദം ശരിയാണെന്നു തെളിയിക്കുവാന്‍ പതിനഞ്ചുവര്‍ഷത്തെ കാരാഗൃഹവാസം തിരഞ്ഞെടുക്കുന്നു. ബാങ്കര്‍ നല്കുന്ന രണ്ടു മില്യന്‍ പന്തയത്തുകയാണ്, ഈ ഏകാന്തവാസം പൂര്‍ത്തീകരിക്കുവാനായാല്‍ അവനു ലഭിക്കുന്നത്… വിസ്മയകരമായ പരിസമാപ്തിയിലൂടെ ലോകശ്രദ്ധ നേടിയ ആന്റണ്‍ ചെഖോവിന്റെ The Bet എന്ന വിഖ്യാതകൃതിക്ക് ജയ്‌സണ്‍ കൊച്ചുവീടന്റെ പുനരാഖ്യാനം.