സാംസ്‌കാരികനവോത്ഥാനത്തില്‍ സാമൂഹികമായും സാമ്പത്തികമായും വിദ്യാഭ്യാസപരമായും പിന്‍തള്ളപ്പെട്ട നിരക്ഷരജനതയെ സമ്പൂര്‍ണ സാക്ഷരരാക്കുവാന്‍ ന്യൂ ഇന്ത്യ ലിറ്ററസി പ്രോഗ്രാം എന്ന പുതിയ പദ്ധതി സര്‍ക്കാര്‍ അംഗീകരിച്ചിരിക്കുന്നു. നാടിന്റെ വികസനപദ്ധതികളെക്കുറിച്ച് അവബോധം സൃഷ്ടിക്കുവാനും സമൂഹത്തിന്റെ മുഖ്യധാരയിലേക്ക് ഉയര്‍ന്നുവരുവാനും വ്യക്തമായ അറിവ് നിരക്ഷരരായ ജനതയ്ക്ക് നേടിയേ പറ്റൂ. എങ്കില്‍മാത്രമേ പ്രതികരിക്കാനുള്ള ഊര്‍ജം ആര്‍ജിക്കാന്‍ കഴിയൂ. സമത്വസുന്ദരമായ കാലം വരുമെന്ന് വിശ്വസിക്കാന്‍ കഴിയൂ.